Cäk 13:8 - JAM DE NHIALIC 2011

⁸ Ago Abram lɛ̈k Lɔt an, “Yɛn wo yïn, wok ee kɔc tök. Kɔc luui yɛn, ku kɔc luui yïn acïkï rɔ̈ŋ bïk aa gɔ̈th ë röt.

Cäk 13:8 Iomraidhean Croise

Cäk 13:9

Kënë ëbɛ̈n alɔ, ee piny lääu, puɔ̈kku. Lɔc të kɔɔr në yïpiɔ̈u. Na cï lɔ baŋ cam, ke yɛn bï lɔ ë baŋ cuëc, ku na ee baŋ cuëc yen cï lɔc, ke yɛn bï lɔ në baŋ cam.”

Cäk 14:14

Na wën, aa piŋ Abram luɔi cï wën ë mänhë jɔt, ke cɔl kɔckɛn ke tɔŋ, kɔc nu në yen. Aake ye bot kadiäk ku thiëër ku bɛ̈t kedhie. Agokï meliikë kaŋuan kuany cök agut cï Dan.

Cäk 45:24

Ku tɔ mïthëkɔcken jël. Na wën, aa jëlkï, ke lëk ë Jothep keek an, “Duökï lɔ gɔ̈th kueer.”

Cäk 46:34

Ke lɛ̈kkï yen an, ‘Wok ee kɔc ke ɣɔ̈k ë caaŋda, cït man wään kɔn ë kuarkuɔ aa kɔc ke ɣɔ̈k.’ Yen abï yen week jɔ puɔ̈l arɛ̈ɛ̈r piny ë Gocen. Alueel ë Jothep aya, në baŋ cïn ë kɔc ke Rip këden thïn në kɔc ke ɣɔ̈k.”

Diɛt 133:1

Ee këpiɛth cït ŋö, ee kë diik cït ŋö, luöi ye kɔc ke Nhialic rëër ëtök ë mätic!

Bɛ̈n 2:13

Na ɣɔn amiäk, ke be lɔ. Go kɔc ke Ɣeberuu yök apiɔ̈t ë röt kaarou. Go lɛ̈k raan de guöp awäc në keyiic an, “Eeŋö yuɔ̈p ë raandun?”

Kɛ̈ŋ 15:1

Ŋiëc bëër në piɔ̈n lir ee agɔ̈th tɔ lɔ piny, ku wël tuc thook ayek agɔ̈th tɔ ɣeer.

Kɛ̈ŋ 15:18

Raan ee dap gɔ̈th anhiaar teer, ku raan ee käŋ täc nïïm ee mät bɛ̈ɛ̈i.

Kɛ̈ŋ 20:3

Raan agööth täc nïïm ee dhuëëŋde, ku raan piɔl piɔ̈u yen acïï agööth ee lïïr nïïm.

Math 5:9

Thieithieei ë kɔc ë kɔc määt, abï ke tɔ ye wɛ̈ɛ̈t ke Nhialic.

Luɔi 7:26

Na ɣɔn amiäk, ke yök kɔc kaarou në kɔcken yiic ke ke piɔ̈t kapäc, ku jɔ kɔɔr luɔi bï en keek mɔ̈ɔ̈k an, ‘Wäthii, wek ee kɔc ke raan tök, eeŋö cam wek röt?’

Romai 12:10

Yak röt nhiaar në nhiëër ë mïth ke raan tök, ë ŋɛk e ŋɛk riëëu awär riëëu riëëu en rɔt.

Pilipoi 2:14

Yak këriëëc looi ëbɛ̈n ke we cïï piɔ̈ɔ̈th ee dok ku cäkï ee teer,

1 Theth 4:9

Ku në këde nhiëër bä wek mïthëkɔckun nhiaar acïn kë duɛ̈ɛ̈r gäär wek, wegup, we cïï Nhialic wɛ̈ɛ̈t an, bäk röt nhiaar wapäc.

Ɣeberuu 12:14

Yïn wekë kɔc rɛ̈ɛ̈r wek ëtök, yak them në luɔi bä wek aa rëër në rëër ɣeric ku mät. Na kɛ̈nkï wepiɔ̈ɔ̈th tɔ ɣer ke we cïï Bɛ̈nydït bï tïŋ.

Ɣeberuu 13:1

Yak kɔ̈ɔ̈c në nhiëërduön nhiaar wek röt cï mïth ke raan tök në Kërtho yic.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:

1 Pet 2:17

Yak raan theek ëbɛ̈n. Yak mïthëkɔckun nhiaar. Yak riɔ̈ɔ̈c ë Nhialic. Yak melik riëëu.

1 Pet 3:8

Cöök ciëën, yak tɔ̈u në piɔ̈n tök wedhie, yak piɔ̈ɔ̈th dap dhiau ë röt wapäc, yak röt nhiaar cït mïth ke raan tök, yak piɔ̈ɔ̈th dap kok, yak röt tɔ kor.

1 Pet 4:8

Ku cöök nu ë cök nïïm, ee nhiëër bä wek röt nhiaar aläl, nhiëër ee kutdïït ë karɛc kum.

2 Pet 1:7

ku matkï määth ë mïth ke raan tök määth kekë riëëu de Nhialic, ku matkï nhiëër kekë määth ee mïth ke raan tök määth.

1 Jɔn 4:7

Wek kɔc nhiaar, yok röt nhiaar: nhiëër yen aye këde Nhialic, ku raan ëbɛ̈n raan cath ke nhiëër ë Nhialic en ë dhiëth en, ku ŋic Nhialic.

Bäny 9:26

Go Gaal wën de Ebed bɛ̈n Cekem kekë mïthëkɔcken, go kɔc ke Cekem yen gäm aŋäth.