Cäk 33:4 - JAM DE NHIALIC 2011

⁴ Go Ethau e loor nɔm ke riŋ, le ku duutic, ku duut yeth në yecin ku ciim thok, ku dhiaukï kedhie.

Cäk 33:4 Iomraidhean Croise

Cäk 29:11

Na wën, ke cim Racel thok, ku dhiɛɛu në röl dït.

Cäk 29:13

Na wën, alɔ Laban thoŋ ë bɛ̈n ë wën ë nyankënë piŋ, ke kɔt le loor nɔm. Na wën, ke lee duutic ku ciim thok, ku bïï baaide. Go Jakop Laban tɛ̈t këriëëc ëbɛ̈n.

Cäk 32:11

Ku ënɔɔnë, Yïn läŋ an luäk ɛn në Ethau wänmääth. Yɛn ë riɔ̈ɔ̈c në yen arëët. Abï wo bɛ̈n nɔ̈k wodhie, mïth ku märken.

Cäk 32:28

Go raan lɛ̈k en an, “Rinku acï ke bï bɛ cɔl Jakop, abï ke cɔl Yithriɛl. Në luɔi cïn thɔ̈ny we Nhialic, ku kɔc ayadäŋ, ku tiëmë.”

Cäk 43:30

Ago Jothep dap jäl në kelɔ̈m ëthiäu në luɔi ë cï yen piɔ̈u kok ke mänhë. Go piɔ̈u guɔ thiaany. Go rɔt lɔ kɔ̈ɔ̈r të le yen dhiau thïn. Ago lɔ ɣöndɛn ë nïn thïn, le dhiau ëtɛ̈ɛ̈n.

Cäk 43:34

Go kacaam nööm në paam de Jothep nɔm, ku gëmë keek. Ku kë ë gëm Benjamin amat këde ŋɛkic në keyiic raan dhïc. Ku dëkkï në Jothep ëtök, ku jɔkï piɔ̈ɔ̈th miɛt ë röt.

Cäk 45:2

Ago dhiau arëët, abï kɔc ke Rip ye piŋ röl. Agokï thok lɛɛr baai de melik.

Cäk 46:29

ke Jothep ë kɛɛc në abëlde yic, ku le Gocen të nu wunë. Na wën, atïŋkï röt, ke Jothep ë nyuth rɔt wun, ku duut wun yeth, ku dhiɛɛu ë caŋawën.

2 Tham 14:33

Go Jowap lɔ tëde melik ku kuɛ̈n wël cïï Abthalom keek lueel. Na wën ke melik ë cɔl Abthalom. Go Abthalom bɛ̈n tëde melik ku gut yenɔm piny në melik nɔm, go ë melik ciim thok.

Neɣe 1:11

Ku ënɔɔnë piŋ lɔ̈ŋdï ku lɔ̈ŋ de lïïmkuön kɔɔr bïk Yïn riëëu. Tɔ ya tiëm ee köölë ku bï Melik piɔ̈u kok ke yɛn.” Në aa köölkë ee yɛn aaye raan ee ka ye melik dek kɔn thiëëp nïïm.

Jop 2:12

Ku të wën jɔ kek e tïŋ tëmec akënkï bɛ̈n ŋic, gokï ke röt jɔt ke ke dhiau, ku retkï lupɔɔ në kekɔ̈ɔ̈th ku yek abuui wɛɛr nhial në jiɛth ë piɔ̈u.

Diɛt 34:4

Yɛn cï Bɛ̈nydït lɔ̈ŋ, ago këdï bɛ̈ɛ̈r, ku kony ɛn në kën ee ya riääc ëbɛ̈n.

Kɛ̈ŋ 16:7

Raan cïï Bɛ̈nydït piɔ̈u miɛt ke yen, aye Bɛ̈nydït kɔc ke aterde puk ke ke ye määthke.

Kɛ̈ŋ 21:1

Piɔ̈n ë bɛ̈ny acït kuëër ë pïïu ke kiir aye Bɛ̈nydït Awärjäŋ wɛl nɔm të kɔɔr.

Luk 15:20

Go rɔt jɔt, bï tëde wun. Na wën, ke tïŋ wun ke ŋoot ke mec, go piɔ̈u kok ke ye, ku jɔ kat, le ku kuɛk yeth, ku ciim.

Luɔi 20:37

Gokï dhiau arëët kedhie, ku kuakkï Paulo yeth, ku cimkï,

1 Tham 20:41

Na wën aacï meth jäl, ke Debid ë jɔt rɔt në kut ë kur kɔ̈u ku bïï yenɔm bɛ̈n guöt piny në Jɔnathan nɔm raan diäk. Ku dhiaukï kedhie kekë Jɔnathan, ku cimkï kethook. Debid aacï piɔ̈u dhiau aläl awär Jɔnathan.