Cäk 24:16 - JAM DE NHIALIC 2011

¹⁶ Rebeka aaye nyan thiin läk aläl, ku aŋoot ke kën kɔn yök ke moc. Ago lɔ në nyin ë pïïu nɔm, ku thiëëŋ töönyde ku bïï bei.

Cäk 24:16 Iomraidhean Croise

Cäk 12:11

Na wën, ale thiɔ̈k ke Rip, ke lëk Tharai tiiŋde, an, “Aŋiɛc nɔn yïn tiiŋ läk aläl.

Cäk 26:7

Go kɔc ke wut en luɔp në tiiŋde, go lueel an, “Ee nyankäi.” Akën bɛ̈n gam nɔn ee yen tiiŋde. Acï riɔ̈ɔ̈c në luɔi bï kɔc ke wut e nɔ̈k, ku nömkï Rebeka. Në luɔi ee yen tiiŋ läk aläl.

Cäk 29:17

Liya alɔ nyin durdur ë mäth, ka acie daai ëgɔk. Ku Racel alɔ guöp kim piny ke läk aläl.

Cäk 39:6

Ago Pɔtipar kake jɔ tääu në Jothep ciin kedhie, ku cïn këdɛn yen bɛ diɛɛr, ee pëk ë cäm kɔ̈u yetök. Ku Jothep aaye dhuŋ lɛ̈ɛ̈k ee kɔc diir.

Cäk 4:1

Adam acï yök kekë Ɣawa tiiŋde, go Ɣawa meth yök ku dhiëëth mɛwä. Go Ɣawa lueel an, “Yɛn ë mɛwä yök në miɔ̈c de Bɛ̈nydït.” Go cäk rin an Kain.

Diɛt ke 5:2

Piɔ̈ndï aa yiɛ̈n, të wën niɛɛn ɛn, Guɔ nyuöth ke monydiën nhiaar ë tɔŋ ɣöt thok. Tɔ ya bɔ̈ ɣöt, raandiën nhiaar, nyandiën cï dikëdik, ku ye guukdï. Yɛn tiɔp nɔm wokë thäc, ku nɔmdï acï lɔ bath kekë ruu.