Cäk 3:5 - JAM DE NHIALIC 2011

⁵ Aa lueel ë Nhialic aya, në luɔi ŋic En en an të la wek ë timë cam, wek bï ciët Nhialic. Wek bï këpiɛth ŋic ku ŋiɛckï kërac.”

Cäk 3:5 Iomraidhean Croise

Cäk 2:17

Ku tim de ŋïny de käŋ, kapiɛth ku karɛc yetök. Yen acïn mïthke bï cam, ku kööl le yïn e cam, yïn bï thou.”

Cäk 2:9

Ago Bɛ̈nydït Nhialic tiim piɛth ëbɛ̈n tɔ cil Domic, tiim ee kɔc diir. Ku tɔ ke lok në mïth piɛth. Ku tim de pïïr aa tɔ̈u Domic cil ayadäŋ, ku tim de ŋïny ë käŋ, kapiɛth ku karɛc.

Cäk 3:10

Go moc puk nɔm an, “Yïn cä piŋ ke Yï cï bɛ̈n domic, guɔ guöp riɔ̈ɔ̈c, guɔ rɔt thiaan në Yïn, në luɔi cath ɛn në yakɔ̈u.”

Cäk 3:22

Go Bɛ̈nydït Nhialic lueel në yepiɔ̈u an, “Tïŋ ënɔɔnë, raan ë jɔ ciët wook, ë käŋ ŋic, kapiɛth ku karɛc. Acä bï bɛ tɔ cam mɛnh ë tim ë pïïr, ke cï bï bɛ pïïr aɣet athɛɛr.”

Cäk 3:7

Ku ee tëthiin ë ciɛm kek en në, acïk käŋ bɛ̈n guɔ ŋic, agokï guɔ yök nɔn ciɛth kek ë kekɔ̈ɔ̈th. Gokï yïth ke tim cɔl ŋaap määtiic ku kum kek röt.

1 Mel 22:6

Go melik de Yithriɛl tït ke Nhialic tɔ cɔl, kɔc cït bot kaŋuan (400), ku yöök keek an, “Bä tɔŋ lɔ lɛɛr Ramoth Giliyad ku cä tɔŋ bï lɛɛr?” Gokï bɛ̈ɛ̈r an, “Lɔ makkï keek, Bɛ̈nydït abï yï gam tiëm.”

2 Lëk 32:15

Ku ënɔɔnë duökï Ɣedhekia tɔ mɛth week ku thel week wei aya. Duökï kë lueel gam! Acïn yanh de jur cï kɔcke kɔn kony tëde melik de Athiriya. Ka yanhduönë acïï week bï kony!”

Diɛt 12:4

“Wok ee ka kan kɔɔrku yök në jamdan yok lueel. Kë kɔɔrku abuk lueel, ku acïn raan duëër e pɛ̈n wook.”

Bɛ̈n 20:7

“Duökï rin ke Bɛ̈nydït Nhialicdun ee cɔ̈l baŋ në ka ɣääriic, në luɔi bän raan ëbɛ̈n luöi këtuc, raan ee Ya cɔɔl rin baaŋ në ka ɣääriic.

Bɛ̈n 5:2

Go melik puk nɔm an, “Bɛ̈nydït eeŋa, ka yɛn duëër jamde jɔ piŋ, ku ta kɔc ke Yithriɛl jäl? Yɛn kuc Bɛ̈nydït, ku kɔc ke Yithriɛl acä ke bï tɔ jäl.”

Yith 14:14

Acï lueel an, bä kɛɛc nhial në luäät kɔ̈ɔ̈th ku bä ciët Awärjäŋ.

Edhekiɛl 13:22

“Në luethkun wek cï kɔc piɛth tɔ riääk piɔ̈ɔ̈th, kɔc cä ke kɔɔr bïk piɔ̈ɔ̈th riääk. Yïn ee kɔc ee karɛc looi pɛ̈n puŋëpiɔ̈u agokï wëiken kony.

Edhekiɛl 28:12

“Mɛnh ë raan, dhiëëuwë riääk bï melik de Tayer yök. lɛ̈kë kë luɛɛl, yɛn Bɛ̈nydït Awärjäŋ: Yïn aa thiäŋ we pɛlënɔm ɣɔn, kekë läk cï dikëdik!

Edhekiɛl 28:2

“Mɛnh ë raan, lɛ̈kë melik de Tayer, kë lɛ̈k en yɛn Bɛ̈nydït Awärjäŋ: yïn cï rɔt gap nhial në lɛc ku ye lueel an ye yath. Aye lueel an cï nyuc në thöny cï tuɔɔk ë wɛ̈ɛ̈r cï yath. Yïn duëër rɔt kac an ye yath, ku ei, yïn ee raan, yïn cie tɔ̈u athɛɛr.

Edhekiɛl 28:9

Të lee kek bɛ̈n bïk we bɛ̈n nɔ̈k, bäk bɛ ŋoot ke luɛl kï an ee yath? Të la wek kɔc näk we tïŋ, we bï aa kɔc tei ku we cïï bï bɛ aa ka tɔ̈u athɛɛr.

Edhekiɛl 29:3

Luel an kë lëkë Bɛ̈nydït Awärjäŋ melik de Rip kï: yïn ee raan aterdï, yïn ŋuäldït nyaŋ, dhɔt në pïïuwiic. Acï lueel an ye Kiir këdu, ku ee yïn ë loi en.

Danyel 4:30

ke lueel an, “Tiëŋkï luɔi dïït ë Babilon! Aa yiɛ̈k ke ee pänydiëndït bän riɛldï kekë bäänydï ku dhuëëŋdï nyuɔɔth.

Danyel 6:7

Wook wodhie wok kɔc lui ë ciɛɛŋdu yic, kɔc ee bääny tiit, ku bäny ke wuöt, ku bäny ke tɔŋ ke wuöt, ku bäny kɔ̈k, wok cï gam në luɔi bï yïn löŋ tääu piny ku mac aril. Tääuwë löŋ piny an, në nïn yiic kathiërdiäk (30), acïn raan bïï tɔ de kë lɛ̈ŋ tëde yanhdäŋ, ayï raandäŋ, ee tëde yïn, yïn melik. Ku raan lɔ ee löŋë rɛɛc gam, abïï cuat adhumic, adhum cï thiäŋ ke kɔ̈ɔ̈r.

Math 6:23

Ku na rac nyindu, ke yïn col guöp ëcut. Ku na tëɣeer nu ë yïguöp, të cool en, ke cuɔl ë yïnguöp bï ciët ŋö?

Luɔi 26:18

Lɔ keek liep nyïïn, ke ke bï röt yäl bei ë mɔ̈ɔ̈thic lek tëɣer, ku yɛlkï röt bei ë riɛl ë Catanic, lek të nu Nhialic, agokï nyiɛɛi de karɛc yök, ku yökkï kë bïk lɔ̈ɔ̈k lak në kɔc ëtök kɔc cï tɔ piɛthpiɔ̈ɔ̈th në gäm cï kek a gam.’

2 Kor 11:3

Ku yɛn riɔ̈c, luɔi bï en dɛ të bä wek piɔ̈ɔ̈th riääk, cït man cï kërac Ɣawa math në ruëënyde, aguɔkï piɔ̈ɔ̈th cuö bɛ aa tök, ku cäkï piɔ̈ɔ̈th be lɔ wai në Kërtho.

2 Kor 4:4

Kek kɔc cïï jɔŋ rɛɛc ceŋ pinyë nɔm ënɔɔnë tɔ cɔɔr piɔ̈ɔ̈th, kek kɔc reec gäm, ke riau de wëlpiɛth ke cïï keek bï riaau, wëlpiɛth ke dhuëëŋ de Kërtho, raan ë tɔ̈u ë täu de Nhialic guöp.

2 Theth 2:4

Raan ee rɔt yiëk ater në ka cï tɔ ye Nhialic ku läm ëbɛ̈n, ayï ka riëëuwë, ku tɔ rɔt dït ë keek, ago rëër ë luaŋdïït ë Nhialic ke ye rɔt tɔ ye Nhialic guöp.

Nyuuth 13:14

Ku ye kɔc rɛ̈ɛ̈r ë piny nɔm math në baŋ de göök gɛ̈iyë cï gäm en bï ke looi ë lɛ̈n rac nɔm, ee kɔc rɛ̈ɛ̈r ë piny nɔm yɔ̈ɔ̈k, an, bïk këdäŋ cuëëc kë cït guöp lɛ̈n rɛɛc wään cï yiëk tëtök në abätäu, ku acï pïïr.

Nyuuth 13:4

agokï ŋuäl lam, ŋuäl cï lɛ̈n rac gäm riɛlde, ku lamkï lɛ̈n rac, luelkï, an, “Eeŋa kït kekë lɛ̈n rac? Ku ye ŋa duëër biök ke ye?”

Bäny 3:2

A looi ee kënë tei, në luɔi bï En rem de Yithriɛl wɛ̈ɛ̈t ë tɔɔŋ, kɔc kën tɔŋ kɔn thɔ̈ɔ̈r.