Cäk 32:4 - JAM DE NHIALIC 2011

⁴ Ku guïïr keek kë lek lɛ̈k Ethau an, “Ee yɛn Jakop lïmduön de guöp riëëu. Ku kë lɛ̈k bɛ̈nydiën Ethau kï: yɛn aa rɛ̈ɛ̈r wo Laban, ku yɛn kën a nɔm bɛ puɔ̈k wunda agut cï awälë.

Cäk 32:4 Iomraidhean Croise

Cäk 23:6

“Piŋ kë lëkku yïn, bɛ̈ny. Yïn yok tïŋ ke yï ye bɛ̈ny dït në woyiic eenë. Tɔ̈u tiiŋdu në raŋ piɛthduön cï yï diir. Acïn raan töŋ bï yï pɛ̈n raŋde në luɔi bï yïn tiiŋdu tɔ̈ɔ̈u thïn.”

Cäk 25:30

Go Ethau lɛ̈k Jakop an, “Tɔ ya ŋop kaliikakäŋ në cuai thithkë yiic, yɛn cï cɔk nɔ̈k aläl.” Yen aa jɔ yen bɛ̈n cäk an Edom, rin kë aluelkï thiɛth.

Cäk 27:29

Kɔc ke piny nɔm abïk yïn aa luööi, ku juöör abïk kenïïm aa guöt piny në yïnɔm, ku yïn bï ya bɛ̈ny de kɔcku, ku mïth ke moor abïk kenïïm aa guöt piny në yïnɔm. Ku aciɛɛn abï tɔ̈u ke raan ee yïn cieen, ku athiɛɛi abï tɔ̈u ke raan ee yïn thieei.”

Cäk 27:37

Ago Yithaak puɔ̈k nɔm Ethau, an, “Acä tɔ ye bɛ̈nydu, ku kɔcku acä keek tɔ ye lïïmke kedhie. Ku acä thiëi rap, ku mɔ̈u, ku yɛn ë mat wokë yen. Ka eeŋö däŋ bä bɛ gäm yïn mɛnhdï?”

Cäk 31:41

Yɛn aa rɛ̈ɛ̈r baaidu në ee runkë yiic kathiërrou. Yïn cä luööi në run kathiëër ku ŋuan, në këde duetku kaarou. Ku luööi yïn në run kadhetem në këde thökku. Ku në ee kakë yiic kedhie, yïn ariöpdï puɔ̈ɔ̈k raan thiëër.

Cäk 32:18

Ke puɔ̈kë nɔm en an, ‘Ee kake lïmduön Jakop. Ee miɔ̈c yïnë bɛ̈nydiën Ethau. Ku Jakop guöpde abɔ̈ ë wocök ciëën.’”

Cäk 32:5

Yɛn de nɔm ɣɔ̈k, ku thök, ku mul, ku lïïm röör ku diäär. Ku yïn yiɛ̈n thök bɛ̈nydï, në luɔi kaar ɛn kok de yïn piɔ̈u.”

Cäk 33:14

Yïn duëër lɔ tueŋ në wonïïm, ku yïn buk lɔ̈ɔ̈k kuany cök ë määth, në ɣɔ̈k ku mïth. Yïn buk lɔ yök në Edom.”

Cäk 33:8

Ago Ethau Jakop luɔp an, “Ee luuny ke ŋö, ë ka räm në yɛnë? Ku eeŋö tɔ yenɔm en?” Go Jakop puɔ̈k nɔm en an, “Ee ka kaar ɛn kok de yïn piɔ̈u.”

Cäk 36:8

Ago Ethau lɔ piɔ̈ɔ̈t piny ë kuur ë Thiyer, në kuriic.

Cäk 36:9

Kakë ee mïth ke Ethau kuɛɛrëden ë kɔc ke Edom piny ë kuur ë Thiyer.

Cäk 4:7

Na ë yï cï këpiɛth looi, adï kɛ̈n yïn gam? Ku në luɔi kën yïn këpiɛth looi, kërac atit yïn ɣöt thok cït man ë köör, akɔɔr nɔn bï yen yï dɔm, ku abä dhil tiaam.”

1 Mel 20:32

Gokï lupɔɔ ke cuɔl tääu në kekɔ̈ɔ̈th, ku duutkï awiɛɛth në ke yiëth, ku lekkï tëde Aɣap ku luelkï an, “Lïmduön Benɣadad aläŋ yïn, bä piɔ̈u kok wekë yen.” Go Aɣap bɛ̈ɛ̈r an, “Ŋoot ke pïïr? Apiɛth! Yen ee wänmääth!”

Bɛ̈n 32:22

Go Aron puk nɔm an, “Du piɔ̈u diu wekë yɛn, yïn ŋic ee kɔckë luɔidɛn nhiɛɛr kek kërac.

Kɛ̈ŋ 15:1

Ŋiëc bëër në piɔ̈n lir ee agɔ̈th tɔ lɔ piny, ku wël tuc thook ayek agɔ̈th tɔ ɣeer.

Kɛ̈ŋ 25:15

Ŋiëc jam ee tiam, ku aye bɛ̈ny raan piŋ thok.

Kɛ̈ŋ 6:3

Ke yïn ë jɔ wɛɛn në ee raanë ciin mɛnhdï. Ku kueer töŋ bï yïn ban kï: dap lɔ të de yen, ku läŋ bï yï pɔ̈l.

Wɛ̈ɛ̈t 10:4

Të cï bɛ̈nydu piɔ̈u diu ke yïn, du luɔɔidu päl ë yenɔm, awänydït aduëër ë puɔ̈l të pɛ̈l yïn rɔt piny.

Yith 21:11

Kënë ee jam në biäk de Edom, Ade raan cɔl ɛn ë Edom an, “Raan tït ee nɛn yen bï piny ruu? Lɛ̈kë yɛn ee nɛn yen bï wakɔ̈u thök?”

Luk 14:11

Raan ëbɛ̈n raan ee rɔt tɔ dït abï tɔ koor, ku raan ee rɔt kuɔɔr piny, yen abï tɔ dït.”

1 Pet 3:6

acït man ee Thara këde Abraɣam piŋ, go aa cɔɔl an, bɛ̈ny: ku wek cï guɔ aa nyïïrke, të ya wek këpiɛth looi, ku cäkï ee riɔ̈ɔ̈c ë këdäŋ abäk piɔ̈ɔ̈th atec.

Bäny 5:4

Bɛ̈nydït, të wään nyiëëŋ yïn kuur de Theyir piny, Të wään bïï yïn bei piny de Edom, piny acï bɛ̈n lath, ku tueny deŋ nhial. Ee yic, pïïu acïk bɛ̈n bɛ̈n piny në luäätiic.

1 Tham 26:17

Ëtɛ̈ɛ̈n go Thaulo Debid guɔ ŋic röl ku lop, an, “Ee yïn Debid wëndï?” Go Debid bɛ̈ɛ̈r an, “Ɣɛɛ, bɛ̈nydï.”