Cäk 12:2 - JAM DE NHIALIC 2011

² Yïn bä gäm mïth juëc. Ku abïk aa jur dït. Ku yïn bä thieei, ku rinku abä ke tɔ ŋic ë kɔc juëc. Ku yïn bä tɔ ya athiɛɛi.

Cäk 12:2 Iomraidhean Croise

Cäk 13:16

Yïn bä gäm mɛnh cït abuui. Na de raan lëu en bï abuui kueen, ka bï mïthku jɔ lëu në kuɛ̈n.

Cäk 15:5

Go Bɛ̈nydït lɛɛr biic, ku lëk en an, “Woi nhial, ku kuen kuɛl kedhie, na bä ke lëu ë kuɛ̈n. Luɔi bï mïthku juëc ka cït man ë kek.”

Cäk 17:20

Ku këduön cï lueel në biäk de Yicmiɛl acä piŋ. Abä thieei aya, ku abä tɔ kɛɛr aläl. Ku abä tɔ ye wun bäny kathiëër ku rou, ku ta ye jur dït.

Cäk 18:18

Ku Abraɣam abï ya jur dïït ril. Ku juöör ke piny nɔm kedhie abä keek thieei në këde.

Cäk 18:19

Ei, në luɔi cän e lɔc nɔn bï yen mïthke yɔ̈ɔ̈k, ku yöök baaide, luɔi bï kek kueer ë Bɛ̈nydït lɔ̈ɔ̈k döt në yecök. Në luɔi bï kek kake piathëpiɔ̈u aa looi, ku loikï yith ë cieŋ. Ke Bɛ̈nydït ë bï Abraɣam yiɛ̈n kë cï thɔ̈n en.”

Cäk 19:29

Yen tän de ka, të ɣɔn ë riëëk ë Nhialic pɛ̈ɛ̈nydït nu në wakic. Ku Nhialic akën nɔm määr në Abraɣam ɣɔn riëëk En pänydït rëër ë Lɔt thïn. Ago Lɔt tɔ bän ke cïn kë cï ye jak.

Cäk 24:1

Abraɣam acï jɔ dhiɔp aläl, ku acï Bɛ̈nydït thieei në këriëëcdɛn ë ye looi ëbɛ̈n.

Cäk 24:35

Bɛ̈nydït ë bɛ̈nydiën Abraɣam thieei aläl, ku tɔ kueth. Acï gäm luny ë thök, amɛ̈l ku bɔɔth, ku ɣɔ̈k, ku ateek, ku adhɛ̈p, ku lïïm röör ku diäär, ku thɔ̈rɔ̈l ku mul.

Cäk 25:11

Ɣɔn cï Abraɣam thou, Nhialic ë Yithaak wënde bɛ̈n thieei. Ku ëtɛ̈ɛ̈n, Yithaak aa rɛ̈ɛ̈r ë yith lɔ̈ɔ̈m tëthiɔ̈k, “Yinh de Raan Töŋ Pïïr, Raan ee yɛn tïŋ.”

Cäk 26:3

Rɛ̈ɛ̈rë ee pinyë, ku yïn bä thieei. Ku piny abä gäm yïn wekë mïthku. Ku gutguutdiën wään cä lɛ̈k Abraɣam wuur, abä thöl thok ënɔɔnë.

Cäk 26:4

Yïn bä gäm mïth juëc, mïth cït kuɛl nhial, ku gäm keek ee pinyë. Ku juöör ke piny nɔm kedhie, abïk aa lɛ̈k Ɛn an thiɛɛi keek cït man cän mïthku thieei.

Cäk 27:29

Kɔc ke piny nɔm abïk yïn aa luööi, ku juöör abïk kenïïm aa guöt piny në yïnɔm, ku yïn bï ya bɛ̈ny de kɔcku, ku mïth ke moor abïk kenïïm aa guöt piny në yïnɔm. Ku aciɛɛn abï tɔ̈u ke raan ee yïn cieen, ku athiɛɛi abï tɔ̈u ke raan ee yïn thieei.”

Cäk 28:14

Ku mïthku abïk juëc ka abïk ciët abuui. Ku wek bï nïïm ɣet ë piny thar të lɔ aköl athɛ̈i, ayï të lɔ aköl amiäk. Ku të lɔ rut agut cï të lɔ wöuwic. Ku Yɛn bï juöör ke piny nɔm thieei kedhie në këdun wekë mïthku.

Cäk 35:11

Ku lëk ë Nhialic en an, “Ee Yɛn Nhialic Awärjäŋ. Kɛɛrkï, juöör juëc abïk bɛ̈n bei në yïyic. Ku mïth kɔ̈k në mïthku yiic abïk aa bäny dït.

Cäk 46:3

Go Nhialic lɛ̈k en an, “Ee Yɛn Nhialic de wuur, du riɔ̈c në luɔi le yïn Rip. Yɛn bï mïthku tɔ lɔ ye gökdïït ë jur ëtɛ̈ɛ̈n.

2 Tham 7:9

Yɛn cï tɔ̈u wo yïn në ɣään cï yïn ke lɔ thïn ëbɛ̈n, ku tiaam kɔc ke aterdu në yïnɔm. Ku yïn bä tɔ de kɛt cï bäny dït ke piny nɔm.

1 Mel 1:47

Kɔc nu ë melik cök kedhie acïk lɔ tëde melik Debid ku lɛ̈kkï thieithieei an, “Në Nhialic loi Tholomon ke ye raan tiëc rin awär yïn, ku tɔ thööny de Tholomon dït aläl awär thöönydu!” Na wën ke melik ë gut e nɔm piny ke läŋ ke tɔ̈u piny në biöŋde nɔm,

Jop 35:8

Ee kɔc cït man ë yïn kek abï gum në biäk de karɛc, ku piathëpiɔ̈ndu ee mɛnh ë raan kony.

Diɛt 107:38

Bɛ̈nydït ë kɔcke gäm athiɛɛi, agokï dɛ mïth juëc, acï lunydɛn ë ɣɔ̈k tɔ lɔ ke ŋuak yenyin.

Bɛ̈n 1:7

Ku löök mïthken kɛɛr arëët në kecök. Gokï juëc arëët ke ke ril. Gokï Rip thiɔ̈ɔ̈ŋic.

Bɛ̈n 32:10

Ka yïn, nyääŋë Ya piny Yatök. Yɛn ëgɔ̈th arëët wo keek, ka abä keek riɔ̈ɔ̈k. Ku yïn wekë mïthku, wek bä tɔ ye jur dït arëët.”

Yith 51:2

Takkï kuɛɛrëdun, Abraɣam, kekë Thara të wään bïï ë kuatdun. Wään caal ɛn Abraɣam, aa cïn nɔm meth, ku acä thieei ku gäm mïth, yɛn cï kuatde tɔ juëc.

Edhekiɛl 34:26

“Abä ke thieei ku ta ke rɛ̈ɛ̈r në kuurdiën ɣeric lɔ̈ɔ̈m. Abä ke jɔ thieei në nyieer ke deŋ ëtɛ̈ɛ̈n të kɔɔr kek en.

Maika 7:20

Yïn bï piɔ̈nduön adöt nyuöth Jakop, ku nyuöthë Abraɣam nhiëërduön agɔk, cït man wään cï Yïn gutguut lɛ̈k kuarkuɔ ɣɔn thɛɛr.

Dhek 8:13

Cït man cä wek kɔn aa kɔc ke aciɛɛn në juööriic baai de Juda wekë baai de Yithriɛl, wek bä bɛ kony ku ta we ye athiɛɛi. Riɛtkï wepiɔ̈ɔ̈th, duökï riɔ̈c.

Kuɛ̈n 14:12

Abä keek thöl në jɔɔk tuc thook, ku riääk keek. Ku yɛn bï jur dït arëët gɔl në yïn, jur riil wär keek.

Kuɛ̈n 22:12

Go Nhialic Balaam jɔ̈ɔ̈ny, lëk en an, “Duk lɔ we keek ku duk kɔc ke Yithriɛl lam, ee kɔc cï thieei.

Kuɛ̈n 23:20

Yɛn cï yɔ̈ɔ̈k nɔn thiɛɛi Ɛn keek, Acïï Bɛ̈nydït ke thieei ka acä duëër waar.

Romai 4:11

Ago cuɛ̈l nööm, bï aa ŋïny bï ye ŋic, ku bï aa bɔ̈t de piathëpiɔ̈u cï yök në gäm, piathëpiɔ̈u ɣɔn cath kekë yen ɣɔn ŋoot en ke kënë cueel. Ago aa wun kɔc gäm kedhie, acakaa të kënë ke cueel, ke piathëpiɔ̈u bï tɔ ye këden ayadäŋ.

Galatai 3:14

Ë luɔi bï athiɛɛi de Abraɣam bɛ̈n ë Juöör gup në Yecu Kërtho, ku luɔi bï wo käŋ yök ka cï kɔn lueel an, bï ke gäm wook, kek aye Wëidït, në gäm gɛ̈m wok.

Galatai 3:7

Yen ŋiɛc wek cöökë an, Kɔc ke gäm kek aye mïth ke Abraɣam.

Nyöŋ 26:5

Ku ë Bɛ̈nydït nɔm ëtɛ̈ɛ̈n yïn bï ee wëlkë jɔ lɛ̈k Bɛ̈nydït an: ‘Akuaar aaye raan de Aramiin ee cath tei, raan ë leer baaide Rip ke bï lɔ ceŋ ëtɛ̈ɛ̈n. Kuënden aa lik ɣɔn lee kek ëtɛ̈ɛ̈n, ku acïk bɛ̈n juëc ku yek jur ril.