Cäk 3:15 - JAM DE NHIALIC 2011

¹⁵ Ku Yɛn bï ater tääu në kaamdun we tik, ku në kaam de kɔ̈thku ku kɔ̈thke. Abäk keek aa kac ŋur, ku abïk week aa yup nïïm.”

Cäk 3:15 Iomraidhean Croise

Cäk 49:17

Dan abï ciët kërac de thok wurïï, kërac cï tɔ̈c në kueer këc. Kërac ee jöŋgör kac ŋuur, go jöŋgör raan nu në yekɔ̈u laŋ wei ke wel nɔm ciëën.

Diɛt 132:11

Yïn cï awunduön Debid luöi gutguut, gutguut cï bï dak nɔm ciëën: an, “Yɛn bï wën töŋdu tɔ ee melik, ku abï bääny muk në yïcök.

Yith 53:12

Ka yen abä gäm riëëu, në adhuëëŋ yiic kɔc rilku. Acï wëike gam në piɔ̈nde ëbɛ̈n ku rɔm thon de kɔc ee karɛc looi. Acï të de kɔc juëc ee karɛc looi nööm, ku lɛ̈ŋ në biäk bïï ë keek päl karɛcken.”

Yith 7:14

Apiɛth tei, Nhialic guöpde, abï yï nyuöth kë bï yïn en ŋic: Nyan dhuec abï mɛwä dhiëëth ku abïï cäk an, Emanwɛl, të lueelë yen në thoŋda, ee “Nhialic atɔ̈u ke wook.”

Jeremia 31:22

Kɔc cïn gäm, bäk gääu agut cï nɛn? Yɛn cï kë cï piac looi cak, ku ee kë mɛɛn, ee kë mɛɛn cït man ye tik moc gël.”

Danyel 9:26

Ku të cï aköölkë thök, bɛ̈ny cïï Nhialic lɔc abïï nɔ̈k akur. Ku pänydït kekë tëɣeric abï keek riɔ̈ɔ̈k në bɛ̈ny ril ëtör pec wut. Ku thök de käŋ abï bɛ̈n cït amool, ke bïï tɔŋ kekë riääk cïï Nhialic guiir.

Amoth 9:3

Na cakkï lɔ thiaan në kuur ë Karmel nɔm, ke abä ke kɔɔr ku abä ke dɔm gup ku jat keek. Na cakkï röt thiaan në Yɛn në wɛ̈ɛ̈r thar piny, Yɛn bï ŋuäldït yɔ̈ɔ̈k bï keek kääc.

Maika 5:3

Në biäk de ee kënë, Bɛ̈nydït abï kɔcke kɔn päl wei, agut të bïï tiiŋ rɔ̈p kɔn dhiëth, ku kɔn kɔckɛn cï döŋ apïïr kenïïm puk, bïk bɛ̈n mat në Yithriɛl.

Math 1:23

“Tiëŋkï, dhueny kën kɔn yök kekë moc abï meth yök, ago mɛwä dhiëëth, ku abïk meth cäk rin, an, Emanwɛl, (të pukë yen ë thoŋda, yen aye, “Nhialic ee tɔ̈u kekë wook”).

Math 1:25

Ku kën niin ke yen, të ŋoot en ke kën wëndɛn ë kɛɛi yen dhiëëth, ku jɔ cäk rin an, Yecu.

Math 12:34

Wek mïth ke karɛc, duɛ̈ɛ̈rkï kapiɛth aa lueel adï, ku yak kɔc rac piɔ̈ɔ̈th? Kë ye piɔ̈u thiɔ̈ɔ̈ŋ nɔm yen aye thok lueel.

Math 13:38

ku dom yen aye piny nɔm, ku kɔ̈th piɛth kek aye mïth ke ciɛɛŋ, ku wɛl röör kek aye mïth ke jɔŋ dïït rac,

Math 23:33

Wek karɛc, wek mïth ke deŋakook! Bäk poth wäkdï ë löŋduön cï guiir, ke we cïï bïï tääu ë giɛna yic?

Math 3:7

Na wën, acï kɔc juëc tïŋ, kɔc ke Parithai kekë Thadokai, ke ke bɔ̈ bïï ke bɛ̈n baptith në yen, ke ke jɔ yɔ̈ɔ̈k an, “Wek mïth ke karɛc, eeŋa ë yöök week an, bäk kat e agönh bï bɛ̈n?

Mak 16:18

abïk karɛc aa dɔm ë kecin, ku na yek ke deyic awuɔɔk dek, ka cïï keek bï nɔ̈k, abïk kecin aa thany ë kɔc tök gup, agokï waar.”

Luk 1:76

“Ku yïn, wëndï, yïn bï cɔl tiët de Nhialic Awärjäŋ: Yïn bï kɔn lɔ ë Bɛ̈nydït nɔm tueŋ, bä kuɛɛrke lɔ looi.

Luk 10:19

Tïeŋkï, wek gäm riɛl bä wek karɛc käc ë wecök, ayï manciëëi, ku gäm wek riɛl bä wek riɛl dïït ë raan de ater tiaam ëbɛ̈n: ku acïn kë bï week nɔ̈k anandun.

Luk 22:53

Wään aa yɛn cool ë rëër wokë week Luaŋdïtic, wek ë kën a dɔm: apiɛth, kööldun kï ee kënë, ku ye riɛl ë cuɔlëpiny.”

Luk 24:27

Na wën, ke ke wëër jam nu ë kacïgɔ̈ɔ̈r yiic kedhie, jam de yenguöp, gɔl ë Mothe aɣɔ̈l tït kedhie.

Jɔn 8:44

Wek ee mïth ke jɔŋdït rac wuöördun, ku kɔ̈ɔ̈r kɔɔrë wuöördun kërac, yen aa yak kɔɔr ayadäŋ. Yen aaye nɛ̈k të ɣɔn ciɛkë käŋ, ku reec ceŋ në yicic, luɔi liiuwë yic tëde yen. Të töör en lueth, ee këde en lueel, nɔn ee yen alueeth, ku ye wun lueth.

Luɔi 13:10

ku yöök an, “Yïn, raan cï yic thiäŋ ke ruëëny ku de yïguöp aciɛɛn, yïn wën ë jɔŋdït rac, raan man piathëpiɔ̈u ëbɛ̈n, cïï bï pɔ̈l anandu në yal ee yïn kuɛɛr ke Bɛ̈nydït tɔ yal röt, kuɛɛr lɔ cit?

Romai 16:20

Ku Nhialic de mät abï Catan dap tɔ dum ë wecök piny. Ë dhuëëŋ de Bɛ̈nydan Yecu Kërtho piɔ̈u ë ye tɔ̈u ke week. Amiin.

Romai 3:13

Rölden ee raŋ ɣɔ̈ɔ̈r nɔm, Ayek jam ëruëëny ë keliëp, Wurïï de karɛc anu ë kethook thïn,

Galatai 4:4

Na wën, aacï run thök, ke Nhialic toc Wënde, bï dhiëëth ë tik, ku dhiëth ë löŋic,

Epethiei 4:8

Yen a lueel en en an, “Ɣɔn le yen nhial, ke thel kë ye kɔc mac ke mac, Ku jɔ kɔc miɔɔc në käŋ.”

Kolothai 2:15

Ɣɔn cï en bäny yak ayï riɛl, tɔ ke ë ka bï kɔc woi, ago keek thel në tiëm cï en ke tiaam ë yen.

Ɣeberuu 2:18

Ku Yen guöpde acï gum ɣɔn themë yen, Yen aduëër en kɔc ye them lëu në kuny.

Ɣeberuu 5:7

Ɣɔn nu Yecu ë piny nɔm, acï Nhialic lɔ̈ŋ ku dhiɛɛu në röldït, lɛ̈ŋ Nhialic Raan duëër en kuöny bei në thuɔɔuwic. Aye lɔ̈ŋ në riëëu ku kuur yen rɔt kuɔɔr piny në Nhialic nɔm, go Nhialic lɔ̈ŋde piŋ.

1 Jɔn 3:10

Kën ee mïth ke Nhialic lɔ dhek kï, ku lɔ mïth ke jɔŋdït rac dhek: raan cïï këde piathëpiɔ̈u ee looi, ka cie këde Nhialic, ayï raan cïï mɛnhkënë ee nhiaar.

1 Jɔn 3:8

Raan ee kërac looi, ka ye këde jɔŋdït rac, jɔŋdït rac yen aa gɔl luɔi ë kërac ɣɔn ciɛkë käŋ. Yen aa tulë Wën ë Nhialic, bï luɔi de jɔŋdït rac bɛ̈n riɔ̈ɔ̈k.

1 Jɔn 5:5

Ku eeŋa raan ë piny tiaam? Cie yen raan cï Yecu gam, an, ee Wën ë Nhialic?

Nyuuth 12:17

Go ŋuäl gɔ̈th ke tik, ku jɔ jäl le tɔŋ yiɛ̈n mïthkɛn cï döŋ, kɔc ee lööŋ ke Nhialic döt, ku ciɛthkï në gäm de Yecu Kërtho.

Nyuuth 13:7

Ku gëm riɛl bï en tɔŋ yiɛ̈n kɔc ɣerpiɔ̈ɔ̈th, ago ke tiaam: ku gëm bɛ̈ɛ̈ny bï en dhiëën cieŋ ëbɛ̈n ku ceŋ kɔc ëbɛ̈n ku thook ëbɛ̈n ku juöör ëbɛ̈n.

Nyuuth 2:10

Du riɔ̈c ëtaitai në ka bä guum. Tïŋ, jɔŋdït rac akɔɔr luɔi bï en kɔc kɔ̈k ë weyiic cuat ë aloocic, luɔi bï we them, ku we bï këtuc dhal week yök ë nïn kathiëër. Ee gämdu döt a thou yïn, ke yïn bä miɔɔc nɔm ë göl ë pïïr.

Nyuuth 20:10

Ku cuɛtë jɔŋdït rac ee keek math ë baaric baar ë mac ku thulpur, të nu lɛ̈n rac kekë tiët alueeth thïn, ku abï ke leeŋ wëi aköl ku wakɔ̈u aɣet athɛɛr ya.