Cäk 15:13 - JAM DE NHIALIC 2011

¹³ Go Bɛ̈nydït lɛ̈k Abram an, “Mïthku abïk rëër ke ke ye kamaan në piny lei. Ku abïk aa lïïm. Ku abï keek aa luööi arac në bot kaŋuan ë run.

Cäk 15:13 Iomraidhean Croise

Cäk 15:16

Ku abïk kenïïm dɔ̈k eenë, në rem ye rɛm ŋuan. Në luɔi cän kɔc ke Amor bï cuɔp wei, agut të bï kek awäny dïït rɔ̈ŋ ke këtuc thok kɔn looi.”

Cäk 17:8

Ku yïn bä gäm ee pinyë, wekë mïthkuön bï lɔ̈ɔ̈k tɔ̈u në yïcök. Piny ciɛŋkï, piny de Kanaan ëbɛ̈n, abï ya pinydun anande. Ku Yɛn bï ya Nhialicden aɣet athɛɛr.

Cäk 47:4

Wok aa bɔ̈ buk bɛ̈n rëër eenë, në baŋ cï cɔk dït arëët piny ë Kanaan. Ka acïn wal ye thök nyuööth. Yïn läŋku, bɛ̈ny, an, “Tɔ wo rɛ̈ɛ̈r piny ë Gocen.”

Diɛt 105:42

Aa tak gutguutdɛn ɣeric cï looi kekë awundɛn Abraɣam.

Bɛ̈n 1:11

Go kɔc ke Rip keek kuɛ̈ny bäny ke lïïm bïk keek miɛn në luɔi tuc thok bïk aa looi. Gokï kɔc ke Yithriɛl tɔ yïk melik pɛ̈ɛ̈nydït kaarou, pɛ̈ɛ̈nydït cɔl Pithom kekë Ramethith, ke bï melik kacaamke aa tɔ̈ɔ̈u thïn.

Bɛ̈n 1:13

Ku yek keek tɔ loi luɔɔi tuc thok.

Bɛ̈n 1:14

Ku tɔkï pïïrden rac në luɔɔi tuc thok. Ku yek keek tɔ yïk ɣööt, ku tɔkï ke lui në duumiic. Aake yek tɔ loi luɔɔi tuc thok ke ke cïï piɔ̈ɔ̈th kok në keek.

Bɛ̈n 2:24

Na wën, aacï Nhialic dhiënden piŋ, ke tak mändɛn ɣɔn cï looi kekë Abraɣam, ku Yithaak, ku Jakop.

Bɛ̈n 22:21

“Duökï raan lei ee kuöc luööi ku duökï ee yɔŋ. Yak wenïïm tak nɔn cä wek kɔn aa kɔc lei ɣɔn ë Rip.

Bɛ̈n 23:9

“Du raan lei kuc luööi. Täu de raan lei aŋiɛckï, në luɔi ɣɔn cä wek kɔn aa kɔc lei paan ë Rip.

Bɛ̈n 3:10

Ku ënɔɔnë, yïn tuöc melik ë Rip bä kɔckï lɔ bɛ̈ɛ̈i bei pinyde.”

Bɛ̈n 3:17

Ka yen acï Yen en tak nɔn bï Yen week bɛ̈ɛ̈i bei piny ë Rip, ku leer week piny ë kɔc ke Kanaan, ku kɔc ke Ɣit, ku kɔc ke Amor, ku kɔc ke Peridh, ku kɔc ke Ɣib, ku kɔc ke Jebuth, piny ee wat ë ca ku miök ë kiëc!’ ”

Bɛ̈n 3:8

ka Yɛn aa bɔ̈ piny, bä keek bɛ̈n luäk bei në kɔc ke Rip cin. Ku bɛ̈ɛ̈i keek bei piny ë Rip, lɛɛr keek piny piɛth dïït lääu. Piny ee wat ë ca ku miök ë kiëc. Piny rëër ë kɔc ke Kanaan thïn, ku kɔc ke Ɣit, ku kɔc ke Amor, ku kɔc ke Peridh, ku kɔc ke Ɣib, ku kɔc ke Jebuth.

Lebai 19:34

Yak keek ŋiëc luöi cït man, ya wek kɔckuön ke Yithriɛl luööi, ku nhiaarkï keek cït man nhiaar wek röt. Ku takï wenïïm wään we cï kɔn aa alɛi paan de Rip. Ee yɛn Bɛ̈nydït Nhialicdun.

Kuɛ̈n 20:15

Luɔi wään cïï wärkuɔ lɔ Rip, ku lek cieŋ ke ke rɛɛr ëtɛ̈ɛ̈n. Ayï luɔi cïï kɔc ke Rip wook bɛ̈n akuöc luööi.

Luɔi 7:17

Na wën, aacï kööl cïï Nhialic mac kekë Abraɣam guɔ thiɔ̈k, ke kɔc ë ke jɔ rɔt ŋuak abïk juëc arëët paan ë Rip.

Galatai 3:17

Tharde kï yen aluɛɛl an, Löŋ cï mac ɣɔn, löŋ ŋootë Nhialic ke kääc thïn ëgɔk an, ee këde Kërtho, acïï duëërë tɔ cïn naamde në löŋ de Mothe, löŋ cï yiɛ̈n kɔc ë löŋë cök, wën cï en run bot kaŋuan ku thiërdiäk lɛɛr, ku kë cï kɔn lueel an, bï gäm en, acïï löŋ de Mothe duëër tɔ cïn naamde.

Nyöŋ 10:19

Ka yak nhiëër nyuöth alɛikë, në baŋ cä wek kɔn aa alɛi në Rip.

Nyöŋ 5:15

Takï wenïïm wään, wek aaye lïïm ë Rip. Aguɔ week luäk bei në riɛldiëndït, Yɛn Bɛ̈nydït Nhialicdun. Yen aa jan week yɔ̈ɔ̈k an riëëukï kööl de Thabath.