Cäk 22:1 - JAM DE NHIALIC 2011

¹ Na wën, alɔ aköölkë thök, ke Nhialic ë them Abraɣam, cɔɔl an, “Abraɣam!” Ago Abraɣam gam, lueel an, “Yakï.”

Cäk 22:1 Iomraidhean Croise

Cäk 15:1

Ku ëtɛ̈ɛ̈n, Abram ë jam de Bɛ̈nydït bɛ̈n piŋ në nyuöthic ke lueel an, “Abram du riɔ̈c, yɛn ee köndu. Yïn bä gël në kërac, ku yïn bä cuööt apiɛth.”

Cäk 21:11

Ku kënë acï Abraɣam muum nɔm aläl, në luɔi ye Yicmiɛl wënde ayadäŋ.

Cäk 22:11

Go tunynhial ë Bɛ̈nydït cööt ke nu nhial, lueel an, “Abraɣam, Abraɣam!” Go Abraɣam gam, ku lueel an, “Yakï eenë.”

Cäk 22:7

Ago Yithaak wun cɔɔl an, “Wää.” Go wun gam, ku lueel an, “Yakï mɛnhdï.” Go Yithaak en luɔp an, “Yïn de nɔm mac, ku tiim, ku na nyɔɔŋ lɔ nɔ̈k nu ënou?”

Cäk 37:13

Go Jakop lɛ̈k Jothep an, “Bä da, ë yï tuɔɔc Cekem të tiit ë mïthëkɔckun thök.” Go Jothep puk nɔm en an, “Apiɛth, acïn kë gäu ɛn.”

Cäk 46:2

Go Nhialic jam ke Jakop në nyuöthic wakɔ̈u, cɔɔl Jakop an, “Jakop, Jakop!” Go Jakop gam lueel an, “Woi! Yakï eenë.”

2 Tham 24:1

Na wën ke Bɛ̈nydït ë be göth kekë kɔc ke Yithriɛl, go Debid tɔ yïn nuan kɔc ke Yithriɛl. Go Bɛ̈nydït lɛ̈k en an, “Lɔ kuen kɔc ke Yithriɛl kekë kɔc ke Juda.”

2 Lëk 32:31

Ayï ɣɔn bïï tuuc wään bɔ̈ ë Babilon bɛ̈n, bïk kë de gäi cï tuöl pinyden bɛ̈n kɔɔric, go Nhialic Ɣedhekia gäm nɔm riɛl, bï cath ë kueerde, ago täude them.

Diɛt 11:5

Bɛ̈nydït ee kɔc rac them ku them kɔc piɛthpiɔ̈ɔ̈th, ku piɔ̈nde aman raan nhiaar akuöörkuöör.

Bɛ̈n 16:4

Na wën, ke lëk ë Bɛ̈nydït Mothe an, “Wek bä aa wɛ̈ɛ̈r kuïn nhial aköölnyïïn. Ku kɔc abïk aa kuany në kuïïn bï ke lëu në ee köölë yetök. Yen abän keek jɔ them na bïk lööŋkï döt.

Bɛ̈n 3:4

Na wën, aa tïŋ Bɛ̈nydït Mothe ke bɔ̈ tëthiɔ̈k, ke Nhialic ë cöt në bun dɛ̈pë yic ëtɛ̈ɛ̈n an, “Mothe! Mothe!” Go Mothe gam an, “Woi, yakï.”

Kɛ̈ŋ 17:3

Bɛ̈nydït ee kɔc them piɔ̈ɔ̈th, cït man ye adhääp kekë ateek them në mac.

Yith 6:8

Ëtɛ̈ɛ̈n acä piŋ ke lueel Bɛ̈nydït an, “Eeŋa duɛ̈ɛ̈r tooc? Eeŋa bï aa tunyda?” Aguɔ bɛ̈ɛ̈r an, “Yɛn bï lɔ! Toc ɛn!”

1 Kor 10:13

Acïn thëm cï we them pei, ee yen ë thëm töŋë jäŋ ëbɛ̈n. Ku Nhialic ee piɔ̈u adöt, acïï we bï pɔ̈l a them ë thëm cäkï duëër lëu ë guöm, ku abï kueer looi kekë thëm ëtök, kueer duɛ̈ɛ̈r wek ban thïn, luɔi bä wek e lëu në guöm.

Nyöŋ 13:3

duökï wël ee tiëtë gam taitai. Acïï Bɛ̈nydït Nhialicdun keek tɔ ee ka bïï ë week them, ago ë Bɛ̈nydït ŋic na nhiaarkï ë wepiɔ̈ɔ̈th ëbɛ̈n.

Nyöŋ 8:16

Acï week gäm mana ë jɔ̈ɔ̈ric bäk cam, këcam kën kuarkun kɔn cam. Acï we tuöc ka tuc thook them En ke week, aguɔkï athiɛɛi kekë kapiɛth jɔ yök në ke cök.

Nyöŋ 8:2

Yak we nïïm tak, në luöi wään cïï Bɛ̈nydït week wat ë jɔ̈ɔ̈ric në ee runkë yiic kathiërŋuan, ku ye we tuöc ka tuc thook them En ke week, ago kë kaarkï bäk looi ŋic, ku na bäk lööŋke riëëu.

Ɣeberuu 11:17

Aa ye gäm de yic aŋäth, yen aa gɛm Abraɣam wëndɛn Yithaak ke ye miɔ̈c nɛ̈k Nhialic në thëm ë them En en.

Jakop 2:21

Na kuɛɛrëda Abraɣam, kënë tɔ ye raan piɛthpiɔ̈u në luɔi, ɣɔn lɛm en Yithaak wënde ë yïïŋ de läm nɔm?

1 Pet 1:7

ke thëm cïï gämdun them, luɔi ee yen këpiɛth aläl awär adhääp bï riääk, acakaa yen ë them ë mac, ka bï yök aye këde lɛc ku dhuëëŋ ku riëëu ëkööl bï Yecu Kërtho rɔt nyuɔɔth.

Bäny 2:22

Yɛn bï Yithriɛl aa them në keek, na bïk cath apiɛth në kueer de Bɛ̈nydït cït man ee kuarken e looi.

1 Tham 3:4

Na wën, ke Bɛ̈nydït ë cɔl Thamwɛl. Go Thamwɛl bɛ̈ɛ̈r an, “Yakï, bɛ̈ny.”