Cäk 17:13 - JAM DE NHIALIC 2011

¹³ Raan ëbɛ̈n, abï dhiɛl cueel. Ku kënë abï ya kïn ë guöp, ke bï mändï wo week aa nyuɔɔth, nɔn ee yen kë cïï kɔ̈u bï tɛɛm aɣet athɛɛr.

Cäk 17:13 Iomraidhean Croise

Cäk 14:14

Na wën, aa piŋ Abram luɔi cï wën ë mänhë jɔt, ke cɔl kɔckɛn ke tɔŋ, kɔc nu në yen. Aake ye bot kadiäk ku thiëër ku bɛ̈t kedhie. Agokï meliikë kaŋuan kuany cök agut cï Dan.

Cäk 15:3

Yïn kën a gäm mïth, ee lïm tök në lïïmkï yiic yen abï kakï lɔ̈ɔ̈k lak.”

Cäk 17:7

“Ku Yɛn bï thöndiën cä lɛ̈k yïn döt. Ku dɔ̈t wokë mïthku në rɛm bï lɔ̈ɔ̈k bɛ̈n, ke mät ë cïï kɔ̈u bï tɛɛm aɣet athɛɛr. Ku Yɛn bï ya Nhialicdu, ku ya Nhialic de mïthkuön bï lɔ̈ɔ̈k tɔ̈u në yïcök.”

Cäk 37:27

Aŋuɛ̈ɛ̈n ë luɔi ɣöc wok en kɔc ke Yicmiɛl, ku cuku jak guöp. Yen ee mɛnhkënëda, ku ye riɛ̈ɛ̈ŋda.” Ago mïthëkɔcken ye gam thok.

Cäk 37:36

Ago kɔc ke Midian Jothep lɔ ɣaac paan ë Rip, lek ɣɔ̈c Pɔtipar, bɛ̈ny ee melik de Rip tiit.

Cäk 39:1

Ku Jothep acïï kɔc ke Yicmiɛl lɛɛr Rip, lek ɣɔ̈c Pɔtipar bɛ̈ny ë kɔc ee ɣön ë melik de Rip tiit thok.

Cäk 9:16

Ku të cï mïït tïc në luätic, abä woi ke Yɛn bï a nɔm aa tak në män nu në kaam de Nhialic kekë këriëëc nu në piny nɔm ëbɛ̈n.

Neɣe 5:5

Wok ee jur tök ë kɔckuɔn ke Judai, cï mïthkuɔ piɛth cït man ë mïthken? Ku wok ee mïthkuɔ ɣaac bïk aa lïïm ka duetkuɔn kɔ̈k acï ke guɔ ɣaac, ke ke ye lïïm. Wok ënïïm ciën riɛl në biäk cïï duumkuɔn ke rap, ku duumkuɔn ke tiim jɔt tëde wook.”

Neɣe 5:8

ku luɛɛl an, “Ënɔɔnë acuk lëu yen luɔi be wok ke ɣɔɔc, kek mïthëkɔckuɔn ke Judai bïk ke dɔ̈k nïïm wook, kek kɔc ɣɔn cï röt ɣɔ̈c juöör? Ke week, ënɔɔnë, wek yɔŋ kɔckuön ke Judai, bïk röt ɣɔ̈c week, wek kɔcken!” Ku bäny acïk thook bɛ̈n mim ke cïn kë luelkï.

Bɛ̈n 12:44

Ku lïïm cath në week aduëërkï cam të cä wek ke kɔn cueel.

Bɛ̈n 21:16

“Raan kual raan le ɣaac ku nɔn le yen en tɔ ye lïmde, ke näk.

Bɛ̈n 21:2

an, Të cïï raan lïm de Ɣeberuu ɣɔɔc, ka abï ya luööi në run kadhetem. Ku në ruöön ye run dhorou, abï aa gäm nɔm lääude, ku tɔ jël ke cïn kë tɛ̈ɛ̈u piny wɛɛr en rɔt.

Bɛ̈n 21:4

Na yë bɛ̈nyde yen ë gëm en tik, ku cï tik mïth dhiëëth, mïthwät ku nɔn ee kek duet, ke tik kekë mïthke abïk aa kake bɛ̈nyde. Ku mony lïm abï jäl yetök.

Lebai 22:11

Ku na cï bɛ̈ny de kake Nhialic lïm ɣɔɔc në wëu, ku nɔn ee lïm ë dhiëth paande, yen ee lïmë aduëër këcamde cam.

Math 18:25

Ku të cïn en ke cut en, ke yöök ë bɛ̈nyde an, ‘Bï rɔt ɣaac, yen ku tiiŋde ku mïthke, ku ka cath në yen kedhie, ka bï en ke käŋ cool.’