Cäk 13:2 - JAM DE NHIALIC 2011

² Abram aa kueth aläl, ade nɔm luny ë thök ku ɣɔ̈k, ku ade nɔm ateek, ku adhɛ̈p juëc.

Cäk 13:2 Iomraidhean Croise

Cäk 12:16

Ku melik ë Abram bɛ̈n nyuööc apiɛth në biäk de Tharai. Go Abram gäm luny ë thök, ku ɣɔ̈k, ku mul, ku thɔ̈rɔ̈l, ku lïïm röör ku diäär.

Cäk 13:6

Ku piny akën ke bɛ̈n lɛɛr kedhie kaarou, në rëër tëtök, në luɔi ë juëc ë kaken aläl.

Cäk 24:1

Abraɣam acï jɔ dhiɔp aläl, ku acï Bɛ̈nydït thieei në këriëëcdɛn ë ye looi ëbɛ̈n.

Cäk 24:35

Bɛ̈nydït ë bɛ̈nydiën Abraɣam thieei aläl, ku tɔ kueth. Acï gäm luny ë thök, amɛ̈l ku bɔɔth, ku ɣɔ̈k, ku ateek, ku adhɛ̈p, ku lïïm röör ku diäär, ku thɔ̈rɔ̈l ku mul.

Cäk 26:14

Go nɔm dɛ luny ë thök, ku ɣɔ̈k, ku lïïm juëc aläl. Go tiɛɛl kɔc ke Pilithiin dɔm.

Cäk 30:43

Yen luɔi ë yök ë Jakop ë kuɛthdɛn dïïtë ka. Ago nɔm dɛ luny dïït ë thök, ku lïïm röör ku diäär. Ku de nɔm thɔ̈rɔ̈ɔ̈l, ku mul.

Jop 1:10

Kɛ̈në Jop gɛ̈l cil kekë baaide ku këriëëcde ëbɛ̈n në tuŋ kedhie? Yïn ë luɔi de yen ciin thieei, ka kake acïk kenyïïn ŋuak, acïk wut thiɔ̈ɔ̈ŋic ëbɛ̈n.

Jop 1:3

Ee raan de nɔm kajuëc aläl, ade aguum kadhorou ke thök, ku aguum kadiäk ke thɔ̈rɔ̈ɔ̈l, ku agum töŋ de ɣɔ̈k, ku bot ka dhïc ke mul, ku kɔc juëckɛn ee luui, yen ajɔ Jop aa raan de naamdɛndït awär kɔc nu të lɔ aköl amiäk.

Kɛ̈ŋ 10:22

Kuɛth ee athiɛɛi de Bɛ̈nydït, ku acie luɔiduöndït.

Math 6:33

Kankï ciɛɛŋ de Nhialic aa kɔɔr, kekë piath ë yenpiɔ̈u, ku kakë kedhie abï ke ya juak nyïïn tëde week.

Nyöŋ 8:18

Yak ŋic nɔn Yen Bɛ̈nydït Nhialicdun, Yen ë gëm week riɛl bï we tɔ kueth. Aa loi ee kënë në baŋ ŋoot En ke ye Adöt ee köölë, në löŋ cï mac kekë kuarkun.

1 Tim 4:8

Yïr ee raan e guöp yïïr ade naamdɛn thiinakäŋ: ku riëëu ee raan Nhialic riëëu ade naamdɛn dït ë këriëëc ëbɛ̈n, ee raan tɔ ŋɔ̈th në këde pïïr ënɔɔnë, ayï këde pïïr bï bɛ̈n.

1 Tham 2:7

Yen ee kɔc kɔ̈k gäm nyin kuany, ku tɔ kɔc kɔ̈k tɔ kueth, Yen ee kɔc kɔ̈k kuɔɔr piny ku jɔt kɔc kɔ̈k nhial.