Cäk 2:25 - JAM DE NHIALIC 2011

²⁵ Ku moc kekë tik aake cïn kɔ̈ɔ̈th lupɔɔ, ku aake cïï gup ee riɔ̈ɔ̈c.

Cäk 2:25 Iomraidhean Croise

Cäk 3:7

Ku ee tëthiin ë ciɛm kek en në, acïk käŋ bɛ̈n guɔ ŋic, agokï guɔ yök nɔn ciɛth kek ë kekɔ̈ɔ̈th. Gokï yïth ke tim cɔl ŋaap määtiic ku kum kek röt.

Diɛt 25:3

Ee yic, acïn raan ee Yïn ŋɔ̈ɔ̈th ee yäär, ee kɔc ee Yï dap rɛɛc thok kek ee yäär.

Diɛt 31:17

Yïn caal Bɛ̈nydït, du ɛn bï yɔ̈ɔ̈r guöp. Yäär kɔc rac gup, tɔ ke lɔ paan ë thuɔɔu ke ke lɔ lik.

Bɛ̈n 32:25

Go Mothe tïŋ luɔi cïï Aron kɔc tɔ päl kueer, ku yɔ̈ɔ̈rkï röt në kɔc ke ater nïïm.

Yith 44:9

Kɔc ee yiëth looi kedhie acïnkï naamden, ku yiëth yek leec aläl acïnkï thaarden. Kɔc ee yiëthkë lam acïk cɔɔr ku acïn kë ŋickï ku abïk gup yäär.

Yith 47:3

Kɔc abïk yï woi ke yï rɛ̈ɛ̈r në yïkɔ̈u, abïk yï tïŋ ke yï cï kuɔɔr piny ku cï yäär. Yɛn bï guur ku acïn raan bï ya pëën.”

Yith 54:4

Du riɔ̈c, yïn cïï yäär bï bɛ nyɔk, ku cïï yïn bï bɛ kuɔɔr piny. Yïn bï nɔm määr në ayärduön ɣɔn yïn dhuk, ku mär nɔm në rëërdu yïtök cï tiiŋ abaar.

Jeremia 17:13

Bɛ̈nydït yïn aye aŋäth de Yithriɛl, kɔc cï yïn rɛɛc kedhie abïï keek tɔ yäär. Abïk määr cï rin cï gɔ̈ɔ̈r ë abuui yic, kɔc cï lɔ paan ë thuɔɔu, në biäk cï kek Yïn pɔ̈l, Yïn Bɛ̈nydït, Yïn awaŋ de pïïu piɛth.

Jeremia 6:15

Ë ke ye gup yäär të wään ye kek karɛc cït ee kakë looi? Ei, acïkï gup ee yäär taitai, ku acïkï ŋic aya luöi duëër kek ye pɔ̈l. Ka keek abïk wïïk cït man cï kɔc kɔ̈k wïïk, wään luöi Yɛn keek këtuc, yen abï aa thökden. Acä lueel, Yɛn Bɛ̈nydït.”

Edhekiɛl 16:61

Yïn bï kë wään cï looi tak, ku yïn bï guöp yäär në yen, të le ë yï nyankui dït kekë nyankui koor bɛ̈n ciëën. Abä ke tɔ cït nyïïrku tëde yïn, cakaa nɔn liiu ee kënë në mändï yic wo yïn.

Jowɛl 2:26

Ka wek bï nïïm bɛ dɛ kacaam bï we kueth. Ka wek bï Bɛ̈nydït Nhialicdun bɛ lɛc nɔm, Raan cï we luöi kake gäi. Kɔckï acïï keek bï bɛ biɔɔn gup ananden.

Mak 8:38

Ku raan ëbɛ̈n raan ë yäär ë këdï ku në wëlkï ë remë yic rem ë diëër lei kɔɔr, ku ye rem ë kërac dap looi, ke Wën ë Raan abï yäär ë këde aya, Të nu yen në dhuëëŋ de Wun kekë tuucnhial ɣeriic.”

Luk 9:26

Raan cï guöp riɔ̈ɔ̈c në biäkdï ku në biäk de wëlkï, raanë abï Wën ë Raan guöp riɔ̈ɔ̈c në biäkde, të bï yen ke dhuëëŋ de yenguöp, ku dhuëëŋ de wun, ku dhuëëŋ de tuucnhial ɣeriic.

Romai 10:11

Ku këcïgɔ̈ɔ̈r aye lueel an, “Raan ëbɛ̈n raan gam en acïï bï yäär.”