Cäk 24:22 - JAM DE NHIALIC 2011

²² Na wën, acï thɔ̈rɔ̈l thök ë dëk kedhie, ke lïm ë nöm jonh thiin adhääp tuc ë ɣööcde, ku tɛ̈ɛ̈u në nyantui wum. Ku nööm joth dït pätiic ke adhääp kaarou, ku tɛ̈ɛ̈u ke në yecin ayadäŋ.

Cäk 24:22 Iomraidhean Croise

Cäk 24:10

Ago lïm thɔ̈rɔ̈l kathiëër, nööm në thɔ̈rɔ̈l ke bɛ̈nydɛn Abraɣamic. Ku lɔc miɔ̈c piɛth në kake bɛ̈nydɛn Abraɣamic, miɔ̈c bï ke lɔ gam. Ku jël ke lɔ të lɔ rut, le pänydïït rëër ë Naɣor thïn, në piny cɔl Methopotamia.

Cäk 24:23

Ku lop an, “Ye nyan ëŋa? De të lääu baai de wuur, të duëër wok lɔ tɔ̈c?”

Cäk 24:30

Ku Laban acï joth tïŋ ë nyankënë wum, ku tïŋ joth pätiic kaarou ë yecin, ku piŋ ke luel kak ë lëk ë monytui yen. Ku lïm de Abraɣam akääc ë thɔ̈rɔ̈ɔ̈l lɔ̈m ë nyin ë pïïu nɔm, go lɔ të nu yen.

Cäk 24:47

Aguɔ luɔp an, ‘Ye nyan ëŋa?’ Ago puk nɔm an, ‘Yɛn ee nyan ë Bethwɛl, wën ë Naɣor kekë Milka.’ Aguɔ joth tääu në yewum, ku tääu joth kaarou në yecin.

Cäk 24:53

Ku bïï adhɛ̈p bei, ku ateek ku lupɔɔ, ku gëm ke Rebeka. Ku gëm man Rebeka miɔ̈c tuc ë ɣööcde kekë mänhë Rebeka ayadäŋ.

Ethta 5:1

Ɣɔn në kööl ye thɛ̈k nïn diäk, ke Ethta ë jɔ lupɔɔkɛn ke bääny tääu, ku jɔ lɔ ë gɔ̈ɔ̈lic thïn ku kɛ̈ɛ̈c ɣön ë Melik thok. Aa kääc ke wël enɔm thöny de Melik tɔ̈u ɣööt thïn, ku rɛ̈ɛ̈r Melik ë thööc nɔm ɣööt ke wel e nɔm biic.

Jop 28:1

Ee yic ade ɣään nu ë tiɔpic ya ye atek wec, ku të ye adhɛ̈p lëëŋ.

Jeremia 2:32

Duëër tiiŋ koor nɔm määr në kuatdɛn adhääp, ku nɔn ee yen nyan thiak duëër nɔm määr në lupɔɔkɛn ke thiëëk? Ku kɔckï acïk nïïm määr në Yɛn në nïn juëc cïï ke duëërë kueen.

Jeremia 32:9

Guɔ dom tɔ̈u ë Anathoth ɣɔɔc tëde Ɣanamel wën ë awälën ku thëm wëu yen, aaye wëu ka ateek kathiëër ku dhorou.

1 Pet 3:3

Ku kiëër aa wek röt kiir, duökï ee tɔ ye kiëër ë nai de nhïm, ku ciɛɛŋ de adhääp, ku ciɛɛŋ de lupɔ läk, kiëër ee biäk biic tei.

1 Pet 3:8

Cöök ciëën, yak tɔ̈u në piɔ̈n tök wedhie, yak piɔ̈ɔ̈th dap dhiau ë röt wapäc, yak röt nhiaar cït mïth ke raan tök, yak piɔ̈ɔ̈th dap kok, yak röt tɔ kor.