Cäk 3:16 - JAM DE NHIALIC 2011

¹⁶ Ku lëk ë Bɛ̈nydït Nhialic tik an, “Yɛn bï arɛɛmdu ŋuak nyin të dhiëëth yïn. Yïn bï ya dhiëth ke yï rem guöp, ku yïn bï ya ŋoot ke yï kɔɔr monydu, ku abï yïn aa cieŋ.”

Cäk 3:16 Iomraidhean Croise

Cäk 4:7

Na ë yï cï këpiɛth looi, adï kɛ̈n yïn gam? Ku në luɔi kën yïn këpiɛth looi, kërac atit yïn ɣöt thok cït man ë köör, akɔɔr nɔn bï yen yï dɔm, ku abä dhil tiaam.”

1 Lëk 4:9

Aa de raan cɔl Jabedh, ee raan ye riëëu guöp arëët dhiënden. Go ë man cäk an, Jabedh, lueel an, dhiëëth në arɛɛmdït.

Ethta 1:20

Të le löŋduönë ŋic ciɛɛŋduön dïït macë, ke diäär abïk röörken ŋiëc aa riëëu, të ciɛk röörken kuɛth ku nɔn kuɛnykï nyïïn.”

Diɛt 48:6

Ëtɛ̈ɛ̈n acïï riɔ̈ɔ̈c ke bɛ̈n dɔm ku arɛɛm, cït arɛɛm ë tiiŋ kɔɔr dhiëth,

Yith 13:8

Keek kedhie abïk riɔ̈ɔ̈c ku abïï arɛɛm ke tiaam, cït arɛɛm de tiiŋ dhiëth. Abïk röt aa liec ë ŋäny ŋäny në riɔ̈ɔ̈c, ku dëpkï nyïïn ë liapliap në ayäär.

Yith 21:3

Kë cä tïŋ ku piɛŋ në nyuuth yic ë ya thiɔ̈ɔ̈ŋ në arɛɛm ku riɔ̈ɔ̈c, cït arɛɛm de tiiŋ kɔɔr dhiëth.

Yith 53:11

Na cï pïïr de guöm thök, abï piɔ̈u bɛ miɛt, abï ŋic nɔn kën Yen gum në ɣɔ̈ric. Awundiën cï rɔt gam, miɛt ɛn piɔ̈u we yen, abï këtuc de kɔc juëc ɣääc ku në biäkde abä keek päl karɛcken.

Jeremia 13:21

Eeŋö bäk jɔ lueel, të le kɔc yak keek tɔ ee määthkun we peec ku jɔkï week ceŋ? Wek bï tɔ̈u arɛɛmic cï tiiŋ kɔɔr dhiëth.

Jeremia 22:23

Yïn ee lɔ̈ŋ në tiim ke thidar ë Lebanɔn yiic, ku ee jiɛthëpiɔ̈u bï ciët ŋö bä yök të le arɛɛm yï yup, arɛɛm, cït arɛɛm de tiiŋ rɔ̈p.

Jeremia 4:31

Yɛn cï dhiëëu piŋ, cït dhiën de tiiŋ rɔ̈p, ee kiɛɛu cït kiɛɛu de nyan kaai. Ee kiɛɛu de pänydït de nyan de Dhiɔn, ee wëi gap nhial, ee yeciin riny ke lueel an, “Amawoou, yɛn cï thou! Abïk yɛn bɛ̈n nɔ̈k!”

Jeremia 49:24

Kɔc ke Damathko akɔ̈ckï ku acïk kat në riɔ̈ɔ̈cdït. Atɔ̈ukï arɛɛmic ku këcïmoony cït man ë tiiŋ rɔ̈p.

Jeremia 6:24

Go kɔc ke Jeruthalem lueel an, “Wok cï thok piŋ, goku woyiëth kuak në wocin, wok cï piɔ̈ɔ̈th jiɛth në arɛɛm ku töök de piɔ̈u në riɔ̈ɔ̈c cï tiiŋ rɔ̈p.

Kuɛ̈n 30:13

Mony de tik, ade nɔm yic në luɔi duëër en kuëŋ de tik ku nɔn ee gutguut cï lueel tɔ kääc ë kë bïï looi, ku nɔn tɔ cïn naamde.

Jɔn 16:21

Tik, të kɔɔr en dhiëth, ee piɔ̈u dhiau nɔn cï köölde bɛ̈n: ku të cï en däk, ka cïï tuöcdepiɔ̈u wën be tak, në biäk de miɛt cï en piɔ̈u miɛt luɔi cï raan dhiëëth ë piny nɔm.

1 Kor 11:3

Ku yɛn de piɔ̈u luɔi bä wek e ŋic, nɔn ee yen Kërtho yen ee nɔm de moc ëbɛ̈n, ku nɔm de tik yen aye moc, ku nɔm de Kërtho yen aye Nhialic.

1 Kor 14:34

Ë diëërkun ë ke ye lɔ lik ë ɣööt ke Nhialic yiic: akënë päl keek nɔn bï kek jam thïn, në ke ye tɔ̈u ke ke ye wël piŋ, acït man lueelë löŋ en ayadäŋ.

1 Kor 7:4

Tik acïn nɔm riɛl ë yenguöp, ee moc en ade nɔm riɛl: ayï moc aya, acïn nɔm riɛl ë yeguöp, ee tik en ade nɔm riɛl.

Kolothai 3:18

Wek diäär, yak tɔ̈u ë röörkun cök, cït man röŋ en ë Bɛ̈nydïtic.

1 Theth 5:3

Ku të lueel kek en an, “Piny arɛ̈ɛ̈r ëdïu, ku acïn riɔ̈ɔ̈c nu,” en a bï riääk ë kegup ëthiäu, cït man ë kɛ̈c cï tik käc, ku acïn kë duëër kek poth.

1 Tim 2:13

Adam en aa kɔnë cak, ku jɔ Ɣawa cak ciëën.

1 Tim 2:15

Ku tik abï kony të dhiëëth en meth, na lee tïït të tɔ̈u kek në gämic ku nhiëër ku ɣɛɛrëpiɔ̈u ku piathënɔm.

Tito 2:5

ke ke bï aa diëër ee nïïm tiëër, diëër ɣerpiɔ̈ɔ̈th ëtop, diëër ee tɔ̈u ë dhiënken, diëër piɛth, ee jam de röörken gup piŋ, ke jam ë Nhialic ke cïï bï aa läät.