Cäk 39:3 - JAM DE NHIALIC 2011

³ Ago bɛ̈nyde ye tïŋ luɔi tɔ̈u ë Bɛ̈nydït ke yen. Ku tïŋ luɔi yen ka nu në yeciin ŋuak nyïïn.

Cäk 39:3 Iomraidhean Croise

Cäk 21:20

Ku Nhialic aa tɔ̈u kekë meth go dït, ku jɔ rëër ë jɔ̈ɔ̈ric, ago rɔt tɔ ye yiëm cï leec.

Cäk 21:22

Në aköölkë, acï Abimelek kekë Pikol bɛ̈ny ë remdɛn de tɔŋ bɛ̈n lɛ̈k Abraɣam an, “Nhialic ee tɔ̈u ke yïn në këduön ye looi yic ëbɛ̈n.

Cäk 21:23

Ku ënɔɔnë, kuëëŋë në rin ke Nhialic në yanɔm eenë, nɔn cïn ɛn bï math wokë mïthkï, ku lɔ mïth bï bɛ lɔ̈ɔ̈k tɔ̈u në yacök. Yïn ya riëëu, ku ënɔɔnë luel nɔn bï yïn a riëëu, ku riëëuwë piny rëër yïn thïnë.”

Cäk 26:24

Ago Bɛ̈nydït tïc tëde en në ë wɛ̈ɛ̈r man töŋë, ku lëk en an, “Ee Yɛn Nhialic de Abraɣam wuur, duk riɔ̈c, Yɛn tɔ̈u wo yïn. Yïn bä thieei, ku gäm yïn mïth juëc, cït man wään cän en thɔ̈n lïmdiën Abraɣam.”

Cäk 26:28

Agokï puk nɔm an, “Acuk ŋic ëgɔk nɔn tɔ̈u ë Bɛ̈nydït ke yïn. Goku lueel an aŋuɛ̈ɛ̈n duëër wok gutguut looi në yïn, ku buk löŋ de mät mac në yïn.

Cäk 30:27

Go Laban lɛ̈k en an, “Piŋ ee kënë, acä yök në cäärdï yic nɔn cïï Bɛ̈nydït ya thieei në këdu.

Cäk 30:30

Kaku aake lik ɣɔn ŋuɔɔt ɛn wei, na wään aa la bɛ̈n, ke ke ŋuak kenyïïn arëët. Ku Bɛ̈nydït aye yïn thieei agut të cän a nɔm wɛl thïn. Ku ënɔɔnë, aja kɔɔr nɔn bän kake baaidï bɛ kiëët ayadäŋ.”

Cäk 39:2

Bɛ̈nydït atɔ̈u ke Jothep, ku ye Jothep tɔ tiëm. Ku Jothep arɛ̈ɛ̈r baai de bɛ̈nyde, raan ë Rip.

Cäk 39:21

Ku Bɛ̈nydït atɔ̈u ke Jothep, ku ye Jothep nyuöth nhiëër agɔk. Ku tɔ nhiɛɛr ë raan ee kɔc mac tiit.

Cäk 39:23

Go raan ee kɔc mac tiit cuök ee bɛ diɛɛr në ka nu në Jothep ciin, në luɔi ë tɔ̈u ë Bɛ̈nydït ke Jothep. Ku aye Jothep tɔ tiëm në këdɛn ye looi yic ëbɛ̈n.

2 Mel 18:7

Ku Bɛ̈nydït aa Ye tɔ̈u ke yen agut të le yen thïn, aa cï dɛ kajuëc. Ku aacï melik de Athiriya rɛɛc thok, ku jiɛi bïï luööi.

1 Lëk 22:13

Të le yïn lööŋ cï Bɛ̈nydït gäm Mothe në baŋ de kɔc ke Yithriɛl lɔ riëëu kedhie, yïn bï tiam ë luɔidu yic. Riit yïpiɔ̈u ku tɔ rɔ ril, ku du riɔ̈c.

1 Lëk 9:20

Pineɣath wën de Eleyadhar, yen aaye bɛ̈ny de kɔc tit kal thok, ku Bɛ̈nydït aa tɔ̈u kekë yen.

2 Lëk 1:1

Na wën ke Tholomon wën ë melik Debid ë dɔm ciɛɛŋ de Yithriɛl aril, go ë Bɛ̈nydït Nhialicde ye thieei ku tɔ ril aläl.

2 Lëk 26:5

Ɣɔn pïïr ë Dhekaria raandɛn ee ye wɛ̈ɛ̈t, Yudhia aaye Bɛ̈nydït riëëu, ago Nhialic thieei.

Neɣe 2:20

Guɔ bɛ̈ɛ̈r an, “Nhialic de paannhial Yen abï wo gäm tiëm, wok ee lïïmke, ka wok bï yïk lɔ gɔl. Ku wek cïn nïïm yic në kake Jeruthalemiic, ku cïn kë bäk rɔm në kake ciɛɛŋde yic.”

Diɛt 1:3

Kek ee kɔckë akïtkï në tiim cï cil në wɛ̈ɛ̈r yɔu, tiim ee luɔk në aköölkɛn ke luɔk, tiim cïï yïth ee biɔɔr. Ayek tiam në këriëëc yek looi yic ëbɛ̈n.

Dhek 8:23

Acï Bɛ̈nydït de rɛm lueel an: Në aköölkë yiic, alɛi kathiëër në juöör ke thook yiic ëbɛ̈n, abïk aa bɛ̈n tëde raan töŋ ë Judai, ku lëkkï yen an, ‘Tɔ wo lɔ të le yïn thïn në yïn ëtök. Acuk piŋ nɔn tɔ̈u ë Nhialic ke week.’

Math 5:16

Yak ɣɛɛrdun tɔ riau aya ë kɔc nïïm, abïk luɔiduön piɛth aa tïŋ, agokï Wuöörduön nu paannhial aa lɛc nɔm.

1 Kor 16:2

Ëkööl tueŋ ee kek dhorou ëbɛ̈n, week wedhie, ë ŋɛk ë ye käŋ tɔ̈ɔ̈u abï ke kueet, acït man cï Nhialic e tɔ yök käŋ, ku miäk të cän bɛ̈n, ka cïn juɛ̈ɛ̈rëkäŋ bï nu.

Nyöŋ 2:7

“Ku Bɛ̈nydït Nhialicdun acï luɔi yak looi në wecin thieei yic ëbɛ̈n. Acï week tiit në cäthduön wään cath wek ë jɔ̈ɔ̈r dïïtë yic ëbɛ̈n. Në ee runkë yiic kathiërŋuan Bɛ̈nydït Nhialicdun acï week tiit, ku acïn kë cï dak tëde week.

Jocua 1:9

Yïn cä yɔ̈ɔ̈k an rit yïpiɔ̈u, ku tɔ rɔt ril. Du rɔt tɔ riëëcë, ku du rɔt pɛ̈l wei, Bɛ̈nydït Nhialic abï tɔ̈u ke yïn alɔ të le yïn thïn.

Nyuuth 3:9

Tïŋ, yɛn bï kɔc ke luaŋ de Catan tɔ bɔ̈, kɔc ee röt tɔ ye Judai, ku cïkï ye Judai, ku ye lueth en törkï, tïŋ, abä ke tɔ bɔ̈ bïk ku gutkï kenïïm piny ë yïcök, ku ta ŋickï nɔn cän yï nhiaar.

1 Tham 18:14

Ku Debid aaye tiam në këriëëc ye looi yic ëbɛ̈n, në biäk tɔ̈u ë Bɛ̈nydït ke yen.

1 Tham 18:28

Acïï Thaulo bɛ̈n ŋic ëgɔk nɔn tɔ̈u ë Bɛ̈nydït kekë Debid, ku yök ayadäŋ luɔi nhiɛɛr ë nyande Mical Debid.

1 Tham 3:19

Ku Bɛ̈nydït aa tɔ̈u kekë Thamwɛl të ɣɔn dhuuk en, acïn lɔ̈ŋdɛn cï tɔ lööny piny.