Bɛ̈n 6:1 - JAM DE NHIALIC 2011

¹ Go Bɛ̈nydït lɛ̈k Mothe an, “Kë bä luöi melik, abä jɔ tïŋ ënɔɔnë. Abä tɔ päl kɔckï ajäl në riɛl. Abä tɔ kuëëth kɔckï bei pinyde në riɛl.”

Bɛ̈n 6:1 Iomraidhean Croise

2 Mel 7:19

Go bɛ̈ny ë rem de tɔŋ raan de Nhialic bɛ̈ɛ̈r thok an, “Na cak Bɛ̈nydït rap wɛɛr piny në awëër ke paannhial nyïïn, ke kënë acïï rɔt duëër lëu. Go Elica bëër an, “Abä tïŋ në yïnyin miäk, ku yïn cïï bï cam thïn.”

2 Mel 7:2

Go raan töŋ ye melik rɔt kan ë yen lɛ̈k raan de Nhialic an, “Na cak Bɛ̈nydït rap wɛɛr piny në awëër ke paannhial nyïïn, ke kënë acïï rɔt duëër lëu?” Go Elica lɛ̈k en an, “Abä tïŋ yïn guöpdu miäk ke loi rɔt, ku yïn cïn kuïn töŋ bä cam thïn.”

2 Lëk 20:17

Wek cïï ee tɔŋë bï thɔ̈ɔ̈r. Nyuöckï ë ɣäänkun yiic ku tiëtkï, wek bï Bɛ̈nydït tïŋ ke gëm week tiëm. Wek kɔc ke Juda ku kɔc ke Jeruthalem, duökï piɔ̈ɔ̈th cɔ̈m ku duökï riɔ̈c. Lakï tɔŋ, ku Bɛ̈nydït abï tɔ̈u kekë week!”

Diɛt 12:5

Go Bɛ̈nydït lueel an, “Yɛn bï jɔ bɛ̈n ënɔɔnë në luɔi cïï kɔc kuanynyïïn yɔŋ ku kɔc yɔŋ keek ayek teer në arɛɛm. Abä ke gam lɔ̈ŋ kɔɔrkï ë caŋ ɣɔn.”

Diɛt 12:6

Gutguut de Bɛ̈nydït aye ŋɔ̈ɔ̈th, alek wai cït ateek cï lëëŋ ë many tuc raan dhorou.

Diɛt 136:12

në ciin ril ku köŋ ril aläl, nhiëërdɛn agɔk atɔ̈u athɛɛr.

Diɛt 89:13

Eeŋö jɔ Yïn riɛl aya! Eeŋö dïït ë riɛldu aya Bɛ̈nydït!

Bɛ̈n 11:1

Go Bɛ̈nydït lɛ̈k Mothe an, “Ë döŋ ke ye këtuuc tök yen bä luöi melik ë Rip kekë kɔcke, ku bïï week jɔ tɔ jël. Na le week päl jël, abï we kuɛ̈ɛ̈th bei pinyde wedhie.

Bɛ̈n 12:31

Na wën, ke melik ë tɔ Mothe dïcë kekë Aron në ee wɛ̈ɛ̈r manë yic, ku lëk keek an, “Jälkï pinydï wedhie ayï kɔc ke Yithriɛl. Lak läŋkï Bɛ̈nydït cït man cä wek e lueel.

Bɛ̈n 12:33

Go kɔc ke Rip kɔc coc cök an dapkï Yithriɛl tɔ jël pinyden luelkï an, “Të kɛ̈n we ke dap tɔ jël, wo bï thou wodhie.”

Bɛ̈n 12:39

Acï keek bɛ̈n dap guɔ kuɛ̈ɛ̈th bei Rip ke ke kën thät, ku kën awɛɛc guɔ mäth. Gokï kuïn nyuäŋ thaal në awɛɛc awën bïïkï keek Rip.

Bɛ̈n 13:14

Na lɔ mïthkun we luɔp wadäŋ, an kë yak looiyë ee nɔm ŋö? Ke tɛ̈tkï keek an, ‘Bɛ̈nydït abïï wo bei Rip ɣɔn në riɛl dïïtde, piny ɣɔn cieŋ ë wo thïn.

Bɛ̈n 13:16

Kënë abï we jɔ aa täk nïïm, cït man ë kë cï duööt ë wecin, ku cït kë cï tääu në wenyïïn tueŋ. Abï we aa täk nïïm në bïï cïï Bɛ̈nydït wo bɛ̈ɛ̈i bei piny ë Rip në riɛl dïïtde.’ ”

Bɛ̈n 13:3

Go Mothe lɛ̈k kɔc an, “Dɔ̈tkï kööl ë jäl wek Rip, piny wään cieŋ ë week thïn. Yekï, yen kööl wään bïï ë Bɛ̈nydït we bei piny ë Rip në riɛl dïïtde. Duökï kuïn cï pam mäth cam.

Bɛ̈n 13:9

Yen abï week jɔ aa täk nïïm. Ka bï ciët kë duööt ë wecin, ku cït kë cï tääu në wenyïïn tueŋ. Abï week aa täk nïïm ë cieŋ, në baŋ bä wek lööŋ ke Bɛ̈nydït aa luɛɛl aköölnyïïn, në luɔi cï Bɛ̈nydït we bɛ̈ɛ̈i bei Rip në riɛl dïïtde.

Bɛ̈n 14:13

Go Mothe puk nɔm an, “Duökï riɔ̈c! Rɛ̈ɛ̈rkï ë lik, wek bï kuɔɔny ë Bɛ̈nydït tïŋ ee köölë. Ka kɔc ke Rip woikï keek kë, acäkkï keek bï bɛ tïŋ anandun.

Bɛ̈n 15:6

“Ciin cuënydu Bɛ̈nydït, acath ke riɛl dïït agök, ee kɔc de wek ater riäär piny.

Bɛ̈n 7:5

Të lan A ciin thɛm kɔc ke Rip, ku bɛ̈ɛ̈i kɔc ke Yithriɛl bei pinyden, abïk Ɛn jɔ ŋic ëgɔk nɔn Yan Bɛ̈nydït.”

Yith 63:12

Tɔ̈u Bɛ̈nydït ë nou, raan ɣɔn cï kadït gɛ̈iyë tɔ looi ë Mothe në riɛlde, acï pïïu tekiic ku wɛt kɔcke në kueer thuth tɔ̈u ë pïïu thäär,

Kuɛ̈n 11:23

Go Bɛ̈nydït pɔ̈k Mothe nɔm an, “Ye tak kënë duëër Ɛn ban në luɔi? Abä tïŋ ënɔɔnë, na bï ke cä lueel rɔt lëu në luɔi ku nɔn cïï rɔt bï lëu!”

Kuɛ̈n 23:23

Acïn athuɛ̈ɛ̈th, ku cïn kë bï caar, duëër kɔc ke Yithriɛl lëu. Acïn kɔc bï jam në biäk de Yithriɛl, an, ‘tïŋ kë cïï Nhialic looi!’

Luɔi 13:17

Nhialic de kɔc ke Yithriɛl acï wärkuɔ lɔc, ku jɔt kɔc nhial, të ɣɔn rëër kek cït man ë kamaan paan ë Rip, go keek bɛ̈ɛ̈i bei ëtɛ̈ɛ̈n në köŋ ril.

Nyöŋ 32:39

“Ee yɛn aye Nhialic yatök, acïn yanh däŋ tɔ̈u në yalɔ̈ɔ̈m. Yɛn ee näk, ku yɛn ee wëi gam, yɛn ee bɔ̈t looi, ku yɛn ee pial de guöp bɛ̈ɛ̈i.

Nyöŋ 4:34

De yanh cïï jur kɔn bɛ̈ɛ̈i bei në jurdäŋ yic, ku tɔ keek ee kɔcke, cït man cï Bɛ̈nydït Nhialicdun ye luöi week ë Rip? Ke woikï ë wenyïïn, acï riɛldɛndït kekë riɛl luɔɔi, acï kuöm ku tɔɔŋ bɛ̈ɛ̈i, ku looi göök ku kak ke gäi, ku kadït ee riɔ̈ɔ̈c tɔ loi rɔt.