Cäk 15:17 - JAM DE NHIALIC 2011

¹⁷ Na wën, acï akɔ̈l lɔ piny, ku cï piny cuɔl, ke tööny tol, ku lɔ̈k ë many ë kuthyui ɣer ë pak ë ke go tïc ëthiäu, ku retkï rïŋiic.

Cäk 15:17 Iomraidhean Croise

Cäk 15:10

Go Abram dɔu yiɛ̈n Nhialic, ku yïn thök. Nɛ̈k ke ku pɛk keyiic, ku ee biäk tök tääu ë biäk däŋë kɔ̈u, ke ke kuɛɛr kɔ̈ɔ̈th. Ku akën guök pakiic.

2 Tham 22:9

Tol bɛ̈n bei ë yewum, ku bɔ̈ many dɛ̈p bei kekë atiam ë mac ë yethok.

1 Mel 18:38

Go Bɛ̈nydït mac tɔ bɔ̈ piny, go miɔɔr nyup, ku nyop tiim, ku nyop kur, ku nyop tiɔp, ku jiic pïïu awuölic.

1 Lëk 21:26

Go yïïŋ de Bɛ̈nydït yïk ëtɛ̈ɛ̈n, ku gɛm miɔ̈c ye nyop ëbɛ̈n, ku miɔ̈c de mät. Ago lɔ̈ŋ, go Bɛ̈nydït lɔ̈ŋde bɛ̈ɛ̈r ku tɔ mac tɔ bɔ̈ paannhial bïï miɔ̈c bɛ̈n nyop ë yïk nɔm.

Bɛ̈n 19:18

Go tol kuur ë Thinai paat piny, në luɔi ë cïï Bɛ̈nydït bɛ̈n piny në kuur nɔm në macic. Go tol cït tol ë purun rɔt cɔ̈k nhial. Ago kɔc riääc arëët kedhie, ku lɛthë keek.

Bɛ̈n 20:18

Na wën, aa piŋ kɔc rel ë deŋ, ku piŋkï kaaŋ akoth, ku tïŋkï wil ë deŋ, ku tïŋkï kuur ke tol, acïï riɔ̈ɔ̈c ke bɛ̈n lath, gokï kɔ̈ɔ̈c tëmec.

Yith 62:1

Yɛn bï jam ke ya dut Jeruthalem piɔ̈u, yɛn cïï bï mim agut të bän yen tïŋ ke cï kony, ku bï tiëmde riau cït many de kuthyui wakɔ̈u.

Jeremia 11:4

Ee löŋ wään bä mac wo kuarken, wään bɛ̈ɛ̈i Yɛn keek bei ë Rip, piny wään cït many ë wëëth dɛ̈p tëde keek. Acä lɛ̈k keek bïk Yɛn riëëu ku loikï këriëëc cä lëk keek ëbɛ̈n. Acä lëk keek, na lek Yɛn riëëu, abïk aa kɔckï, ku Yɛn bï aa Nhialicden.

Nyöŋ 4:20

Ku wek ee kɔc ë luɛ̈kë bei në Rip, yen manydïït ë wëëth dɛ̈p. Aa bïï week bei, bïï week bɛ̈n tɔ ye kɔcke, cït man tɔ̈u wek ee köölë.

Bäny 13:20

Të wën jɔ liem de lɔ̈k ë mac lɔ pat nhial ë yïk nɔm, go tunynhial ë Bɛ̈nydït lɔ nhial ë lɔ̈kic. Na wën tïŋkï ee kënë, yen Manowa kekë tiiŋde gokï kenïïm guöt piny.

Bäny 6:21

Go tunynhial kuïn cï pam, ku rïŋ jak në thieec nɔm, thieny wën muk ë yeciin. Go mac bɛ̈n në kuuric, ku nyop rïŋ kekë kuïn cï pam. Ku jɔ tunynhial ë Bɛ̈nydït guɔ määr në yenyin.