Cäk 2:1 - JAM DE NHIALIC 2011

¹ Ku tënhial kekë piny, aake cï jɔ thök në cäk në ka tɔ̈u thïn kedhie.

Cäk 2:1 Iomraidhean Croise

Cäk 1:1

Të ɣɔn thɛɛr gɔl ë käŋ, Nhialic ë tënhial cak kekë piny.

Cäk 1:10

Ago Nhialic të cï dëu cäk an piny, ku ciëk pïïu cï kenïïm mat tëtök an wɛ̈ɛ̈r. Go Nhialic ë kënë tïŋ ke piɛth.

Cäk 2:4

Yen luɔi ë ciɛk ë tënhial kekë piny ka, të ɣɔn ciɛkë keek. Ku kë ë loi rɔt kï, të ɣɔn ciɛk ë Bɛ̈nydït Nhialic tënhial kekë piny.

2 Mel 19:15

Ku läŋ Ɣedhekia an, “Bɛ̈nydït Awärjäŋ, Nhialic de Yithriɛl, thöönydu anu ë cerubiim kaarou nïïm nhial, ee Yïn ee Nhialic Yïtök, Yïn amac ciɛɛŋ ke piny nɔm. Yïn aa cak piny ku tënhial.

2 Lëk 2:12

Athiɛɛi de Bɛ̈nydït Nhialic de Yithriɛl, Aciëŋ ë cak tënhial ku tëpiny! Acï Melik Debid yiëk mɛnh pelnɔm, cï thiäŋ kekë ŋïnydekäŋ ku riɛl ëbɛ̈n, raan ŋic luɔi bï yen Luaŋdït ë Bɛ̈nydït yïk, ku ɣöndɛn ë bääny.

Neɣe 9:6

Ku ëtɛ̈ɛ̈n kɔc ke Yithriɛl acïk bɛ̈n lɔ̈ŋ në ee lɔ̈ŋë an, “Yïn Bɛ̈nydït, Yïn Yïtök, Yïn ee Bɛ̈nydït, Yïn cï të nhial looi ku kuɛl nhial. Yïn cï të ril looi ku loi wɛ̈ɛ̈r ku këriëëc ëbɛ̈n tɔ̈u ë keyiic. Yïn ee këriëëc ëbɛ̈n gäm wëi. Ka ril ke paannhial ayek kenïïm guöt piny ku läŋkï Yïn

Jop 12:9

Eeŋa në kakë yiic kedhie kuc en, nɔn Yen Nhialic yen ë loi ë kënë ëbɛ̈n?

Diɛt 104:2

Yïn cï rɔt kuöm piny në ɣɛɛr. Yïn cï paannhial thiɛth piny cït man ë paany

Diɛt 146:6

Aciëŋ ë cak paannhial kekë piny ayï wɛ̈ɛ̈r, ku ka täu thïn kedhie. Ee këdɛn cï lueel döt ë ceŋ,

Diɛt 33:6

Paannhial aa cak në kë cïï Bɛ̈nydït lueel, ku aköl, ku pɛɛi, ku kuɛl kedhie aake ciɛk ke në kë cï lueel ë yethok.

Diɛt 33:9

Kë cï lueel ë rɔt bɛ̈n looi, ku löŋde ee kɔ̈ɔ̈c ë cökiic.

Bɛ̈n 20:11

Në luɔi ë cak Ɛn piny nɔm, ayï nhial, ayï wɛ̈ɛ̈r në këriëëc tɔ̈u në keyiic ëbɛ̈n në akööl kadhetem, ku ja bɛ̈n lɔ̈ŋ në kööl ye akööl dhorou. Yen aa thiɛɛi Ɛn kööl ë Thabath ku ta ɣeric.

Bɛ̈n 31:17

Ee kïn bï tɔ̈u anande në kaamdï wo kɔc ke Yithriɛl. Në biäk ë cak Ɛn tënhial ku piny Yɛn Bɛ̈nydït në nïniic kadhetem. Ku në kööl ye akööl dhorou, ke Ya thök në luɔi, ku ja lɔ̈ŋ.’ ”

Yith 34:4

Akɔ̈l ku pɛɛi ku kuɛl abïk kuɛɛm abïk röt looi ke ke ye abuui. Tënhial abï määr abï ciët biöŋ cï dolic, ku löny kuɛl cï yïth ke tiim ke ŋaap ku nɔn ee enap.

Yith 42:5

Nhialic aa cak paannhial ku thieth keek piny, ku gëm piny ciɛɛŋ ku këriëëc ëbɛ̈n tɔ̈u thïn, ee pïïr ku wëi gäm kɔcke. Ku ënɔɔnë acïï Bɛ̈nydït Nhialic lɛ̈k awuutke.

Yith 45:12

Ee Yɛn ee raan ë cak piny, ku cak mɛnh ë raan bïï rëër ëtɛ̈ɛ̈n. Në riɛldï, yɛn cï paannhial thieth, ee yɛn mac akɔ̈l, ku pɛɛi ku kuɛl.

Yith 45:18

Bɛ̈nydït yen aa cak paannhial, ee yen cɔl Nhialic! Aa kïït piny ku ciɛk, go looi ke ril ëtör ku bï tɔ̈u athɛɛr. Akën looi ke ye kë cï riääk cïn yic kɔc, aa looi ke ye të bïï ë kɔc cieŋ thïn. Ee yen ë luel en an, “Yɛn ee Bɛ̈nydït, ku acïn yanh däŋ nu.

Yith 48:13

Cinkï kek aa loi këërkëër de piny, ku thiɛth Paannhial. Ɣɔn caal Ɛn piny ke të nhial, gokï bɛ̈n raan tök ku nyoothkï röt.

Yith 55:9

Ameckï cït man mec ë paannhial ke piny, yen acït mɛc de kueerdï në kuɛɛrkun ku ee yen ee mɛc mec ë täŋdï ke täŋdun.

Yith 65:17

Aye Bɛ̈nydït lueel an, “Yɛn loi piny cï piac cak ku paannhial cï piac cak. Kathɛɛr wään cï röt looi abïk määr në kɔc nïïm taitai.

Jeremia 10:12

Bɛ̈nydït aa loi piny ë riɛlde, ku ciɛk piny nɔm ë pɛlënɔmde, ku thieth tënhial.

Jeremia 10:16

Nhialic de Jakop acïï cït keek, ee Yen ee Raan ë loi këriëëc ëbɛ̈n, ku lɔc Yithriɛl bïï aa kɔcke. Bɛ̈nydït de rɛm Yen aye rinke.

Jeremia 8:2

Ku abïï keek thieth në akɔ̈l nɔm kekë pɛɛi ku në rem de paannhial nɔm ëbɛ̈n, kɔc cï keek nhiaar ku luuikï keek, ku kuanykï keek cök, kɔc cïk gam ku lamkï, acïï keek bïï määtiic ku cïï keek tɔ̈ɔ̈u, abïk ciët wär ke ɣɔ̈k piny.

Dhek 12:1

Jam de Bɛ̈nydït kï, jam ë bɔ̈ në biäk de Yithriɛl. Bɛ̈nydït ë yen ë cak tënhial kekë piny, ku yïk raanic wëi. Acï lueel an,

Luk 2:13

Na wën, ke remdïït ë paannhial ke jɔ tuöl ëthiäu në tunynhial ëtök, ke ke piɔny Nhialic, ku luelkï, an:

Luɔi 4:24

Na wën, aa cïk jam piŋ, ke ke jɔt keröt lamkï Nhialic në piɔ̈n tök, luelkï an, “Bɛ̈nydït, Yïn Nhialic, Yïn Aciëŋ ë cak paannhial ku piny ku wɛ̈ɛ̈r, ku ka nu ë keyiic kedhie!

Luɔi 7:42

Na wën, ke Nhialic yɛl rɔt wei, ku pɛ̈l keek bïk rem de kuɛl nhial aa lam, acït man cï këcïgɔ̈ɔ̈r de tït e lueel an: ‘Wek baai de Yithriɛl! Acie Yɛn ë yak näk läi ku tëmkï ke röt Ɛn ë jɔ̈ɔ̈ric në run kathiërŋuan?

Nyöŋ 17:3

në läm lɛm en yiëth kɔ̈k ku ye keek luööi, ku lɛm aköl kekë pɛɛi ku nɔn ee kuɛl, ka wuöc në lööŋ ke Bɛ̈nydït.

Nyöŋ 4:19

Ku të cä wek nhial lieec ku tiëŋkï akɔ̈l kekë pɛɛi ku kuɛl, ku ka nu nhial kedhie, duökï röt bï tɔ them, aguɔkï keek lam. Acïï Bɛ̈nydït Nhialicdun keek gäm juöör kɔ̈k ë pinynɔm bïk keek aa lam.

Ɣeberuu 4:3

Ee wok kɔc cï gam wapäc wok abï lɔ lɔ̈ŋ, cït man cï këcïgɔ̈ɔ̈r e lueel an, “Nhialic ë piɔ̈u diu, go kuëŋ yöök kɔc reec gäm an, ‘Wek cï bï mɛt në lɔ̈ŋdï yic taitai.’” Ku yen ee lɔ̈ŋë, aa nu kë cïï Nhialic kiëët të ɣɔn cï Yen piny thöl nɔm në cäk.