Cäk 12:7 - JAM DE NHIALIC 2011

⁷ Go Bɛ̈nydït bɛ̈n tëde Abram, ku lëk en an, “Piny bä gäm mïthku kï.” Ago Abram Bɛ̈nydïït cï tïc tëde yen yiëk yïk.

Cäk 12:7 Iomraidhean Croise

Cäk 12:8

Ku jɔ bɛ̈n kuëëth ke lɔ piny ë kuur, piny nu wun cɔl Bethel kɔ̈u të lɔ aköl amiäk. Ku piëët paanyde në kaam de Bethel kekë wun cɔl Ai, ke Bethel ë nu baŋ të lɔ aköl athɛ̈i, ku Ai ë baŋ të lɔ aköl amiäk. Go Abram Bɛ̈nydït yiëk yïk ëtɛ̈ɛ̈n, ku lɛm.

Cäk 13:15

Yïn bä gäm piny lɔ tïŋ ëbɛ̈n, wekë mïthkuön bï lɔ̈ɔ̈k tɔ̈u në yïcök aɣet athɛɛr.

Cäk 13:17

Ku ënɔɔnë, lɔ caathë piny ëbɛ̈n, në luɔi bän e gäm yïn.”

Cäk 13:18

Go Abram kuëëth, ku le nyuc të thiääk ke tiim ke ɣok ke Mameer, në piny cɔl Ɣebron. Ku yïk Bɛ̈nydït yïk ëtɛ̈ɛ̈n.

Cäk 13:4

Të wään tueŋ cï en Bɛ̈nydït kɔn yiëk yïk thïn. Ago Abram Bɛ̈nydït jɔ lɔ̈ŋ ëtɛ̈ɛ̈n.

Cäk 15:18

Ago Bɛ̈nydït mät looi kekë Abram ee köölë, lueel ë Bɛ̈nydït an, “Pinyë acä gäm mïthku, gɔl në aken ë Rip agut cï wɛ̈ɛ̈r ë Yuparat.

Cäk 17:1

Ɣɔn cï run ke Abram aa thiërdhoŋuan ku dhoŋuan, ke Nhialic Awärjäŋ ë tul tëde yen, ku lëk en an, “Yɛn ee Nhialic Awärjäŋ lëu këriëëc ëbɛ̈n, ye kë cä lɛ̈k yïn piŋ, ku ye yic looi ë cieŋ.

Cäk 17:3

Ago Abram yenɔm guöt piny, ku jiɛk piny në yenɔm. Go Nhialic lɛ̈k en an,

Cäk 17:8

Ku yïn bä gäm ee pinyë, wekë mïthkuön bï lɔ̈ɔ̈k tɔ̈u në yïcök. Piny ciɛŋkï, piny de Kanaan ëbɛ̈n, abï ya pinydun anande. Ku Yɛn bï ya Nhialicden aɣet athɛɛr.

Cäk 18:1

Go Bɛ̈nydït tuöl tëde Abraɣam në tiim ke ɣok ke Mameeriic, ke rɛ̈ɛ̈r në paanyde thok, të wën cï akɔ̈l tuöc.

Cäk 22:9

Na wën, aa lek ɣet të cï Nhialic lɛ̈k en, ke Abraɣam ë yïk yïk ëtɛ̈ɛ̈n. Ku guiir tiim në yenɔm, ku dut Yithaak wënde, ku tɛ̈ɛ̈c ë tiim kɔ̈ɔ̈th nhial.

Cäk 24:7

Bɛ̈nydït, Nhialic de paannhial ë ya jɔt piny ë yï wää, piny ë dhiëëth ë ya thïn. Ku bïï ɛn ee pinyë. Ku thɔn ɛn an, ‘Pinyë abä gäm mïthku.’ Abï tunynhialde tuɔɔc ë yïnɔm tueŋ. Ku abï yï lɔ tɔ yök wëndï tik ëtɛ̈ɛ̈n.

Cäk 26:25

Ago Yithaak yïk yïk ëtɛ̈ɛ̈n, ku lɛ̈ŋ Bɛ̈nydït. Ku piëët pɛɛnyke ëtɛ̈ɛ̈n, ku wec lïïmke yinh däŋ.

Cäk 26:3

Rɛ̈ɛ̈rë ee pinyë, ku yïn bä thieei. Ku piny abä gäm yïn wekë mïthku. Ku gutguutdiën wään cä lɛ̈k Abraɣam wuur, abä thöl thok ënɔɔnë.

Cäk 28:13

Ku tïŋ Bɛ̈nydït akääc në yenɔm nhial, ku piŋ ke lueel an, “Ee Yɛn Bɛ̈nydït, Nhialic de Abraɣam kuaar, kekë Yithaak wuur. Pinyduön niin yïn thïn, abä gäm yïn wekë mïthku.

Cäk 28:4

Ku abï yïn gäm athiɛɛi de Abraɣam wekë mïthku. Ku abï piny rëër yïn thïn tɔ ee pinydu, piny wään cïï Nhialic gäm Abraɣam.”

Cäk 32:30

Ago Jakop ee pinyë cäk an Peniɛl, lueel an, “Yɛn ë Nhialic tïŋ ke ya ŋoot ke ya pïïr.”

Cäk 33:20

Ku yïk yïk ëtɛ̈ɛ̈n, ku ciëk an El, Nhialic de Yithriɛl.

Cäk 35:12

Ku piny wään cä kɔn gäm Abraɣam kekë Yithaak, abä gäm yïn wekë mïthkuön bï lɔ̈ɔ̈k tɔ̈u në wecök ciëën.”

Cäk 35:7

Ago yïk yïk, ku ciëk ëtɛ̈ɛ̈n an El-Bethel, (an Nhialic de Bethel.) Në luɔi ë cï Nhialic rɔt nyuöth en ëtɛ̈ɛ̈n, të ɣɔn kɔt en në mänhë.

Cäk 50:24

Ago Jothep lɛ̈k mïthëkɔcken an, “Yakï cï thiɔ̈k wo thuɔɔuwë, Nhialic abï we lɔ̈ɔ̈k tiit, ku löök we bɛ̈ɛ̈i bei piny ë Rip. Ku abï we lɛɛr piny wään cï thɔ̈n Abraɣam kekë Yithaak ku Jakop.”

Cäk 8:20

Go Nowa Bɛ̈nydït yiëk yïk, ku nööm läi piɛth nyïïn ëbɛ̈n, läi duëërë ke näk Nhialic, ku nööm diɛt piɛth nyïïn ëbɛ̈n, diɛt duëërë ke näk Nhialic, ku gɛm miɔ̈c ye nyop ëbɛ̈n në yïk nɔm.

2 Tham 24:25

Go yïk yiëk Bɛ̈nydït ëtɛ̈ɛ̈n, ku gɛm miɔ̈c ye nyop ëbɛ̈n, ku miɔ̈c de mät. Ago Bɛ̈nydït lɔ̈ŋde piŋ, ku jɔ jɔk kɔ̈ɔ̈c ë Yithriɛl.

1 Mel 18:32

Ku yïk yïïŋ bï Bɛ̈nydït aa lam në kurkë, ku wec awuöl wil en yïk piny, awuöldïït duëër kacït töny ke pïïu lɛɛr kadhetem.

1 Lëk 16:16

Löŋdɛn cï mac kekë Abraɣam, ku gutguutdɛn cï looi kekë Yithaak.

1 Lëk 16:18

Yïn bä gäm piny de Kanaan, ku lueel an, “Abï aa këdu.”

2 Lëk 20:11

Ku yen kueer cuut kek wook ka, abïkï bïk wo bɛ̈n cuɔp wei piny cï gäm wook.

2 Lëk 20:7

Yïn ee Nhialinyda. Wään bïï kɔckuön ke Yithriɛl ee pinyë, yïn cï kɔc wään ceŋ ee pinyë bɛ̈n cuɔp wei, ku gämë piny kuat de Abraɣam, raan määth wek, bï aa këden aɣet athɛɛr.

Edhr 3:2

Go Jecua wën ë Jeɣodhadak kekë mïthëkɔcken ɣɔn ee bäny ke kake Nhialic ku Dherubabel ee wën de Caltiɛl kekë mïthëkɔcken acïk yïŋ de Nhialic de Yithriɛl bɛ̈n yïk, bïï kek miɔ̈c ye nyop ëbɛ̈n gam në yenɔm, cït kë cï gɔ̈ɔ̈r ë löŋ de Mothe yic, raan de Nhialic.

Bɛ̈n 17:15

Go Mothe yïk yïk ku ciëk an, “Bɛ̈nydït Yen aye beerdï.”

Bɛ̈n 24:4

Go Mothe ka cï Bɛ̈nydït lueel gäär piny kedhie. Na ɣɔn amiäk aduduur, ke ke yïk yïk në kuur thar, ku ciëp kur thäär piny kathiëër ku rou mɛ̈c kenïïm dhiëën ke Yithriɛl kathiëër ku rou.

Bɛ̈n 32:13

Tak lïïmku, yï Abraɣam kekë Yithaak, ku Jakop. Tak kuëëŋ wään thɔ̈në keek nɔn bï Yïn ke gäm mïth juëc cït kuɛl nhial, ku gämë ke piny wään cï than ëbɛ̈n nɔn bï yen aa këden ananden.”

Bɛ̈n 33:1

Na ɣɔn, ke lëk ë Bɛ̈nydït Mothe an, “Jël ë në wekë kɔc wään bɛ̈ɛ̈iyë ke bei Rip. Lak piny ɣɔn cä thɔ̈n Abraɣam kekë Yithaak, ku Jakop, ayï mïthkɛn bï lɔ̈ɔ̈k tɔ̈u në kecök.

Bɛ̈n 6:3

Yɛn aye Nhialic Awärjäŋ. Yɛn acï tuöl ɣɔn tëde Abraɣam, ku Yithaak, ku Jakop. Ku akɛ̈n ke bɛ̈n nyuöth rinkiën ɣeriicë, rin ke Bɛ̈nydït.

Bɛ̈n 6:4

Ku Yɛn aacï mät looi wo keek ayadäŋ, ku thɔ̈n keek nɔn bän ke gäm piny ë Kanaan, piny ɣɔn cieŋkï ke ke ye kamaan.

Jeremia 3:18

Baai de Yithriɛl abï mat ke baai de Juda, ku keek kedhie abïk lɔ bɛ̈n ciëën piny lei, piny nu të lɔ rut, ku abïk röt pɔ̈k piny cä gäm kuarkun, ke ye piny de nɔmden.”

Kuɛ̈n 26:53

“Tɛ̈kkë dhiëën ke Yithriɛl piny bï aa këden, ye ŋɛk gäm piny rɔ̈ŋ ke yen.

Kuɛ̈n 32:11

‘Yɛn cï kuëŋ nɔn cïn en raan ee run thiërrou le tueŋ në kɔc ɣɔn luäk bei pinyde Rip, bï ɣet piny ɣɔn cä thɔ̈n Abraɣam, kekë Yithaak, ku Jakop në luɔi cï kek Ɛn ee riëëu taitai.

Luɔi 7:5

Ku acïn piny cï gäm en ee tënë, piny bï nyäŋ mïthke, acakaa biäk thiin duëërë raan lïïr nɔm acïn këdäŋ: aa jɔ lueel tei an, bï gäm en bï aa këde, ku këde mïthkɛn bï lɔ̈ɔ̈k bɛ̈n ë yecök, ku aa ŋoot ke cïn nɔm meth.

Romai 9:8

Tharde kï an, mïth ke guöp acie keek ee mïth ke Nhialic, ee mïth ke ka cï kɔn lueel, keek aye ke tɔ ye käu.

Galatai 3:16

Ku ka cï kɔn lueel, an, bï ke gäm en, aye ke lɛ̈k Abraɣam kekë käude. Akën lueel an, Abä ke gäm “kɔ̈th,” cït nɔn juëc kek, ee tök en ë lueel an, abä ke gäm “käudu,” yen aye Kërtho.

Galatai 4:28

Ku wook, mïthëkɔckuɔ, wok cït Yithaak, wok ee mïth ke kë cï kɔn lueel.

Nyöŋ 1:8

Tiëŋkï wek cä gäm piny ka week lakï thïn, ku nämkï takï ee këdun. Acïï Bɛ̈nydït thɔ̈n kuarkun yï: Abraɣam ku Yithaak ku Jakop kekë mïth ke mïthken.’

Nyöŋ 30:20

Nhiaarkï Bɛ̈nydït Nhialicdun. Yak riëëu ku yak röt tɔ ë adööt ku ëtɛ̈ɛ̈n week në mïthkun wek bï cieŋ apiɛth ee pinyë, piny cï thɔ̈n kuarkun yï Abraɣam ku Yithaak ku Jakop.

Nyöŋ 34:4

Na wën ke lëk ë Bɛ̈nydït Mothe, an, “Kënë ee piny wään cä thön Abraɣam ku Yithaak ku Jakop, abä gäm mïth ke mïthken, acä tɔ tïŋ, ku yïn cä bï tɔ lɔ ëtɛ̈ɛ̈n.”

Nyöŋ 6:10

“Të le Bɛ̈nydït Nhialicdun week bɛ̈ɛ̈i piny cï thɔ̈n kuarkun, yï Abraɣam, ku Yithaak ku Jakop an bïï week gäm piny de yic pɛ̈ɛ̈nydït kënkï kek yïk.

Nyöŋ 9:5

Acie baŋ de piathëpiɔ̈ndun, ku yak këpiɛth looi, yeka jɔ Bɛ̈nydït week tɔ nöm pinyden. Abïï juöörkë cuɔp wei në biäk de karɛcken, ku në biäk kɔɔr Yen bïï thöndɛn wään cï lɛ̈k kuarkun döt, Abraɣam, Yithaak, ku Jakop.

Ɣeberuu 11:13

Ku kek ë kɔckë aake ŋoot ë gämic, gäm de yic aŋäth ɣɔn thou kek. Cakaa nɔn kën kek kë cï kɔn lɛ̈k keek yök, ke keek amitkï piɔ̈ɔ̈th në luɔi ëye kek ee kakë tïŋ tëmec në nyin ë gäm. Ku gamkï luɔi ë ye kek kamaan lɛɛn ë këny ee pinyë nɔm.

Ɣeberuu 11:8

Aye gäm de yic aŋäth yen aa tɔ Abraɣam riëëu cɔ̈t cï Nhialic ye cɔ̈ɔ̈l bei wunden, ku leer wun cïï Nhialic lɛ̈k en an bï gäm en. Ago bɛ̈n jäl ku nyiëëŋ wunden piny ke kuc të le yen thïn.

Jocua 1:6

“Rit yïpiɔ̈u, ku du riɔ̈c, në luɔi bï yïn kɔc wat piny bïk lɔ lak, piny cän kuëëŋ në kuarken nïïm nɔn bän en gäm keek.

Jocua 22:10

Na wën, acï dhiën ë Ruben, ku dhiën ë Gad, ku biäk de dhiën ë Manatha nu të lɔ aköl amiäk ɣet Geliloth piny nu ë Jordan lɔ̈ɔ̈m, piny de Kanaan thok, ke ke yïk yïïŋ dïït cï kuöc läk.

Jocua 8:30

Ago Jocua yïk yiëk Bɛ̈nydït Nhialic de Yithriɛl, në kuur de Eebal nɔm.

Bäny 6:24

Go Gidiɔn yïk yiëk Bɛ̈nydït ëtɛ̈ɛ̈n ku ciɛ̈k an, “Bɛ̈nydït ee Mät.” (Agut cï ee köölë aŋoot ke kääc në Opera de dhiën de Abiedher.)

1 Tham 7:17

Ku aaye yenɔm dak baaiden në Rama, të wään yen luui thïn ke ye bɛ̈ny de luk. Na wën ke yïk yïk Bɛ̈nydït në Rama.