Cäk 21:14 - JAM DE NHIALIC 2011

¹⁴ Ago Abraɣam rɔt jɔt ɣɔn amiäk aduduur, ku gëm Ɣajer kacaam, ku athep ë pïïu athiäŋ ke pïïu. Kɛ̈k ë yekët, ku tɛ̈ɛ̈u meth ë yekɔ̈u, ku cieec ke wei. Go jɔ lɔ tɔ̈u në jɔ̈ɔ̈r ë Biirceba yic.

Cäk 21:14 Iomraidhean Croise

Cäk 16:7

Ago tunynhial ë Bɛ̈nydït ye yök në nyin ë pïïu nɔm ë jɔ̈ɔ̈ric; nyin nu në kueer lɔ wun cɔl Cur kɔ̈u.

Cäk 19:27

Na ɣɔn amiäk aduduur, ke Abraɣam ë riɛɛl të wään kɛ̈ɛ̈c en në Bɛ̈nydït nɔm.

Cäk 21:13

Ku Yɛn bï jur looi ayadäŋ, në mïth ke tiiŋ lïmë, në luɔi ee yen mɛnhdu ayadäŋ.”

Cäk 21:15

Na wën alɔ pïïu thök, ke tɛ̈ɛ̈u meth ë kɔ̈ɔ̈c thar,

Cäk 21:31

Ago ëtɛ̈ɛ̈n jɔ cäk an Biirceba (aluelkï an Yinh ë Dhorou), në luɔi yen ëtɛ̈ɛ̈n yen ë looi kek gutguut.

Cäk 21:33

Ago Abraɣam tiim cɔl tamarith com në Biirceba, ku lɛ̈ŋ Bɛ̈nydït ëtɛ̈ɛ̈n, Nhialic tɔ̈u athɛɛr.

Cäk 22:19

Ago Abraɣam yenɔm dɔ̈k lïïmke, ku jëlkï kedhie ke ke lɔ Biirceba, ku lɔ Abraɣam rëër ëtɛ̈ɛ̈n.

Cäk 22:3

Ago Abraɣam pääc ɣɔn amiäk aduduur, ku tem tiim bï ke miaac lɔ nyop, ku dut mulde kɔ̈u. Ku jɔt Yithaak wënde kekë wɛ̈ɛ̈t lïïmke kaarou, ku jëlkï ke ke lɔ të cï Nhialic lɛ̈k en.

Cäk 24:54

Ku jɔ lïm de Abraɣam bɛ̈n cam kekë kɔckɛn ë cath në yen, ku dëkkï. Ku ninkï ëtɛ̈ɛ̈n. Na ɣɔn amiäk aa pɛ̈ɛ̈ckï, ke lueel ë lïm de Abraɣam an, “Takï ya dɔ̈k a nɔm bɛ̈nydï.”

Cäk 25:6

Ku acï mïth ke diäärkɛn kɔ̈kë miɔɔc ayadäŋ wään ŋoot en ke pïïr. Ku jɔ keek bɛ̈n ciɛɛc wei në wëndɛn Yithaak lɔ̈ɔ̈m. Cieec keek piny të lɔ aköl amiäk lek rëër ëtɛ̈ɛ̈n.

Cäk 26:31

Na ɣɔn amiäk aduduur, ke ke pääc ku jɔkï gutguut looi në kɛmken. Ku jɔ Yithaak ke bɛ̈n ruac cök kueer, ku puɔ̈kkï ke cïn kërɛɛcdɛn be nu.

Cäk 26:33

Ago yith cäk an “Gutguut.” Yen të ë yök pänydïït ë Biirceba rinke ka.

Cäk 28:18

Go Jakop pääc ɣɔn amiäk aduduur, ku nööm kuurdɛn ë thïïr en enɔm, ku ciëp thar piny, tɔ kääc ke ye mën. Ku wɛ̈l nɔm miök.

Cäk 37:15

Go raan tök en yök ke cï yëëm rooric, go luɔp an, “Eeŋö kɔɔr eenë?”

Cäk 46:1

Ago Jakop kuëëth ke këriëëcde ëbɛ̈n. Na wën, ke ɣet Biirceba. Go Nhialic de Yithaak wun lɔ miɔɔc ëtɛ̈ɛ̈n.

1 Mel 19:3

Na wën, aacï Elija kënë piŋ, ke riɔ̈c ku jɔt rɔt, ku jiël kekë lïmde ke bɛ̈ɛ̈k wëike, le Biirceba, paan ë Juda. Ku nyiëëŋ raan ee ye luööi ëtɛ̈ɛ̈n.

2 Lëk 29:20

Na ɣɔn amiäk ke melik Ɣedhekia ë mɛ̈ɛ̈t röördït ke pänydït yiic, ku lekkï Luaŋdït yic.

Diɛt 107:4

Kɔc kɔ̈k aake ye tai ë jɔ̈ɔ̈r cïn yic kuɛɛr ku cïn kueer yökkï bï kek lɔ cieŋ në pɛ̈ɛ̈nydït yiic.

Diɛt 119:60

Yɛn cïï bï gääu në luɔi bän lööŋku riëëu.

Kɛ̈ŋ 27:14

Raan ee kɔc riaal piny ë thiëc ë röldït, thiëcde aye puk ke ye aciɛɛn.

Kɛ̈ŋ 27:8

Raan cï wunden nyääŋ piny, acït din cï ɣönde nyääŋ piny.

Wɛ̈ɛ̈t 9:10

Ye këduön loi looi apiɛth në riɛldu ëbɛ̈n, në biäk liu ë luɔi ku täk ku ŋïnydekäŋ ayï pɛlënɔm paan ë thuɔɔu wën bï yïn lɔ thïnë.

Yith 16:8

Duum thiääk në Ɣecbon ku duum ke tiim ke Thibima acï ke riɔ̈ɔ̈k, kek duum wään ye mɔ̈nden bäny ke juöör tɔ wiɛɛt. Në kööl tök këër ë tim aaye cuaar abï ɣet pänydït de Jadher, ku lee ë jɔ̈ɔ̈ric të lɔ aköl amiäk, ku lee të lɔ aköl athɛ̈i lɔŋ de Wɛ̈ɛ̈r de Amilɔ.

Jɔn 8:35

Ku lïm acie rëër ɣööt athɛɛr: ku Wëndït yen aye rëër athɛɛr.

Jocua 3:1

Na ɣɔn amiäk aduduur, ke Jocua ë jäl Akacia kekë kɔc ke Yithriɛl kedhie, lek piɔ̈ɔ̈t në Jordan kɔ̈u, ke ke tit kööl bï kek Jordan teem.

1 Tham 15:12

Na ɣɔn amiäk ke Thamwɛl ë jɔt rɔt le Thaulo kɔɔr. Ago piŋ nɔn cï Thaulo lɔ wun cɔl Karmel, aacï rɔt yiëk kuur ëtɛ̈ɛ̈n, ku jiël ke lɔ Gilgal.