Cäk 41:15 - JAM DE NHIALIC 2011

¹⁵ Go melik lɛ̈k en an, “Yɛn ë nyuöth, ku acïn raan wëërë yic ɛn. Ku acä piŋ nɔn yïn nyuöth weeriic.”

Cäk 41:15 Iomraidhean Croise

Cäk 40:8

Gokï puɔ̈k nɔm en an, “Wok ë nyuöth wën akɔ̈u, ku acïn raandan wëër keyiic wook.” Go Jothep lɛ̈k keek an, “Ee Nhialic Yen ee raan gäm riɛl yen nyuöth weeriic, ka week guiëërkï yɛn nyuöthkun.”

Cäk 41:8

Na ɣɔn amiäk, ke pääc ke cï nɔm mum. Go melik tït ke Rip cɔɔl kedhie, ku cɔɔl röör pelnïïm. Ku guïïr keek nyuöthde. Ku acïn raan töŋ cï ke bɛ̈n lëu në wër ë yic.

2 Lëk 26:5

Ɣɔn pïïr ë Dhekaria raandɛn ee ye wɛ̈ɛ̈t, Yudhia aaye Bɛ̈nydït riëëu, ago Nhialic thieei.

Diɛt 25:14

Bɛ̈nydït ee määth kekë kɔc ee ye riëëu guöp ku kek aye ke nyuöth mände.

Danyel 2:3

go lɛ̈k keek an, “Yɛn diɛɛr aläl në nyuöth cän nyuöth. Yɛn kɔɔr bä kë lueel ŋic.

Danyel 4:18

Go melik Nebukadnedhar lueel an, “Kënë yen e nyuöthdï, ka ënɔɔnë, Beltecadhar, lɛ̈k ë yɛn kë lueel. Acïn raan tök në röörkiën pelnïïm cï ye nyuöth ɛn. Ku aduëërë lëu, në biäk tɔ̈u ë wëi ke Nhialic ɣeric në yïn.

Danyel 4:9

Beltecadhar, bɛ̈ny de kɔc ee cɔ̈ɔ̈r, aŋiɛc nɔn tɔ̈u ë wëi ke Nhialic ɣeric atɔ̈u ë yïguöp ku yïn ee kacïmoonyë yökiic ëbɛ̈n. Kënë në yïn, ku yïn ee kacïmoonyë ëbɛ̈n yökiic. Kënë ee nyuöthdï. lɛ̈kë yɛn kë lueel.

Danyel 5:12

Ade nɔm ŋïnydït ku apelnɔm, ku aa tën de wër ë nyuuth yiic, ku ee meek tiiŋ nïïm, ku weer kacïmoony yiic, ka yïn duëër raan tuöc raan cɔl Danyel, ku acï melik cäk an, Beltecadhar, ku abï yïn lɛ̈k kë lueel ee kënë ëbɛ̈n.”

Danyel 5:14

Acä piŋ nɔn tɔ̈u ë wëi ke Nhialic ɣeric ke yïn, ku yïn atët, ku de yï ŋïnydekäŋ ku pɛlënɔm.

Danyel 5:16

Ku ënɔɔnë acä piŋ nɔn yïn löŋ cï thiaan yökic ku wer kacïmoony yiic. Na duëërë kë cï gɔ̈ɔ̈rë kuɛ̈n ɛn ku lɛ̈kë yɛn kë lueel, yïn bï tɔ ceŋ lupɔ thith amujuŋ de bääny, ku ceŋ kuat ë adhääp de riëëu në yïyeth ku yïn bï aa raan de diäk ë riɛl ë ciɛɛŋde yic.