Cäk 13:13 - JAM DE NHIALIC 2011

¹³ Ku kɔc ke Thɔdom aake cï göök dït ke karɛc wäc Bɛ̈nydït.

Cäk 13:13 Iomraidhean Croise

Cäk 10:9

Ku aaye yiëm dïït cï leec, në luɔi ë cï Bɛ̈nydït ye kuɔny. Go kääŋ aa thɔ̈ɔ̈th an, “Yïn bï Bɛ̈nydït tɔ ee yiëm ril cït Nimrɔt.”

Cäk 15:16

Ku abïk kenïïm dɔ̈k eenë, në rem ye rɛm ŋuan. Në luɔi cän kɔc ke Amor bï cuɔp wei, agut të bï kek awäny dïït rɔ̈ŋ ke këtuc thok kɔn looi.”

Cäk 18:20

Go Bɛ̈nydït lɛ̈k Abraɣam an, “Në biäk cï kiɛɛu de Thɔdom dït kekë Gomoora, ku cï karɛcken dït arëët,

Cäk 19:13

Në luɔi kɔɔr wok nɔn bï wok ee wunë riɔ̈ɔ̈k. Në baŋ cï kiɛɛu de kɔckë dït arëët tëde Bɛ̈nydït. Ka wok aa tooc ë Bɛ̈nydït buk bɛ̈n riɔ̈ɔ̈k.”

Cäk 38:7

Ku Er wën kɛ̈i de Juda aaye karɛc looi, go Bɛ̈nydït wööc piɔ̈u, go Bɛ̈nydït e nɔ̈k.

Cäk 39:9

Yɛn cï nɔm dɛ riɛl cït riɛlde baai eenë. Ku acïn këdɛn kën gäm ɛn, ee yïn akën gäm ɛn yïtök. Ka ye tak duɛ̈ɛ̈r kërɛɛc cït ë kënë bɛ looi adï, ku wääc Nhialic piɔ̈u?”

Cäk 6:11

Ku piny nɔm ëbɛ̈n, acï riääk në Nhialic nyin. Piny acï nɔm thiäŋ kekë ruëëny ku akuöörkuöör.

2 Mel 21:6

Ku nɛ̈k wënde ke ye miɔ̈c ye nyop ëbɛ̈n, cɔ̈ɔ̈r en, ku lɛm yiëth ku looi athuɛ̈ɛ̈th, ku ee ka bï tuöl wadäŋ caar. Ë kajuëc rac looi në Bɛ̈nydït nyin, ago Bɛ̈nydït gɔ̈th arëët.

Yith 1:9

Të ë Bɛ̈nydït de rɛm ë kën kɔc kɔ̈k pɔ̈l apïr, adï cï Jeruthalem riɔ̈ɔ̈k taitai, cït man ë Thɔdom ke Gomoora.

Jeremia 23:14

Ku Yɛn cï tït ke Jeruthalem tïŋ aloikï karɛc aläl, ayek diäär nööm ku luelkï lueth, ayek kɔc kuɔny bïk karɛc looi, ka acïn raan ee luɔi de karɛc dɔ̈m kɔ̈ɔ̈c. Aya ke tïŋ acïk rac kedhie, cït kɔc ke Thɔdom ku Gomoora

Jeremia 23:24

Acïn raan duëër thiaan të cän ye duëër tïŋ. Cäkkï ŋic nɔn nuö Yɛn ë piny nɔm ëbɛ̈n paan nhial ku piny?

Kuɛ̈n 32:23

Na cäkkï këduön cak lueel e looi, ke wek bï ya kɔc cï kërac luöi Bɛ̈nydït, duökï awɛ̈ɛ̈c loi në biäk de ë kënë, ke we cïï bï kuööm në awänydun.

Math 9:10

Na wën, të rëërë Yecu ɣööt ke cäm, ke kɔc ë athölbö tɔ kut ë ke jɔ bɛ̈n, ku kɔc ë kërac looi, bïk ku nyuckï piny në yen ëtök, yen kekë kɔckɛn ë piööcë.

Math 9:13

Lakï tei, kaarkï cöökë thar abäk yök, Yɛn kɔɔr kokdepiɔ̈u, acie kë bïï nɔ̈k en kaar, yɛn ë cïï bɔ̈ bä kɔc piɛth piɔ̈ɔ̈th bɛ̈n cɔɔl, bïk kepiɔ̈ɔ̈th puk, ee kɔc ë kërac looi kek aa bä bɛ̈n cɔɔl.”

Jɔn 9:24

Gokï raan wën ee cɔɔr bɛ cɔɔl raanrou, ku yöökkï an, “Leec Nhialic, raanë aŋicku nɔn ee yen raan ë kërac looi.”

Jɔn 9:31

Aŋicku nɔn cïï Nhialic këde kɔc ee kërac looi ye piŋ: ku të riëëuwë raan Nhialic, ku ye këde piɔ̈nde looi, këde aye Nhialic piŋ.

Romai 1:27

Ku röör ayadäŋ, ayek luɔi de tik pɔ̈l, luɔi de ciɛɛŋ ë ciɛkë piny, ago ŋɔ̈ɔ̈ŋ de röör ke dɔm arëët, ago röör kë cïï piɛth aa luöi röör, agokï käŋ aa yök ë kegup ka bï röŋ në awäny cïk wööc.

Ɣeberuu 4:13

Acïn kë kuöm nɔm në Nhialic nyin, awoi këriëëc ëbɛ̈n, yen ye wok En lɛ̈k yic, në luɔi ee Yen Raan bï wook luɔp.

2 Pet 2:10

ku kɔc bï këdɛn tuc dït yök kek aye kɔc ee ka ke yäc kɔɔr, në döm cï ke dɔm ë ŋɔ̈ɔ̈ŋ de luɔi col, ku yek bäny baar nyïïn. Ee kɔc dham gup, kɔc ril nïïm, ayek adhuëŋ lat gup ku cïkï ee riɔ̈ɔ̈c.

Juda 1:7

Cït man ë Thɔdom ku Gɔmoora, ayï pɛ̈ɛ̈nydït ë nu ë ke këc, të cï kek röt aa gäm luɔi de dhööm, cït man ë tuucnhialkë, ku yek gup lei kɔɔr, ke ke jɔ tääu ë kɔc nïïm abï aa kë ye kɔc bɛ̈ɛ̈i nïïm, në yöŋ cï kek këtucden yök mɛɛc many tɔ̈u athɛɛr.

1 Tham 15:18

Ku tooc yïn bä luɔɔide lɔ looi, lueel, an, lɔ näk kɔc rackë, riɔ̈ɔ̈k kɔc ke Amalek taitai, luöiyë keek tɔŋ, agut të bï yïn keek nɔ̈k kedhie.

1 Tham 2:17

Kërɛɛc de wɛ̈ɛ̈t ke Eli, acïk rac arëët ë Bɛ̈nydït nɔm, në biäk ye kek miɔ̈c cï gäm Bɛ̈nydït looi në kueer cïn yic riëëu.