Cäk 17:7 - JAM DE NHIALIC 2011

⁷ “Ku Yɛn bï thöndiën cä lɛ̈k yïn döt. Ku dɔ̈t wokë mïthku në rɛm bï lɔ̈ɔ̈k bɛ̈n, ke mät ë cïï kɔ̈u bï tɛɛm aɣet athɛɛr. Ku Yɛn bï ya Nhialicdu, ku ya Nhialic de mïthkuön bï lɔ̈ɔ̈k tɔ̈u në yïcök.”

Cäk 17:7 Iomraidhean Croise

Cäk 15:18

Ago Bɛ̈nydït mät looi kekë Abram ee köölë, lueel ë Bɛ̈nydït an, “Pinyë acä gäm mïthku, gɔl në aken ë Rip agut cï wɛ̈ɛ̈r ë Yuparat.

Cäk 17:13

Raan ëbɛ̈n, abï dhiɛl cueel. Ku kënë abï ya kïn ë guöp, ke bï mändï wo week aa nyuɔɔth, nɔn ee yen kë cïï kɔ̈u bï tɛɛm aɣet athɛɛr.

Cäk 17:19

Ago Nhialic lueel an, “Ei, Thara tiiŋdu abï yï dhiëth mɛwä, ku abä cäk rin an Yithaak. Yɛn bï mändï döt wokë yen, ku mïthkɛn bï lɔ̈ɔ̈k tɔ̈u në yecök aɣet athɛɛr. Mät acïï kɔ̈u bï tɛɛm aɣet athɛɛr.

Cäk 26:24

Ago Bɛ̈nydït tïc tëde en në ë wɛ̈ɛ̈r man töŋë, ku lëk en an, “Ee Yɛn Nhialic de Abraɣam wuur, duk riɔ̈c, Yɛn tɔ̈u wo yïn. Yïn bä thieei, ku gäm yïn mïth juëc, cït man wään cän en thɔ̈n lïmdiën Abraɣam.”

Cäk 28:13

Ku tïŋ Bɛ̈nydït akääc në yenɔm nhial, ku piŋ ke lueel an, “Ee Yɛn Bɛ̈nydït, Nhialic de Abraɣam kuaar, kekë Yithaak wuur. Pinyduön niin yïn thïn, abä gäm yïn wekë mïthku.

Cäk 6:18

Ku Yɛn bï dɛ mät wokë yïn, ku jɔ bɛ̈n lɔ abël wïïric wekë tiiŋdu, ku wɛ̈ɛ̈tku, ku diäär ke wɛ̈ɛ̈tku.

Cäk 9:16

Ku të cï mïït tïc në luätic, abä woi ke Yɛn bï a nɔm aa tak në män nu në kaam de Nhialic kekë këriëëc nu në piny nɔm ëbɛ̈n.

2 Tham 7:24

Ku yïn cï kɔc ke Yithriɛl tɔ ee kɔcku aɣet athɛɛr, ku Yïn Bɛ̈nydït, Yïn cï aa Nhialicden.

1 Lëk 16:13

Yak kake gäi cïï Nhialic ke looi tak, ku guëër de löŋ cï looi.

1 Lëk 16:14

Bɛ̈nydït ee Nhialicda, lööŋke ayek kake pinynɔm ëbɛ̈n,

Diɛt 81:10

Yɛn ee Bɛ̈nydït Nhialicdun, raan ë bïï we bei ë Rip. Liepkï wethook, ke we bä cääm.

Bɛ̈n 3:15

lɛ̈kë kɔc ke Yithriɛl an, Ee Bɛ̈nydït Nhialic de kuarkun, Nhialic de Abraɣam kekë Yithaak, ku Jakop yen ë tuc ɛn week. Kek rinkï ka anandï, rin bï rɛm Ya aa cɔɔl në rɛm bɔ̈ ciëënë yiic ëbɛ̈n.

Bɛ̈n 3:6

Ee Yɛn Nhialic de kuarkun, Nhialic de Abraɣam kekë Yithaak ku Jakop.” Go Mothe riɔ̈ɔ̈c luɔi bï yen Nhialic woi, go yenyin kum.

Bɛ̈n 6:4

Ku Yɛn aacï mät looi wo keek ayadäŋ, ku thɔ̈n keek nɔn bän ke gäm piny ë Kanaan, piny ɣɔn cieŋkï ke ke ye kamaan.

Bɛ̈n 6:7

Të lan week luäk bei në kɔc ke Rip cin, ku gäm week nɔmlääu, abäk jɔ ŋic ëgɔk nɔn ee Yɛn Bɛ̈nydït Nhialicdun ë yic. Wek bä tɔ ye kɔc ke naamdï, ku Yɛn bï ya Nhialicdun.

Yith 61:8

Aye Bɛ̈nydït lueel an, “Yɛn nhiaar yic ku maan yaaŋ ku luɔi de karɛc. Yɛn bï kɔckï thieei në piɔ̈n piɛth ku luɔi män bï tɔ̈u athɛɛr wo keek.

Jeremia 31:1

Aye Bɛ̈nydït lueel an, “Në ee köölë, Yɛn bï aa Nhialic de ɣööt ke Yithriɛl kedhie, ku abïk aa kɔckï.”

Edhekiɛl 28:26

Abïk rëër ëtɛ̈ɛ̈n ke cïn kë yök keek. Abïk ɣööt yïk ku comkï tiimkɛn ke enap. Yɛn bï kɔc thiääk në keek luöi këtuc, kɔc ee keek luööi arac, ku Yithriɛl abï rëër ë dïu. Ëtɛ̈ɛ̈n abïk jɔ ŋic nɔn ee yɛn Bɛ̈nydït Nhialicden.”

Lebai 11:45

Ee yɛn Bɛ̈nydït Raan ë bïï week bei paan ë Rip, ke ya bï aa Nhialicdun. Wek bï yiic dhil ɣɛɛr në luɔi ɣɛɛr Ɛn yic.

Lebai 25:38

Na cï raan wundun tök nyin kuany në weyiic, ku ɣɔ̈c rɔt week, duökï tɔ lui cït man ë lïm.

Lebai 26:12

Yɛn bï aa cath në weyiic, ku yɛn bï aa Nhialicdun, ku wek bï aa kɔckï.

Lebai 26:44

Ku na cakaa nɔn tɔ̈u en aya të rɛ̈ɛ̈r kek piny de kɔc de kek ater, acä keek bï rɛɛc ku acä keek bï maan man abä keek riɔ̈ɔ̈r nyïïn taitai, ku riääk mändï wokë keek. Ee Yɛn Bɛ̈nydït Nhialicden.

Lebai 26:45

Ku në baŋden yɛn bï mät tak wokë kuarken, kɔc wään bɛ̈ɛ̈i bei ë Rip, në juöör nyïïn bä ya Nhialicden. Ee yɛn Bɛ̈nydït.”

Lebai 26:9

Wek bä aa woi në piɔ̈n mit, ku wek bä tɔ dhiëth ku ŋuak kuëndun, ku yɛn bï Mändï döt wokë ë week.

Maika 7:20

Yïn bï piɔ̈nduön adöt nyuöth Jakop, ku nyuöthë Abraɣam nhiëërduön agɔk, cït man wään cï Yïn gutguut lɛ̈k kuarkuɔ ɣɔn thɛɛr.

Math 22:32

“Yɛn ee Nhialic de Abraɣam, ku ya Nhialic de Yithaak, ku ya Nhialic de Jakop? Nhialic acie Nhialic de kɔc cï thou, ee Nhialic de kɔc pïïr.”

Mak 10:14

na wën, aacï Yecu ye tïŋ, ke diu piɔ̈u arëët, ku yöök keek, pälkï mïththiaakäŋ ë ke bɔ̈ të nuö yɛn, duökï ke pën: ciɛɛŋ de Nhialic ee këde kɔc cït keek.

Luɔi 2:39

Kë cï lueel an, bï gäm kɔc, ee këdun week, ku ye këde mïthkun, ku ye këde kɔc nu tëmec kedhie, kɔc bïï Bɛ̈nydït Nhialicda cɔɔl.”

Romai 9:4

Ayek kɔc ke Yithriɛl, ku muŋ cï Nhialic ke muk ë dhuëëŋ ee këden, ayï lööŋ cï mac, ayï tɛ̈ɛ̈u cï löŋ tääu piny, ku luɔi de ka ke Nhialic, ku läm, ku ka cï kɔn lueel, an, bï ke gäm keek, ayek kaken,

Epethiei 2:2

Karac yak cool ë luɔɔi wek ke, ɣɔn rɛ̈ɛ̈r wek ë rëër ë kɔc ke piny nɔm ënɔɔnë, rëër ë bɛ̈nydït cath ke riɛl ë yomic yen aye jɔŋ rɛɛc ee luui ë kɔc reec gäm yiic ënɔɔnë.

Nyöŋ 29:13

ago Bɛ̈nydït week jɔ gam ke we ye kɔcke ënɔɔnë, ku abï aa Nhialicdun, cït man cï Yen e thön week ku thön kuarkun yï: Abraɣam, ku Yithaak, ku Jakop.

Ɣeberuu 11:16

Aake tit të tueŋ, wun ŋuän cï kiëët paannhial, yen kë cïï Nhialic ë yäär ka, të cɔɔl kek En ke Ye Nhialinyden.

Ɣeberuu 8:10

Acï Bɛ̈nydït lueel an, Ënɔɔnë Yɛn lëk baai de Yithriɛl an: Kënë ee löŋ de akööl bï bɛ̈n, akööl bän ke thiɔ̈ɔ̈ŋ në lööŋkï abïk kuɛth ëye, abä ke tääu ë kepiɔ̈ɔ̈th. Yɛn bï ya Nhialinyden, ku keek abïk aa kɔckï.

Bäny 2:1

Go tunynhial ë Bɛ̈nydït jäl në Gilgal le Bokim ku yöök kɔc ke Yithriɛl an, “Wek cä bɛ̈ɛ̈i bei në Rip ku lɛɛr wek paan ɣɔn cä gäm kuarkun. Guɔ lueel an, “Yɛn cïï löŋdiën cä mac bï dhoŋ kɔ̈u wo week.