Cäk 2:9 - JAM DE NHIALIC 2011

⁹ Ago Bɛ̈nydït Nhialic tiim piɛth ëbɛ̈n tɔ cil Domic, tiim ee kɔc diir. Ku tɔ ke lok në mïth piɛth. Ku tim de pïïr aa tɔ̈u Domic cil ayadäŋ, ku tim de ŋïny ë käŋ, kapiɛth ku karɛc.

Cäk 2:9 Iomraidhean Croise

Cäk 2:17

Ku tim de ŋïny de käŋ, kapiɛth ku karɛc yetök. Yen acïn mïthke bï cam, ku kööl le yïn e cam, yïn bï thou.”

Cäk 3:22

Go Bɛ̈nydït Nhialic lueel në yepiɔ̈u an, “Tïŋ ënɔɔnë, raan ë jɔ ciët wook, ë käŋ ŋic, kapiɛth ku karɛc. Acä bï bɛ tɔ cam mɛnh ë tim ë pïïr, ke cï bï bɛ pïïr aɣet athɛɛr.”

Cäk 3:24

Nhialic ë raan bɛ̈n ciɛɛc biic, ku tɛ̈ɛ̈u cerubiim domde thok baŋ të lɔ aköl amiäk, në abätɛ̈ɛ̈u riau. Abätɛ̈ɛ̈u wïïl röt ke ke cï rɛ̈ɛ̈r tëtök, ke ke bï tim de pïïr tiit, ke cïn kë bï bɛ̈n në yelɔ̈ɔ̈m.

Cäk 3:3

Aa lueel ë Nhialic an, “Wek cïï bï cam në mïth ke tim töŋ nu ë Domic cil, na cakaa jäk duökï jak. Na lak cam, we bï thou.”

Cäk 3:5

Aa lueel ë Nhialic aya, në luɔi ŋic En en an të la wek ë timë cam, wek bï ciët Nhialic. Wek bï këpiɛth ŋic ku ŋiɛckï kërac.”

Kɛ̈ŋ 11:30

Luɔi de piathëpiɔ̈u ee pïïr bɛ̈ɛ̈i, ku akuöörkuöör ee näk.

Kɛ̈ŋ 3:18

Kɔc ee nïïm pɛl amitkï piɔ̈ɔ̈th, aye pɛlënɔm kek gäm pïïr.

Yith 44:25

Yɛn cï kɔc ee käŋ caar tɔ cït dhän, ku ta kɔc ee kanhial caar rac piɔ̈ɔ̈th. Ku jääny wël ke röör pelnïïm ku ta ŋïnydɛn de käŋ ee dhɔ̈ɔ̈n.

Yith 47:10

“Yïn cï rɔt ŋic apiɛth në karɛckuön ye looi yiic, aye tak nɔn cïn en raan duëër yï tïŋ. Pɛlënɔmdu, ku ŋïnyduön de käŋ acïk yïn mɔ̈ɔ̈r, ku ja jɔ aa lɛ̈k rɔt an, ‘Yɛn ee Nhialic, acïn raan däŋ pei cït ɛn.’

Edhekiɛl 31:16

Të lan en tuɔɔc piny paan ë thuɔɔu, awuɔɔu de wïïkde piny abï juöör tïŋ. Tiim ke Eden kedhie, ku tiim kɔ̈k cï lɔc, tiim ke Lebanɔn ye ŋiëc piɔɔk ka ɣɔn cï lɔ në piny thar, abïk piɔ̈ɔ̈th miɛt në wïïkde.

Edhekiɛl 31:18

“Tim ee melik de Rip kekë kɔcke kedhie. Acakaa tiim ke Eden acïn tim bɛ̈ɛ̈r lɛ̈k ee kɔc diir ë nu. Ku ënɔɔnë, cï tiim ke Eden abïk lɔ ë piny thar paan ë thuɔɔu, ku mɛ̈tkï në kɔc cïï Nhialic ŋic ku kɔc ë näk në tɔɔŋ yiic. Yɛn cï jam, Yɛn Bɛ̈nydït Awärjäŋ.

Edhekiɛl 47:12

Tiim juëc yiic abïk luɔk në këcam në nyin biäkë ku nyin biäkë. Yïthken acïkï bï aa biɔɔr, ku abïk nïïm dɛk mïth ke ke cïï kääc. Abïk nïïm dɛk mïth piɛth ë pɛ̈i nyïïn ëbɛ̈n, në biäk ye ë keek piɔɔk ë nyin ee bɛ̈n bei tëɣeric. Tiim abïk kacaam aa bɛ̈ɛ̈i, ku yïthken abïk kɔc tɔ waar në juäi.”

Jɔn 6:48

Yɛn ee kuïn ë pïïr.

1 Kor 8:1

Ku në këde ka cï läm yiëth, Aŋicku wook wodhie nɔn de wo ŋïnydekäŋ. Ku ŋïnydekäŋ ee raan rɔt tɔ dït youyou, ku nhiëër en aye raan kueet.

Nyöŋ 6:25

Na lok këriëëc cïï Bɛ̈nydït thɔ̈n wook döt në piathëpiɔ̈u ku rïïuku, ke abï piɔ̈u miɛt kekë wook.

Nyuuth 2:7

Raan de yïc, ke piŋ kë lëkë Wëidït ɣööt ke Nhialic. Raan ee tiam, abä päl cäm ë tim de pïïr, tim nu Paraditho de Nhialic.

Nyuuth 22:14

Thieithieei kɔc ë lööŋkë döt, ke ke bï dɛ riɛl bï kek lɔ të nu tim de pïïr, ku tëkkï ë thook ke kal lek pänydït.

Nyuuth 22:2

Ku tim ë pïïr anu ë kiir nɔm lɔŋë, tim ee luɔk ë mïth ee yiic thiëër ku rou, ee luɔk ë pɛ̈i nyïïn kedhie: ku yïth ke tim aye ke tɔ ye wɛ̈ɛ̈l ee juöör tɔ dem.