Cäk 37:8 - JAM DE NHIALIC 2011

⁸ Ago mïthëkɔcken en luɔp an, “Ye tak, bä ya bɛ̈nyda ku cieŋ wo?” Agokï jɔ maan guöp arëët, në këde nyuöthde ku në këde kë lueel ë nyuöth në biäkden.

Cäk 37:8 Iomraidhean Croise

Cäk 27:41

Ago Ethau Jakop maan guöp në këde athiɛɛidɛn cï wun gäm en. Ku lueel në yepiɔ̈u an, “Akööl bï wok wää tɔ̈ɔ̈u acïk thiɔ̈k, yɛn bï Jakop wänmääth nɔ̈k.”

Cäk 37:4

Na ɣɔn, aa tïŋ ë mïthëkɔcken en luɔi nhiɛɛr ë wuönden Jothep awär keek, ke ke man Jothep guöp. Ku cïkï ee bɛ lëëŋ në yen.

Cäk 37:9

Go Jothep bɛ nyuöth ku lëk keek an, “Yɛn ë bɛ nyuöth ë nyuöth däŋ: ke akɔ̈l ke pɛɛi, ku kuɛl kathiëër ku tök ë ke gut kenïïm piny në yanɔm.”

Cäk 42:10

Gokï puk nɔm an, “Ei bɛ̈ny, acie yen. Wok ee lïïm lɛɛn ë bï bɛ̈n ɣööc në kacaam kapäc.”

Cäk 44:18

Go Juda lɔ tëde Jothep, ku lëk en an, “Bɛ̈ny, yïn läŋ an tɔ ya jam wo yïn cït man ë kë kaar. Ku du piɔ̈u bï diu we yɛn. Në biäk thööŋ yïn we melik guöpde.

Cäk 49:26

Athiɛɛi de wuur adït në athiɛɛi de kuarkun. Ku kapiɛth ee kɔc diir nu në kur thɛɛr nïïm, ka cï bï thök ananden, abïk tɔ̈u në Jothep nɔm athɛɛr. Abïk tɔ̈u në yenyin tueŋ, yen raan cï kuɛ̈ny bei në mïthëkɔcken yiic.

Cäk 50:18

Na wën, ke mïthëkɔcken ë ke bɔ̈ në gupken. Ku gutkï kenïïm piny në yenɔm. Ku lëkkï yen an, “Wokï kääc në yïnɔmë, wok cï ya lïïmku.”

Diɛt 118:22

Kuur wään cï kɔc ee yïk rɛɛc an cïï piɛth acï rɔt puk ke ye kë de naamde në käŋ yiic kedhie.

Bɛ̈n 2:14

Go raan puɔ̈k nɔm Mothe an, “Eeŋa tɔ yï ee bɛ̈ny bä löŋda bɛ̈n guiir? Kɔɔr bä ya bɛ nɔ̈k cït man ë raan ë Rip?” Go Mothe riɔ̈ɔ̈c, ku lueel ë yepiɔ̈u an, “Luɔi cän raan nɔ̈k acï dhiɛl ŋic.”

Luk 19:14

Ku amɛɛn kɔc ke paanden, gokï kɔc tuɔɔc ë yecök, kɔc bï e lɔ lueel an, ‘Wo cïï raanë kɔɔr luɔi bï en wo cieŋ.’

Luk 20:17

Go keek woi, ku lueel an, “Kënë ee kaŋö kë cï këcïgɔ̈ɔ̈rë lueel an, ‘Kuur cïï ë yïk rɛɛc, Yen manë guöp acï tɔ ye kuur ë aguk nɔm.’

Luɔi 7:35

“Yen Mothe guöp raan wään cïk rɛɛc an, ‘Eeŋa ë tɔ yïn ee bɛ̈ny ë wonïïm, bɛ̈ny bï löŋda guiir?’ Yenguöp acïï Nhialic tooc, bï aa bɛ̈ny bï keek cieŋ, ku kony ke, në tunynhial ë tul tëde yen ë butic.

Nyöŋ 33:16

Tɔ pinyden thiäŋ kekë këriëëc piɛth ëbɛ̈n, kë cï thieei në piath de Bɛ̈nydït. Raan ee jam në bun dɛ̈pic, tɔ ë athiɛɛiyë bɔ̈ tëde dhiën de Jothep. Në baŋ wään ee yen bɛ̈ny në mïthëkɔcken yiic.

Ɣeberuu 10:29

Në täŋdunic, duëër aa këtuc dïït cït ŋö, yen kuöm bï röŋ ke raan bï Wën ë Nhialic dhɔɔt guöp? Në reec reec yen En, ku kɛ̈c në yecök, ku ee riɛm de löŋ cï piɛc mac bï yen tɔ piɛthpiɔ̈u tɔ cïn naamde, ku ye Wëidït ɣer ke dhuëëŋdepiɔ̈u läät ë lɛ̈ɛ̈t rac.

1 Tham 10:27

Ago kɔc kɔ̈k de gup wël melik rɛɛc ku luelkï an, “Acïn këpiɛth bïï ee raanë luöi wook.” Agokï jaai ke cïkï yïn miɔ̈c.

1 Tham 17:28

Na wën, aa piŋ Eliap Debid ke jam ke kɔc, ke ŋëny Debid ke jam ke kɔc, ku lëk en an, “Eeŋö tɔ yï bɔ̈ eenë? Eeŋa cï nyäŋ thökku ë jɔ̈ɔ̈ric? Täudu aŋic yïn ee mɛnhë, aŋiɛc nɔn yen lɛc yen ëbïï yï. Ee tɔŋ yen ë bä bɛ̈n woi baaŋ!”

1 Tham 18:8

Ku cöökë ë Thaulo bɛ̈n wööc piɔ̈u aläl, go gɔ̈th arëët, ku lueel an, “Nɔn cï kek Debid tɔ näk aguum kathiëër ke kɔc, ku tɔkï ya näk agum de kɔc tei. Acïn däŋ ë döŋ, ee Debid yen bïk tɔ ye melik ee kë ciëënë!”