Cäk 2:2 - JAM DE NHIALIC 2011

² Ku në kööl ë dhorou, Nhialic acï jɔ thök në luɔidɛn ë cäk ëbɛ̈n ku jɔ lɔ̈ŋ thïn.

Cäk 2:2 Iomraidhean Croise

Cäk 1:31

Ago Nhialic ka cï looi tïŋ kedhie ke ke piɛth aläl. Ku kënë aaye cool ku wɛ̈ɛ̈r de kööl de dhetem.

Cäk 2:3

Go Nhialic kööl ë dhorou tɔ ye kööl piɛɛth lɔ yum. Go thieei, ku jɔ tɔ ye kööl ɣeric, në luɔi yen kööldɛn ë lɔ̈ŋ En thïn, në luɔidɛn ë ciɛk En piny nɔm.

Bɛ̈n 23:12

“Yak luui në akööliic kadhetem, ku duökï ee luui në kööl ye akööl dhorou, ke ɣɔ̈kkun ku mulkun ku lïïmkun, ayï kɔc lɛɛn luui week ke ke bï lɔ̈ŋ.

Bɛ̈n 31:15

Raan ade nɔm nïn kadhetem bï yen luɔɔide aa looi thïn. Ku kööl ye akööl dhorou ee kööl ë Thabath, kööl ɣeric cï gäm Ɛn. Raan ëbɛ̈n, raan lɔ dɛ luɔidɛn looi thïn, ke näk.

Bɛ̈n 31:17

Ee kïn bï tɔ̈u anande në kaamdï wo kɔc ke Yithriɛl. Në biäk ë cak Ɛn tënhial ku piny Yɛn Bɛ̈nydït në nïniic kadhetem. Ku në kööl ye akööl dhorou, ke Ya thök në luɔi, ku ja lɔ̈ŋ.’ ”

Yith 58:13

Aye Bɛ̈nydït lueel an, “Na yak kööl ë Thabath tɔ ye kööl ɣeric, ku cäkï ka kɔɔr ë piɔ̈ɔ̈thkun ee looi në ye köölë, na gämë kööldiën ɣeric naamde, ku riëëukï, ke we cïï kɛny, ku cäkï lui thïn, ku cäkï jam ɣäär yiic ee lueel në ye köölë,

Jɔn 5:17

Go Yecu pɔ̈k nɔm keek an, “Wäär ee luui aɣet cï ënɔɔnë, ku yɛn ee luui aya.”

Nyöŋ 5:14

ku kööl ye akööl dhorou ee Thabath ë Bɛ̈nydït Nhialicdun, kööldɛn ë lɔ̈ŋ. Duökï ee lui thïn, week në wɛ̈ɛ̈tkun, ku duetkun, ayï lïïmkun, ayï mulkun, ayï ɣɔ̈kkun, ayï kɔc alɛi rɛ̈ɛ̈r në week pinydun, aguɔkï lɔ̈ŋ wedhie week në lïïmkun.

Ɣeberuu 4:10

Raan ëbɛ̈n, raan lɔ në ee lɔ̈ŋë yic, abï lɔ̈ŋ në luɔide yic ëbɛ̈n cït man ë cïï Nhialic lɔ̈ŋ në luɔide yic.

Ɣeberuu 4:4

Ku kë cï këcïgɔ̈ɔ̈r e lueel kï në këde kööl ë dhorou an, “Nhialic acï lɔ̈ŋ në kööl ë dhorou në luɔide yic ëbɛ̈n.”