Cäk 18:10 - JAM DE NHIALIC 2011

¹⁰ Go Bɛ̈nydït lueel an, “Yɛn bï yanɔm dɔ̈k eenë ëlë yaak wälë alë ruöön, ku Thara tiiŋdu abï nɔm dɛ mɛwä.” Ku Thara aa rɛ̈ɛ̈r në paany thok në yekɔ̈u ciëën ke pïŋ.

Cäk 18:10 Iomraidhean Croise

Cäk 16:10

Ku be tunynhial ë Bɛ̈nydït lɛ̈k en an, “Yïn bä gäm mïth juëc aläl, ku acïn raan bï ke lëu në kuɛ̈n.”

Cäk 17:16

Abä thieei, ku ta dhiëth yïn mɛwä. Abä thieei ku ta ye man juöör juëc. Ku abï dɛ meliik në mïthke yiic.”

Cäk 17:19

Ago Nhialic lueel an, “Ei, Thara tiiŋdu abï yï dhiëth mɛwä, ku abä cäk rin an Yithaak. Yɛn bï mändï döt wokë yen, ku mïthkɛn bï lɔ̈ɔ̈k tɔ̈u në yecök aɣet athɛɛr. Mät acïï kɔ̈u bï tɛɛm aɣet athɛɛr.

Cäk 17:21

Ku Yɛn bï mät looi wokë Yithaak, wënduön bï Thara dhiëth yïn wälë, alë ruöön.”

Cäk 18:9

Agokï Abraɣam luɔp an, “Thara tiiŋdu nu ë nou?” Go lueel an, “Thara anu ë paanyic.”

Cäk 21:1

Ago Bɛ̈nydït lɔ tëde Thara cït man cï Yen e lueel, ku thieei Thara cït man ɣɔn cï Yen e thɔ̈n en.

Cäk 21:2

Ago Thara liac, ku dhiëth Abraɣam mɛwä ke Abraɣam ë cï dhiɔp, cït man akööl ɣɔn cï Nhialic lɛ̈k keek.

Luk 1:13

Go tunynhial yɔ̈ɔ̈k an, “Du riɔ̈c, Dhekaria, lɔ̈ŋdu acï piŋ. Ku tiiŋdu Elithabeth abï yï dhiëth mɛwä, ku abä cäk an, Jɔn.

Galatai 4:23

Ku wën ë nyan lïm aa dhiëëth ë këde guöp tei, ku wën ë nyan lääu nɔm aa dhiëth ë kë cï kɔn lueel.

Galatai 4:28

Ku wook, mïthëkɔckuɔ, wok cït Yithaak, wok ee mïth ke kë cï kɔn lueel.