Cäk 1:11 - JAM DE NHIALIC 2011

¹¹ Go Nhialic lueel an, “Piny ë cil nɔm në ka ye cil kedhie, wal ee luɔk në nyïïn, ku tiim ee luɔk në mïth ëbɛ̈n, cït man ë nyïïnken kedhie, ë ke cil në piny nɔm.” Agokï cil cït man cï Yen e lueel.

Cäk 1:11 Iomraidhean Croise

Cäk 1:12

Ago piny nɔm cil në ka ye ciɛl ëbɛ̈n, wal ee luɔk në nyïïn, ku tiim ee luɔk në mïth cït man ë nyïïnken. Go Nhialic ë kënë tïŋ ke piɛth.

Cäk 1:29

Ku lueel ë Nhialic an, “Yïn cä gäm kɔ̈th ke wal kedhie, ku mïth ke tiim nu ë piny nɔm kedhie ke ke ye kacaamku.

Cäk 2:16

Ku lëk ë Bɛ̈nydït Nhialic raan an, “Yïn bï ya cam në mïth ke tiim ke dom kedhie cït man ë kë kɔɔr.

Cäk 2:5

Acïn wɛ̈ɛ̈l ë cï kɔn cil ë piny nɔm, ku acïn dom ë cï kɔn puur. Në luɔi ë kën ë Bɛ̈nydït Nhialic deŋ kɔn tɔ tuëny piny nɔm. Ku acïn raan ë nu raan ë cï piny kɔn com nɔm.

Cäk 2:9

Ago Bɛ̈nydït Nhialic tiim piɛth ëbɛ̈n tɔ cil Domic, tiim ee kɔc diir. Ku tɔ ke lok në mïth piɛth. Ku tim de pïïr aa tɔ̈u Domic cil ayadäŋ, ku tim de ŋïny ë käŋ, kapiɛth ku karɛc.

Jop 28:5

Tiɔp aye këcam bɛ̈n bei thïn, ku piny thar ya ee ciët kë de many thööcë.

Diɛt 1:3

Kek ee kɔckë akïtkï në tiim cï cil në wɛ̈ɛ̈r yɔu, tiim ee luɔk në aköölkɛn ke luɔk, tiim cïï yïth ee biɔɔr. Ayek tiam në këriëëc yek looi yic ëbɛ̈n.

Diɛt 147:8

Ee luät thiäi piny nhial, ku miɔc pinynɔm ë deŋ, ku tɔ wal tɔ cil ë kur nïïm.

Yith 61:11

Cït man ŋic wok luɔi ye kɔ̈th cï com goŋ, Bɛ̈nydït Awärjäŋ abï piathëpiɔ̈u ku lɛc tɔ loi rɔt, ku abïï juöör ëbɛ̈n leec.

Jeremia 17:8

Keek acïtkï tiim ee cil ë wɛ̈ɛ̈r yɔu, ku ye meiken ɣet ë pïïuwiic. Acïkï ee riɔ̈ɔ̈c të cï piny tuöc, në biäk ye yïthken tɔ̈u ke ke tɔ̈c, acïkï ee diɛɛr të cïn en deŋ, ayek ŋoot ke ke lok në mïth.

Math 3:10

Ku ënɔɔnë yiëp ë guɔ tääu të nu mei ke tiim, tim ëbɛ̈n tim reec luɔk në mïth piɛth aye yiɛp piny, ku cuɛtë mɛɛc.

Math 6:30

Ku na ye Nhialic wɛ̈ɛ̈l roor piɔ̈th ale, wɛ̈ɛ̈l nu ëköölë, ku miäk ke cuɛtë mɛɛc, cïï we bï piɔ̈th ë piöth wär piöthden arëët, wek kɔc dɛk ë gam?

Mak 4:28

Piny ee rap bɛ̈ɛ̈i yetök, ee thok kɔn goŋ, aa miäk ke guäth, na miäk, ke rap dït nyin lok ë yenɔm.

1 Kor 15:38

Ku Nhialic yen aye gäm guöp cït man nu yen ë yepiɔ̈u, ku gɛ̈m käu ëbɛ̈n guöp de yenguöp.

Ɣeberuu 6:7

Ku abï ciët piny ye deŋ tuɛny thïn ë ceŋ ku lok në kapiɛth ku kɔc ee ye puur ayek yök në athiɛɛi de Nhialic.

Jakop 3:12

Ayï ŋaap, wek mïthëkɔckuɔ, duëër luɔk ë mïth ke olip? Ayï tim cɔl enap, duëër luɔk ë mïth ke ŋaap? Acïn yinh nu ayadäŋ, yinh duëër tuöl ë pïïu ë këthëkëth ayï pïïu mit.