Cäk 2:17 - JAM DE NHIALIC 2011

¹⁷ Ku tim de ŋïny de käŋ, kapiɛth ku karɛc yetök. Yen acïn mïthke bï cam, ku kööl le yïn e cam, yïn bï thou.”

Cäk 2:17 Iomraidhean Croise

Cäk 2:9

Ago Bɛ̈nydït Nhialic tiim piɛth ëbɛ̈n tɔ cil Domic, tiim ee kɔc diir. Ku tɔ ke lok në mïth piɛth. Ku tim de pïïr aa tɔ̈u Domic cil ayadäŋ, ku tim de ŋïny ë käŋ, kapiɛth ku karɛc.

Cäk 20:7

Ënɔɔnë, dɔ̈kë raan nɔm tiiŋde. Yen ee tiët, abï lɔ̈ŋ në biäkdu ka yïn cï bï thou. Ku na cïï lɔ dɔ̈k nɔm monyde, ke ŋic ëgɔk nɔn bïn thou wekë kɔcku kedhie.”

Cäk 3:11

Go Nhialic ë luɔp an, “Eeŋa lëk ë yïn nɔn ciɛth yïn në yïk kɔ̈u? Cï mïth ke tim wään cän jaai cam?”

Cäk 3:17

Ku lëk ë Bɛ̈nydït Nhialic moc an, “Në luɔi cïn jam ë tiiŋdu piŋ, ku cam mïth ke tim wään cän jaai, an, cï cam, piny abä jɔ cieen nɔm në këdu. Në pïïrdu yic ëbɛ̈n, yïn bï këcamdu aa yök të cïn luɔi dït kɔn looi.

Cäk 3:19

Ku yïn bï ya cam në abiɔ̈r ë yïnyin, agut të bïn yïnɔm puɔ̈k abuui yic. Yïn aa cuɛ̈ɛ̈c abuui, ku yïn bï yïnɔm bɛ puɔ̈k abuuidu yic.”

1 Mel 2:37

Kööl le yïn Wak de Kidron teem kɔ̈u yïn bï thou, ku riɛmdu abï nu në yï yeth.”

1 Mel 2:42

ago Cimei tɔ bïïyë ku yöök an, “Ë yï kɛ̈n tɔ kuëëŋ wään në rin ke Bɛ̈nydït, nɔn cï yïn Jeruthalem bï nyääŋ piny. Ku yɔ̈ɔ̈k yïn an, kööl le yïn e nyääŋ piny yïn bï thou ë yic? Ku kɛ̈në gam wään an, lïmdu abï kë cïï melik lueel looi?

Jeremia 26:8

ku të thiin wën cän käŋ thöl kedhie, ka cï Bɛ̈nydït lɛ̈k yɛn bä ke lueel, gokï ya dɔm ku cötkï an, “Yïn bïï dhil nɔ̈k në biäk ee kënë!

Edhekiɛl 18:13

ku gɛm wëu në aŋuëk. Bïï pïïr? Ei, acïï duëër pïïr,. Acï ee karɛckë looi kedhie, ka yen abï dhil thou. Abï gɔ̈k në biäk de thonde.

Edhekiɛl 18:32

Aye Bɛ̈nydït Awärjäŋ lueel an, “Acïn raan töŋ kaar bïï thou. Puɔ̈kkï wepiɔ̈ɔ̈th në luɔi de awɛ̈ɛ̈c, ku piëërkï.”

Edhekiɛl 18:4

Pïïr de raan ëbɛ̈n ee këdï, pïïr de wärken ke mïth ku märken ayï pïïr de mïth. Raan ee kërac looi ee yen abï thou.

Edhekiɛl 33:14

Yɛn bï raan ee karɛc looi yɔ̈ɔ̈k nɔn bï yen thou, ku na pɛ̈l luɔidɛn awɛ̈ɛ̈c ku looi yic ku këpiɛth,

Edhekiɛl 33:8

Na luɛɛl en an raan ee karɛc looiyë abï thou, ku akënë lɔ jɔ̈ɔ̈ny bïï kueerdɛn ë pïïr waar yic ago kony wëi ke cïï bï thou, ke raanë abï thou ke ye de guöp awɛ̈ɛ̈c, ku yïn gɔ̈k në këde thon ee raanë.

Kuɛ̈n 26:65

Aa cïï Bɛ̈nydït guiir nɔn bï kek thou në jɔ̈ɔ̈ric kedhie. Acïk bɛ̈n thou abï cïn raan töŋ dɔ̈ŋ, ee Kalep wën ë Jepuna kekë Jocua wën Nun kek aa dɔ̈ŋ kapäc.

Romai 1:32

Kɔckë, të ciɛk kek löŋ ë lueel Nhialic ŋic an, kɔc ë ka cït ee kake looi aröŋkï ë thuɔɔu, ke ke ŋoot ë ke ye kakë looi, ku yek piɔ̈ɔ̈th rɔ̈m ayadäŋ në kɔc ë ke looi.

Romai 6:16

Kuöckï week an, raan cä wek röt tɔ ye lïïmke, abäk ka ke yen aa looi, yen aya wek lïïmke, yen raan aa wek ka ke looi, nɔn ee yen kërɛɛc ee thuɔɔu bɛ̈ɛ̈i, ku nɔn ee yen pïŋ aa wek ka ke Nhialic piŋ, yen aye piathëpiɔ̈u bɛ̈ɛ̈i?

Romai 6:23

Ariöp de kërac yen aye thuɔɔu, ku miɔ̈c de Nhialic yen aye pïïr athɛɛr në Bɛ̈nydan Yecu Kërtho.

Romai 8:2

Ku löŋ de Wëi ke pïïr, löŋ nu ë Kërtho Yecuyic, acï a luöny bei në löŋ de kërac kekë thuɔɔu.

1 Kor 15:22

Acït man ë thouwë kɔc kedhie në Adam, yen acït pïïr bï kɔc tɔ pïïr kedhie në Kërtho.

1 Kor 15:56

Winh ë thuɔɔu en aye kërac, ku riɛl ë kërac yen aye löŋ.

Galatai 3:10

Ku kɔc ke luɔi de löŋ kek atɔ̈ukï ë aciɛɛnic kedhie: luɔi cï e gɔ̈ɔ̈r an, “Raan ëbɛ̈n raan cie cool ë döt ka cï gɔ̈ɔ̈r ë awerek de löŋic kedhie, bï keek aa looi, ka cï cieen!”

Epethiei 5:14

Yen a lueel en en an, “Jɔ pääc, yïn ë raan ninë, jɔt rɔt ë kɔc cï thou yiic, ke yï bïï Kërtho riaau.”

Nyöŋ 27:26

‘Aciɛɛn de Nhialic abï tɔ̈u ë raan yeth, raan cïï lööŋ ke Nhialic kedhie kekë wëëtde ee riëëu.’ “Ku abïï kɔc kedhie jɔ bɛ̈ɛ̈r an, ‘Amiin!’

Nyöŋ 30:15

Në ëköölë wek bä tɔ löc, në kaam de këpiɛth kekë kërac, ku në kaam de pïïr kekë thuɔɔu.

Nyöŋ 30:19

Ë köölë yɛn cɔl nhial kekë piny bïk këduön bäk tïŋ ënɔɔnë wok ta ke löc në kaam de pïïr kekë thuɔɔu. Ku në kaam de athiɛɛi ku aciɛɛn de Nhialic, ku week lackï pïïr.

Kolothai 2:13

Ku week, wek kɔc ɣɔn cï thou në karɛckun, ku në luɔi kënë rïïŋdun cueel, we cï bɛ tɔ pïïr në yen ëtök, të cï en karɛckuɔ päl wook kedhie,

1 Tim 5:6

Ku tiiŋ ee kuɛth ë yänyde kɔɔr tei, na ciɛk pïïr ka cï thou.

Jakop 1:15

Ku ŋɔ̈ɔ̈ŋ de kërac, të cï en liac, ke dhiëth kërac, ku kërac, të cï en thök ë luɔi, ke bïï thuɔɔu.

1 Jɔn 5:16

Na de raan tïŋ mɛnhkënë ke loi kërac, ku cie kërɛɛc ee thuɔɔu bɛ̈ɛ̈i, ke lip, ka bï gäm pïïr në këde kɔc loi kërɛɛc cïï thuɔɔu ee bɛ̈ɛ̈i. Kërɛɛc ee thuɔɔu bɛ̈ɛ̈i anu: acä luel nɔn bï en lɔ̈ŋ në këde.

Nyuuth 2:11

Raan de yïc, ke piŋ kë lëkë Wëidït ɣööt ke Nhialic. Raan ee tiam acïï thon ee yic rou bï nɔ̈k.

Nyuuth 20:14

Ku cuɛtë thuɔɔu ku paan ë thuɔɔu ë baar ë macic. Thon ee kek rou kï ee kënë.

Nyuuth 20:6

Thieithieei në raan ɣeric raan röm ke kɔc ë jön tueŋic jön ë kɔnë kɔc rö jɔt: thon ee kek rou acïn naamde tëde kɔckë, ku abïk aa bäny ke kake Nhialic kekë Kërtho, ku abïk piny aa cieŋ në yen ëtök ë agum de run.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”

Bäny 3:2

A looi ee kënë tei, në luɔi bï En rem de Yithriɛl wɛ̈ɛ̈t ë tɔɔŋ, kɔc kën tɔŋ kɔn thɔ̈ɔ̈r.

1 Tham 14:39

Yɛn ë kuëëŋ në rin ke Bɛ̈nydït pïïr raan ee Yithriɛl kuɔny. Cakaa wëndiën Jɔnathan yen ë wäc, ka abï dhil nɔ̈k.” Ku acïn raan töŋ cï bɛ̈n jam në kɔc yiic.

1 Tham 14:44

Go Thaulo bɛ̈ɛ̈r an, “Yɛn cï kuëëŋ në rin ke Nhialic, yïn bïï dhil nɔ̈k ee köölë Jɔnathan!”

1 Tham 20:31

Kuc luɔi cïï yïn duëër kɔn aa melik de ee pinyë të pïïr ë Debid? Jäl ënɔɔnthiinë lɔ bɛ̈ɛ̈iyë bä bɛ̈n nɔ̈k!”

1 Tham 22:16

Go melik lueel an, “Aɣimelek, yïn bï dhil nɔ̈k wekë baai de wuur wedhie.”