Cäk 22:9 - JAM DE NHIALIC 2011

⁹ Na wën, aa lek ɣet të cï Nhialic lɛ̈k en, ke Abraɣam ë yïk yïk ëtɛ̈ɛ̈n. Ku guiir tiim në yenɔm, ku dut Yithaak wënde, ku tɛ̈ɛ̈c ë tiim kɔ̈ɔ̈th nhial.

Cäk 22:9 Iomraidhean Croise

Cäk 12:7

Go Bɛ̈nydït bɛ̈n tëde Abram, ku lëk en an, “Piny bä gäm mïthku kï.” Ago Abram Bɛ̈nydïït cï tïc tëde yen yiëk yïk.

Cäk 12:8

Ku jɔ bɛ̈n kuëëth ke lɔ piny ë kuur, piny nu wun cɔl Bethel kɔ̈u të lɔ aköl amiäk. Ku piëët paanyde në kaam de Bethel kekë wun cɔl Ai, ke Bethel ë nu baŋ të lɔ aköl athɛ̈i, ku Ai ë baŋ të lɔ aköl amiäk. Go Abram Bɛ̈nydït yiëk yïk ëtɛ̈ɛ̈n, ku lɛm.

Cäk 13:18

Go Abram kuëëth, ku le nyuc të thiääk ke tiim ke ɣok ke Mameer, në piny cɔl Ɣebron. Ku yïk Bɛ̈nydït yïk ëtɛ̈ɛ̈n.

Cäk 22:10

Ku kuɛny Abraɣam lem an teem wënde röl.

Cäk 22:8

Ago Abraɣam puk nɔm an, “Nhialic abï nyɔk guik yetök mɛnhdï.” Ku barkï yic.

Cäk 8:20

Go Nowa Bɛ̈nydït yiëk yïk, ku nööm läi piɛth nyïïn ëbɛ̈n, läi duëërë ke näk Nhialic, ku nööm diɛt piɛth nyïïn ëbɛ̈n, diɛt duëërë ke näk Nhialic, ku gɛm miɔ̈c ye nyop ëbɛ̈n në yïk nɔm.

1 Mel 18:33

Ku guiir tiim ë yïk nɔm, ku dhɔ̈ɔ̈r miɔɔr në tiim ku tɛ̈ɛ̈u ë tiim kɔ̈ɔ̈th, ku lueel an, “Thiäŋkï töny kaŋuan ë pïïu ku wälkï ke ë miɔɔr kɔ̈u ayï tiim kɔ̈ɔ̈th

Diɛt 118:27

Bɛ̈nydït Yen aye Nhialic, aa piɛth kekë wook ë caŋɣɔn. Miɔc yïcin në yïth ke tiim, ku gɔl dhuëëŋ cök ku wil yïïŋ de Bɛ̈nydït.

Math 27:2

Na, wën, ke dutkï, ku thelkï, yïnkï bɛ̈ny Pontio Pilato.

Mak 15:1

Na ɣɔn amiäk, aa ruu piny, ke bänydït ke ka ke Nhialic ke ke cam löŋ në röördït ku kɔc ee löŋ gɔ̈ɔ̈r ku kɔc nu ë löŋic ëbɛ̈n, ku jɔkï Yecu duut, leerkï yïnkï Pilato.

Luɔi 8:32

Ku të wën kueen en këcïgɔ̈ɔ̈ric acï gɔ̈ɔ̈r alë an: “Acï thel cït man ë amäl le teem röl, Ku cït man ë nyɔɔŋ amääl lɔ lik ë raan nɔm raan tem nhïmke, Yen a miim en aya.”

Galatai 3:13

Kërtho acï wo wɛ̈ɛ̈r bei ë aciɛɛn ë löŋic, luɔi cï e tɔ ye aciɛɛn në biäkda: luɔi cï e gɔ̈ɔ̈r an, “Raan ëbɛ̈n raan nɔ̈ɔ̈k ë tim nɔm, ka cï cieen.”

Epethiei 5:2

Ku rɛ̈ɛ̈rkï në nhiëëric, acït man cï Kërtho wook nhiaar, ago rɔt gaam në biäkda, tɔ rɔt ë kë cï gäm Nhialic, ku näk, ago awäu cï tumëtum bɛ̈ɛ̈i.

Ɣeberuu 9:28

Yen acï Kërtho thou, nyiɛɛi karɛc ke kɔc juëc. Ku miäk të le Yen bɛ bɛ̈n në bɛ̈n ee kek rou, acie karɛc kek bï bɛ̈n bɛ nyaai, abï bɛ̈n bï raan ëbɛ̈n raan tit En bɛ̈n kony wëi.

Jakop 2:21

Na kuɛɛrëda Abraɣam, kënë tɔ ye raan piɛthpiɔ̈u në luɔi, ɣɔn lɛm en Yithaak wënde ë yïïŋ de läm nɔm?

1 Pet 2:24

Yenguöp ë karɛckuɔ ɣääc ë yeguöp ë tim kɔ̈u, luɔi bï wok thou tëde kërac, ku jɔku pïïr tëde piathëpiɔ̈u, dui ë duiyë ye, en aa tɔ we dem.