Cäk 1:16 - JAM DE NHIALIC 2011

¹⁶ Go Nhialic ɣɛɛr dït kaarou looi. Gök dïït ë ɣɛɛr bïï ya tɔ̈u aköl, ku ee ɣɛɛrë ee yen akɔ̈l. Ku ɣɛɛr koor ë määth bï ya tɔ̈u wakɔ̈u, ku yen aye pɛɛi. Ku looi kuɛl ayadäŋ.

Cäk 1:16 Iomraidhean Croise

Cäk 1:15

Ku ë ke ye ruɛl në gëlgël de paannhialic ke ke bï piny aa meer nɔm.” Go rɔt looi cït man cï Yen e lueel.

Jop 31:26

ku na ë ya cï a cin täär akɔ̈l, ku nɔn ee pɛɛi në läkdïïtde,

Jop 38:7

Në adurduur ɣɔn kiitë kuɛl diɛt ë tök, ku ye wɛ̈ɛ̈t ke Nhialic kiɛɛu de miɛt ë piɔ̈u moc.

Diɛt 148:3

Lɛckï, wek yï akɔ̈l wekë pɛɛi, lɛckï, wek kuɛl riau.

Diɛt 148:5

Takï keek lec rin ke Bɛ̈nydït! Acï jam, ago ke cak,

Diɛt 19:6

Akɔ̈l ee thok bɛ̈n ë baŋ tök, ku kuɛny kueerde yic agut të bï ɛn lɔ piny ë baŋ däŋë. Ee këriëëc ëbɛ̈n nyɔ̈ɔ̈r në atunyde.

Diɛt 74:16

Yïn cï aköl kekë wakɔ̈u cak, ku tääuwë akɔ̈l kekë pɛɛi ë ɣäänken yiic,

Diɛt 8:3

Të cän nhial tïŋ të cï cuëëc, ku tiëŋ pɛɛi kekë kuɛl, ka cï tääu tëden,

Yith 13:10

Kuel ke paannhial ëbɛ̈n ku kuut ke kuɛl acïkï bï riau, ku akɔ̈l abï cuɔl të bïï yen thok, ku pɛɛi acï bï ruɛl.

Yith 24:23

Pɛɛi abï nyin cuɔl, ku akɔ̈l acï bï bɛ ruɛl, në luɔi bï Bɛ̈nydït de rɛm aa melik. Abï Jeruthalem mac në kuur ë Dhiɔn nɔm, ku röördït abïk dhuëëŋde tïŋ.

Yith 40:26

Tïŋ tënhial! Eeŋa cak kuɛl ye tïŋ? Raan ee keek wët bei cït rem de tɔŋ, aŋic yek dï ëtɛ̈ɛ̈n ku aye ke cɔɔl ëtök, tök në rin! Riɛlde adït arëët, acïn töŋ liu në ke yiic!

Yith 45:7

Yɛn aa cak ɣɛɛr ke mɔ̈ɔ̈th, Yɛn ë athiɛɛi ku dhiëëu bɛ̈ɛ̈i. Ee Yɛn Bɛ̈nydït, yɛn ë loi ee kakë kedhie.

Jeremia 31:35

Bɛ̈nydït ë aköl bɛ̈ɛ̈i bï ɣɛɛr looi aköl, ku pɛɛi ku kuɛl bïk aa riau wakɔ̈u. Acï wɛ̈ɛ̈r tuökic nhial ku tɔ apiöök wuur, rinke acɔl ke Bɛ̈nydït de rɛm.

Ɣabakuk 3:11

Të moc ë winh ë dhaŋduön ŋic riŋ ku ariauriau de tɔŋduön ee lɔ bërët, akɔ̈l kekë pɛɛi ayek kɔ̈ɔ̈c ke ke cïï cath.

Math 24:29

Na ëlë ënɔnthiinë, të cï këtuc ë aköölkë thök, ke akɔ̈l abï cuɔl, ku pɛɛi acïï bï ruɛl, ku kuɛl abïk löny nhial, ku riɛl dït ke tënhial abï ke niɛŋ.

Math 27:45

Na wën, ë thaar kadhetem, ke piny jɔ guɔ cuɔl ëbɛ̈n, aɣët thaar kadhoŋuan.

1 Kor 15:41

Dhuëëŋ de akɔ̈l pei, ku dhuëëŋ de pɛɛi pei, ku dhuëëŋ de kuɛl pei, ayï kuelë ku kuelë, ŋɛk acath ke dhuëëŋde pei.

Nyöŋ 4:19

Ku të cä wek nhial lieec ku tiëŋkï akɔ̈l kekë pɛɛi ku kuɛl, ku ka nu nhial kedhie, duökï röt bï tɔ them, aguɔkï keek lam. Acïï Bɛ̈nydït Nhialicdun keek gäm juöör kɔ̈k ë pinynɔm bïk keek aa lam.

Nyuuth 21:23

Ku pänydït acïï akɔ̈l ee kɔɔr, ayï pɛɛi, lek ruɛl thïn: dhuëëŋ de Nhialic yen aaye pinyde riaau, ku nyɔŋamääl yen aye maanyde.