Cäk 24:12 - JAM DE NHIALIC 2011

¹² Ku lɛ̈ŋ an, “Bɛ̈nydït, Nhialic de Abraɣam bɛ̈nydï, tɔ ya tiëm ee köölë, ku nyuöthë nhiëërduön agɔk bɛ̈nydiën Abraɣam.

Cäk 24:12 Iomraidhean Croise

Cäk 15:1

Ku ëtɛ̈ɛ̈n, Abram ë jam de Bɛ̈nydït bɛ̈n piŋ në nyuöthic ke lueel an, “Abram du riɔ̈c, yɛn ee köndu. Yïn bä gël në kërac, ku yïn bä cuööt apiɛth.”

Cäk 24:21

Ku jɔ lïm ye dööt guöp në daai ke mim thok tei, tiit bï tïŋ nɔn cï Bɛ̈nydït cäthde tɔ tiiŋ.

Cäk 24:27

lueel an, “Athiɛɛi ë tɔ̈u kekë Bɛ̈nydït, Nhialic de bɛ̈nydiën Abraɣam, raan kën nɔm määr në nhiëërdɛn agɔk. Ku kën nɔm määr në thöndɛn cï thɔ̈n bɛ̈nydï. Bɛ̈nydït ë ya caath ëgɔk, bïï ɛn baai de yï bɛ̈nydiën Abraɣam.”

Cäk 24:42

“Ku të wën cän bɛ̈n ë nyin ë pïïu nɔm, yɛn acï lɔ̈ŋ an, ‘Bɛ̈nydït, Nhialic de bɛ̈nydiën Abraɣam, Yïn läŋ an tɔ ya lëu kë kaar bä looi.

Cäk 24:48

Aguɔ yamiɔl guöt piny, ku läŋ Bɛ̈nydït. Yɛn ë Bɛ̈nydït piɔɔny, Nhialic de bɛ̈nydiën Abraɣam. Raan cï ya caath ëgɔk, bïï yɛn tëde kɔc ke yï bɛ̈nydï. Të cän nyande bɛ̈n yök, bïï ya tiiŋ ë wën ë bɛ̈nydï.

Cäk 26:24

Ago Bɛ̈nydït tïc tëde en në ë wɛ̈ɛ̈r man töŋë, ku lëk en an, “Ee Yɛn Nhialic de Abraɣam wuur, duk riɔ̈c, Yɛn tɔ̈u wo yïn. Yïn bä thieei, ku gäm yïn mïth juëc, cït man wään cän en thɔ̈n lïmdiën Abraɣam.”

Cäk 27:10

Ku bä bɛ̈n yiɛ̈n wuur bï lɔ cuet, ke bï yï thieei të ŋoot en ke kën guɔ thou.”

Cäk 27:20

Ago Yithaak gäi, ku lop wënde an, “Nɛn däŋ mɛnhdï! Ë yï jɔ läi guɔ lɔ yök ëthiäu adï?” Go Jakop puk nɔm an, “Acä guɔ lɔ dïl nɔm ëthiäu, në luɔi cï Bɛ̈nydït Nhialicdu ya kuɔny.”

Cäk 28:13

Ku tïŋ Bɛ̈nydït akääc në yenɔm nhial, ku piŋ ke lueel an, “Ee Yɛn Bɛ̈nydït, Nhialic de Abraɣam kuaar, kekë Yithaak wuur. Pinyduön niin yïn thïn, abä gäm yïn wekë mïthku.

Cäk 31:42

Na cie luɔi tɔ̈u ë Nhialic de wää ke yɛn, Nhialic de Abraɣam kekë Yithaak, adï cï ya tɔ jäl në yacin tei aya. Nhialic ë ciɛɛŋ kuöc ë ya ciëëŋ tïŋ. Ku tïŋ luɔi cä looi, go yï jääm wën akɔ̈u.”

Cäk 32:10

Nhiëërduön agɔk acïï rɔ̈ŋ ke yɛn. Ayï dönduön piɛthë cï yïn lïmdu döt, acïkï rɔ̈ŋ në yɛn kedhie. Yɛn aa tem wɛ̈ɛ̈r de Jordan ke ye thieec tei yetök yen muɔ̈k në yaciin. Ku ënɔɔnë, yɛn ë bɛ̈n ciëën wokë luuny kaarou.

Cäk 32:9

Ago Jakop Nhialic lɔ̈ŋ an, “Nhialic de akuaar Abraɣam, ku ye Nhialic de Yithaak wää, piŋ këdï! Acï lɛ̈k ɛn Bɛ̈nydït an, ‘Dakë yïnɔm wundun, lɔ tëde kɔckun. Ku yïn bä caath apiɛth,’

Cäk 43:14

Ku Nhialic Awärjäŋ, abï bɛ̈ny de Rip tɔ kok piɔ̈u ke week. Ku gëm week mänhëdun kekë Benjamin. Na cï gɔ̈ɔ̈r nɔn bï mïthkï määr, ke ke mär!”

1 Mel 18:36

Na wën aacï thaa de miɔ̈ɔ̈c thëën bɛ̈n, ke tiët Elija ë lɔ ë yïk lɔ̈ɔ̈m, ku lɛ̈ŋ an, “Bɛ̈nydït, Nhialic de Abraɣam, ku Yithaak, ku Jakop, nyuɔɔthë rɔt ee köölë luɔi Yïn ee Nhialic në Yithriɛl, ku luɔi yan lïmdu, ku nɔn luɔɔi yɛn ee kakë kedhie në Jamduön ë lɛ̈kë yɛn.

2 Mel 2:14

Go lupɔ wën cï lööny piny tëde Elija nööm ku be en pïïu yup yiic, ku lueel an, “Nu ënou ënɔɔnë yen Bɛ̈nydït Nhialic de Elija.” Go pïïu keyiic tek në rou, go Elica tëëk ke lɔ lɔŋ tui.

Neɣe 1:11

Ku ënɔɔnë piŋ lɔ̈ŋdï ku lɔ̈ŋ de lïïmkuön kɔɔr bïk Yïn riëëu. Tɔ ya tiëm ee köölë ku bï Melik piɔ̈u kok ke yɛn.” Në aa köölkë ee yɛn aaye raan ee ka ye melik dek kɔn thiëëp nïïm.

Neɣe 2:4

Go a thiëëc an, “Ku eeŋö duɛ̈ɛ̈rë kɔɔr?” Guɔ Nhialic de paannhial lɔ̈ŋ,

Diɛt 118:25

Kony wook, Bɛ̈nydït, kony wook! Gämë wook tiëm, Bɛ̈nydït!

Diɛt 122:6

Läŋkï në biäk de män ë Jeruthalem an: “Kɔc nhiaar yïn abïk kuɛth.

Diɛt 127:1

Na cie Bɛ̈nydït yen ë yïk ɣöt, ke kɔc yïk luɔiden ee youyou, na cie Bɛ̈nydït yen ë tiit pänydït, ke kɔc tït luɔiden ee youyou.

Diɛt 37:5

Gämë kuɛɛrku Bɛ̈nydït, ye ŋɔ̈ɔ̈th, ku abï yï gël,

Bɛ̈n 3:15

lɛ̈kë kɔc ke Yithriɛl an, Ee Bɛ̈nydït Nhialic de kuarkun, Nhialic de Abraɣam kekë Yithaak, ku Jakop yen ë tuc ɛn week. Kek rinkï ka anandï, rin bï rɛm Ya aa cɔɔl në rɛm bɔ̈ ciëënë yiic ëbɛ̈n.

Bɛ̈n 3:6

Ee Yɛn Nhialic de kuarkun, Nhialic de Abraɣam kekë Yithaak ku Jakop.” Go Mothe riɔ̈ɔ̈c luɔi bï yen Nhialic woi, go yenyin kum.

Kɛ̈ŋ 3:6

Ye Bɛ̈nydït tak në këriëëc loi yic ëbɛ̈n, ku abï yï nyuöth kueer yic.

Math 22:32

“Yɛn ee Nhialic de Abraɣam, ku ya Nhialic de Yithaak, ku ya Nhialic de Jakop? Nhialic acie Nhialic de kɔc cï thou, ee Nhialic de kɔc pïïr.”

Pilipoi 4:6

Ë cïn kë bä wek piɔ̈ɔ̈th diɛɛr, ku në këriëëcic ëbɛ̈n yak kë kaarkï tɔ ŋic Nhialic në lɔ̈ŋ ku pal ku luɛl aa wek thieithieei lueel.