Cäk 2:8 - JAM DE NHIALIC 2011

⁸ Ago Bɛ̈nydït Nhialic dom looi ëtɛ̈ɛ̈n në Eden, në biäk të lɔ aköl amiäk. Ku jɔ raandɛn cï cuëëc tääu thïn ëtɛ̈ɛ̈n.

Cäk 2:8 Iomraidhean Croise

Cäk 13:10

Go Lɔt yenyin jat nhial, go wak ë Jordan tïŋ ke ee yic dɛ pïïu juëc ë cieŋ, cït man ë dom de Bɛ̈nydït, ku cït piny ë Rip të lɔ wun cɔl Dhowar. Ku ëtɛ̈ɛ̈n, ee të ɣɔn ŋoot ë Bɛ̈nydït ke kën Thɔdom guɔ riɔ̈ɔ̈k kekë Gomoora.

Cäk 3:23

Ago Bɛ̈nydït Nhialic raan ciëëc bei dom de Eden, ku jɔ tɔ puur abuui ɣɔn cuëëc En en.

Cäk 3:24

Nhialic ë raan bɛ̈n ciɛɛc biic, ku tɛ̈ɛ̈u cerubiim domde thok baŋ të lɔ aköl amiäk, në abätɛ̈ɛ̈u riau. Abätɛ̈ɛ̈u wïïl röt ke ke cï rɛ̈ɛ̈r tëtök, ke ke bï tim de pïïr tiit, ke cïn kë bï bɛ̈n në yelɔ̈ɔ̈m.

Cäk 4:16

Go Kain jäl piny nu Bɛ̈nydït thïn, ku le rëër piny cɔl “Riäu”, piny nu në Eden kɔ̈u të lɔ aköl amiäk.

2 Mel 19:12

Juöör ɣɔn cïï kuarkuɔ ke kɔn riɔ̈ɔ̈k cït yï Godhan ku Ɣaran ku Redhep ku nɛ̈k kɔc ke Betheden ɣɔn rɛ̈ɛ̈r ë Telathar, ku acïn yanhdɛn töŋ cï juöör bɛ̈n kony.

Yith 51:3

“Yɛn bï Jeruthalem nyuöth kokëpiɔ̈u, nyuöth raan ëbɛ̈n raan rɛ̈ɛ̈r në ye ɣööt cï riääk yiic. Na cakaa nɔn ye pinyde jɔ̈ɔ̈r, abä tɔ ee dom, abï ciët dom cä com ë Eden. Dhuëëŋ ku miɛtëpiɔ̈u abïk tɔ̈u ëtɛ̈ɛ̈n, ku diɛt ke thieithieei ku lɛ̈c leecë Yɛn.

Edhekiɛl 27:23

Pɛ̈ɛ̈nydït ke Ɣaran, ku Kane, ku Eden, ku kɔc ke Ceba ee käŋ ɣaac, ku pɛ̈ɛ̈nydït ke Acuur Kilmad, keek kedhie ayek käŋ ɣöc week.

Edhekiɛl 28:13

Yïn aa rɛ̈ɛ̈r në Eden, dom de Nhialic, ku cieŋ kur piɛth kith yiic: kɔi, ku daimon, ku thardiɔn, ku topadh, ku jathpi, ku kurithilo, ku beril, ku thapiro, ku emerald, ku garnet, ku onik de guët cï tɔc kɔ̈ɔ̈th në adhääp. Aake loi keek në kööl ë ciɛkë yïn.

Edhekiɛl 31:16

Të lan en tuɔɔc piny paan ë thuɔɔu, awuɔɔu de wïïkde piny abï juöör tïŋ. Tiim ke Eden kedhie, ku tiim kɔ̈k cï lɔc, tiim ke Lebanɔn ye ŋiëc piɔɔk ka ɣɔn cï lɔ në piny thar, abïk piɔ̈ɔ̈th miɛt në wïïkde.

Edhekiɛl 31:18

“Tim ee melik de Rip kekë kɔcke kedhie. Acakaa tiim ke Eden acïn tim bɛ̈ɛ̈r lɛ̈k ee kɔc diir ë nu. Ku ënɔɔnë, cï tiim ke Eden abïk lɔ ë piny thar paan ë thuɔɔu, ku mɛ̈tkï në kɔc cïï Nhialic ŋic ku kɔc ë näk në tɔɔŋ yiic. Yɛn cï jam, Yɛn Bɛ̈nydït Awärjäŋ.

Jowɛl 2:3

Mac ee käŋ nyop në kenïïm tueŋ, piny ee tɔ̈c cï dom de Eden në kenïïm tueŋ, ku në kecök ciëën ee döŋ ke ye jɔ̈ɔ̈r baaŋ. Acïn kë ye ban në kecin.