Cäk 21:22 - JAM DE NHIALIC 2011

²² Në aköölkë, acï Abimelek kekë Pikol bɛ̈ny ë remdɛn de tɔŋ bɛ̈n lɛ̈k Abraɣam an, “Nhialic ee tɔ̈u ke yïn në këduön ye looi yic ëbɛ̈n.

Cäk 21:22 Iomraidhean Croise

Cäk 20:14

Ago Abimelek Thara dɔ̈k nɔm Abraɣam, ku gëm Abraɣam thök ku ɣɔ̈k, ku lïïm.

Cäk 20:17

Ago Abraɣam Nhialic lɔ̈ŋ, go Nhialic Abimelek tɔ piɔl guöp kekë tiiŋde, ku diäär lïïmke, gokï mïth dhiëëth.

Cäk 20:2

ke lueel an ye Thara tiiŋde nyankënë. Ago Abimelek, melik de Jiraar kɔc tuöc Thara, go yiɛ̈n en.

Cäk 26:26

Ago Abimelek jäl Jiraar kekë Akudhath, raan ee ye nyuööth, ku Pikol bɛ̈ny ë remdɛn de tɔŋ, lek Yithaak kɛ̈ny.

Cäk 26:28

Agokï puk nɔm an, “Acuk ŋic ëgɔk nɔn tɔ̈u ë Bɛ̈nydït ke yïn. Goku lueel an aŋuɛ̈ɛ̈n duëër wok gutguut looi në yïn, ku buk löŋ de mät mac në yïn.

Cäk 28:15

Yɛn tɔ̈u wokë yïn, ku yïn bä gël agut të le yïn thïn. Ku yïn bä lɔ dɔ̈k nɔm ee pinyë. Në luɔi cän yïn bï puɔ̈l, të ŋuɔɔt Ɛn ke ya kën ë ka lɛ̈k yïnë looi.”

Cäk 30:27

Go Laban lɛ̈k en an, “Piŋ ee kënë, acä yök në cäärdï yic nɔn cïï Bɛ̈nydït ya thieei në këdu.

Cäk 31:5

Na wën acïk bɛ̈n, ke lëk keek an, “Wuurdun acä tïŋ ke cïï yɛn be nhiaar cït mandɛn awään. Ku Nhialic de wää atɔ̈u ke yɛn.

2 Tham 24:7

Gokï lɔ wun cï gël de Tayer, ku lekï ë wuöt yiic kedhie, wuöt ke kɔc ke Ɣib, ku kɔc ke Kanaan. Na wën, ke ke jɔ ɣet Biirceba wun nu të lɔ wöuwic de Juda.

2 Lëk 1:1

Na wën ke Tholomon wën ë melik Debid ë dɔm ciɛɛŋ de Yithriɛl aril, go ë Bɛ̈nydït Nhialicde ye thieei ku tɔ ril aläl.

Yith 45:14

Aye Bɛ̈nydït lɛ̈k kɔc ke Yithriɛl an, “Kuɛth de Rip ku Ethiopia abï ya këdun, ku kɔc bär ke Theba abïk aa lïïmku, abïk yïn kuany cök në kuɛɛt. Abïk kenïïm guöt piny në yïnɔm ku gamkï awɛ̈ɛ̈cken ‘Nhialic atɔ̈u ke yïn, yen yetök yen ee Nhialic.

Yith 8:10

Luɔikï guiɛɛrdun! Ku acïkï bï tiam. Jamkï në jamduön cäk tak! Ku acïnkï naamden, në luɔi tɔ̈u ë Nhialic ke wook.

Dhek 8:23

Acï Bɛ̈nydït de rɛm lueel an: Në aköölkë yiic, alɛi kathiëër në juöör ke thook yiic ëbɛ̈n, abïk aa bɛ̈n tëde raan töŋ ë Judai, ku lëkkï yen an, ‘Tɔ wo lɔ të le yïn thïn në yïn ëtök. Acuk piŋ nɔn tɔ̈u ë Nhialic ke week.’

Math 1:23

“Tiëŋkï, dhueny kën kɔn yök kekë moc abï meth yök, ago mɛwä dhiëëth, ku abïk meth cäk rin, an, Emanwɛl, (të pukë yen ë thoŋda, yen aye, “Nhialic ee tɔ̈u kekë wook”).

Romai 8:31

Buk ŋö jɔ lueel në këde kake? Të mɛtë Nhialic ke wook, ke eeŋa bï dɛ ater ke wook?

1 Kor 14:25

Ago ka cï thiaan ë yepiɔ̈u jɔ tïc, ago rɔt cuat piny ë yenɔm, ku lɛm Nhialic, ku jɔ lueel an, “Nhialic anu ë weyiic ëdhöc!”

Ɣeberuu 13:5

Duökï piɔ̈ɔ̈th ee dït në nhiëër ë kajuëc kaarkï, yak piɔ̈ɔ̈th miɛt në ka tɔ̈u në week. Në luɔi cïï Nhialic e lueel an, “Yïn cä bï nyääŋ piny aya ku yïn cä bï kɔn pɔ̈l anandï.”

Jocua 3:7

Go Bɛ̈nydït lɛ̈k Jocua an, “Kë bä looi ë köölë, abï kɔc ke Yithriɛl tɔ rïïu yïn guöp, cït man ë raandït. Ku abïk jɔ ŋic nɔn täu Ɛn wokë yïn, cït man ɣɔn kan Ɛn tɔ̈u wokë Mothe.

Nyuuth 3:9

Tïŋ, yɛn bï kɔc ke luaŋ de Catan tɔ bɔ̈, kɔc ee röt tɔ ye Judai, ku cïkï ye Judai, ku ye lueth en törkï, tïŋ, abä ke tɔ bɔ̈ bïk ku gutkï kenïïm piny ë yïcök, ku ta ŋickï nɔn cän yï nhiaar.

1 Tham 24:22

Ago Debid kuëëŋ de Thaulo gam. Na wën ke Thaulo ë puk rɔt baai, ku lɔ Debid kekë kɔcke tëdɛn ye kek thiaan thïn.

1 Tham 3:19

Ku Bɛ̈nydït aa tɔ̈u kekë Thamwɛl të ɣɔn dhuuk en, acïn lɔ̈ŋdɛn cï tɔ lööny piny.