Cäk 20:17 - JAM DE NHIALIC 2011

¹⁷ Ago Abraɣam Nhialic lɔ̈ŋ, go Nhialic Abimelek tɔ piɔl guöp kekë tiiŋde, ku diäär lïïmke, gokï mïth dhiëëth.

Cäk 20:17 Iomraidhean Croise

Cäk 12:17

Ago Bɛ̈nydït melik de Rip jieth piɔ̈u, kekë baaide në jɔɔk tuc thook, jɔɔk ë cï tuöc keek në këde Tharai, tiiŋ de Abram.

Cäk 20:7

Ënɔɔnë, dɔ̈kë raan nɔm tiiŋde. Yen ee tiët, abï lɔ̈ŋ në biäkdu ka yïn cï bï thou. Ku na cïï lɔ dɔ̈k nɔm monyde, ke ŋic ëgɔk nɔn bïn thou wekë kɔcku kedhie.”

Cäk 29:31

Na ɣɔn, alɔ Bɛ̈nydït Liya tïŋ ke cï maan guöp, ke tɔ dhiëth mïth, ku tɔ Racel rol.

Edhr 6:10

Agokï dɛ të bïï kek miɔ̈c ye Nhialic de paannhial tɔ mit piɔ̈u gam, ku lɛ̈ŋkï në pial de guöp de Melik kekë wɛ̈ɛ̈tke.

Jop 42:8

Ë nɔɔnë, nöm miöör kadhorou, ku nyök amɛ̈l kadhorou, yiɛ̈n ë ke Jop bï ke lɔ gam ke ke ye miɔ̈c näk, ku lɛ̈ŋ në biäkdun, ku Yɛn bï lɔ̈ŋde piŋ, ku wek cä bï yɔ̈ɔ̈r gup në ayär röŋ ke week. Wek kën jam në yith në biäkdï cït man ë yen.”

Kɛ̈ŋ 15:29

Lɔ̈ŋ de kɔc ee karɛc looi acie lɔ në Nhialic yïc, ee lɔ̈ŋ de kɔc piɛth piɔ̈ɔ̈th yen ee piŋ.

Kɛ̈ŋ 15:8

Miɔ̈c näk ye kɔc ee karɛc looi gam ee gök de kërɛɛc mɛɛn ë Bɛ̈nydït, ee lɔ̈ŋ de kɔc piɛth piɔ̈ɔ̈th yen anhiɛɛr.

Yith 45:11

Bɛ̈nydït, Nhialic Ɣeric de Yithriɛl, aye raan ee yen ee kë wadäŋ thɔ̈ɔ̈ŋ lueel: “Yïn cïn nɔm yic bä ya thiëëc në biäk de mïthkï, ku nɔn lɛ̈k yïn ɛn kë bä looi.

Kuɛ̈n 12:13

Go Mothe Bɛ̈nydït lɔ̈ŋ an, “Yïn läŋ Nhialic, tɔ dem.

Kuɛ̈n 21:7

Go kɔc ke Yithriɛl bɛ̈n tëde Mothe, ku luelkï an, “Wok cï wööc, në biäk cïï wok yï jääm guöp, ku jiëëmku Bɛ̈nydït guöp. Ku ënɔɔnë, läŋ Bɛ̈nydït bïï karɛc nyaai në woyiic. Go Mothe lɔ̈ŋ në biäk de kɔc.

Math 21:22

Ku na de kë bäk lïm të läŋ wek ku gamkï, abäk keek aa yök.”

Math 7:7

Yak lip, ke we bï miɔɔc, yak köör, ku abäk yök, yak ɣöt tɔɔŋ thok, ku abï liëp week.

Luɔi 3:24

Yeka, ku tït kedhie aya, gɔl ë Thamwɛl kekë tït biɔth e, tït ɣɔn ee wël lueel, acïk kɔn lueel ë këde aköölkë, keek kedhie.

Pilipoi 4:6

Ë cïn kë bä wek piɔ̈ɔ̈th diɛɛr, ku në këriëëcic ëbɛ̈n yak kë kaarkï tɔ ŋic Nhialic në lɔ̈ŋ ku pal ku luɛl aa wek thieithieei lueel.

1 Theth 5:25

Mïthëkɔckuɔ, yak lɔ̈ŋ në biäkda.

Jakop 5:16

Yen aa wek awɛ̈ɛ̈c gam ë röt wapäc, ku yak lɔ̈ŋ në röt wapäc, ke we bï dem. Pal ë raan piɛthpiɔ̈u, pal cath ke riɛl, en aye kajuëc tiaam.