Bɛ̈n 3:16 - JAM DE NHIALIC 2011

¹⁶ Lɔ mat röördït ke Yithriɛl nïïm kedhie, ku lɛ̈kë keek an, ‘Yɛn Bɛ̈nydït Nhialic de kuarkun, Nhialic de Abraɣam kekë Yithaak, ku Jakop, acï tuöl tëde yɛn. Ku acï lueel an, cï we tïŋ, ku tïŋ kë luiyë week paan ë Rip.

Bɛ̈n 3:16 Iomraidhean Croise

Cäk 21:1

Ago Bɛ̈nydït lɔ tëde Thara cït man cï Yen e lueel, ku thieei Thara cït man ɣɔn cï Yen e thɔ̈n en.

Cäk 28:13

Ku tïŋ Bɛ̈nydït akääc në yenɔm nhial, ku piŋ ke lueel an, “Ee Yɛn Bɛ̈nydït, Nhialic de Abraɣam kuaar, kekë Yithaak wuur. Pinyduön niin yïn thïn, abä gäm yïn wekë mïthku.

Cäk 48:15

Ku thieei Jothep lueel an, “Nhialic wään ye wärkuɔ luööi: yï Abraɣam kekë Yithaak, abï mïthkë thieei! Abï Nhialic ke thieei, Nhialic ë tit ɛn agut cï ee köölë!

Cäk 50:24

Ago Jothep lɛ̈k mïthëkɔcken an, “Yakï cï thiɔ̈k wo thuɔɔuwë, Nhialic abï we lɔ̈ɔ̈k tiit, ku löök we bɛ̈ɛ̈i bei piny ë Rip. Ku abï we lɛɛr piny wään cï thɔ̈n Abraɣam kekë Yithaak ku Jakop.”

Diɛt 102:21

Yen abïï ë rin ke Bɛ̈nydït aa cɔɔl në Dhiɔn, ku abï aa lɛc nɔm ë Jeruthalem,

Diɛt 33:18

Tiëŋkï, nyïïn ke Bɛ̈nydït atɔ̈ukï në kɔc ee ye riëëu gup, kɔc ee nhiëërdɛn agɔk ŋɔ̈ɔ̈th.

Diɛt 8:4

Raan eeŋö, ka Yïn jɔ rɔt aa nuaan në täŋde? Mɛnh ë raan eeŋö ka yïn jɔ diɛɛr ë yen?

Bɛ̈n 1:8

Na ɣɔn, ke melik däŋ ë löök bɛ̈n ë bääny yic Rip, melik kuc Jothep.

Bɛ̈n 13:19

Acïï Jothep than piny ɣɔn lueel an, “Miäk të le Nhialic we luök, ke we jɔt guöpdï eenë lɛɛrkï në week ëtök.” Na ɣɔn aa jëlkï, ke Mothe ë jɔt guöp ë Jothep, cït man ɣɔn cïï Jothep ë thɔ̈n kɔc ke Yithriɛl.

Bɛ̈n 15:14

Na wën, aa piŋ juöör, ke ke lɛth ë riɔ̈ɔ̈c keek, ku riɔ̈c kɔc ke Pilithtia kedhie aya.

Bɛ̈n 17:5

Go Bɛ̈nydït lɛ̈k Mothe an, “Jɔt kɔc kɔ̈k në röördït ke Yithriɛliic, ku wat keek. Nöm thieny wään yup yïn Kiir.

Bɛ̈n 18:12

Na wën, ke Jethro bïï miɔ̈c bï bɛ̈n nyop ëbɛ̈n. Ku bïï miɔ̈c däŋ bï bɛ̈n gäm Nhialic! Go Aron lɔ ke yen ku lɔ röördït ke Yithriɛl, lek këcam cam në Nhialic nɔm.

Bɛ̈n 2:25

Go Nhialic ciɛɛŋ cieŋ ë kɔc ke Yithriɛl tïŋ, ku tïŋ Nhialic täuden.

Bɛ̈n 24:11

Ku Nhialic acïn kërɛɛc ë cï luöi bäny ke Yithriɛl. Aake cï Nhialic tïŋ, gokï jɔ cam ku dëkkï.

Bɛ̈n 3:2

Go tunynhial ë Bɛ̈nydït tuöl tëde yen ëtɛ̈ɛ̈n ke ye lɔ̈k ë many dɛ̈p ë butic. Go Mothe mac tïŋ ke dɛ̈p ë butic, ku but acïï dɛ̈p.

Bɛ̈n 3:6

Ee Yɛn Nhialic de kuarkun, Nhialic de Abraɣam kekë Yithaak ku Jakop.” Go Mothe riɔ̈ɔ̈c luɔi bï yen Nhialic woi, go yenyin kum.

Bɛ̈n 4:1

Go Mothe puɔ̈k nɔm Bɛ̈nydït an, “Na le kɔc ke Yithriɛl ya rɛɛc thok, ku cïkï kë luɛɛl piŋ? Eeŋö bä looi të le kek a jɔ̈ɔ̈ny nɔn kën yïn tuöl tëde yɛn?”

Bɛ̈n 4:29

Ago Mothe lɔ Rip kekë Aron. Ku lek röördït ke Yithriɛl mat nïïm.

Bɛ̈n 4:31

Agokï gam. Na wën, aa piŋkï luɔi cïï Bɛ̈nydït ciɛɛŋ cieŋ ë keek arac tïŋ, acïk kenïïm bɛ̈n guöt piny, ku läŋkï.

Bɛ̈n 4:5

Go Bɛ̈nydït lɛ̈k en an, “Lɔ luöiyë kɔc ke Yithriɛl ee kënë ke bïk gam nɔn ee yen Bɛ̈nydït, Nhialic de kuarken yen ë cï tuöl tëde yïn, Nhialic de Abraɣam kekë Yithaak, ku Jakop.”

Math 26:3

Go bänydït ke ka ke Nhialic ku kɔc ë löŋ gɔ̈ɔ̈r ku röördït ë kɔc yiic, agokï guëër ë kalic kal ë bɛ̈nydïït ë kake Nhialic bɛ̈ny cɔl Kayapath,

Luk 1:68

“Thieithieei Bɛ̈nydït, Nhialic de Yithriɛl, acï kɔcke neem ku wëër keek bei,

Luk 19:44

Ku abïk yï rai piny abä nɔm kït we piny, yïn wekë mïthkuön nu ë yïyic, ku acïn kuur töŋ bïk nyääŋ piny ë kuur däŋ nɔm ë yïyic, luɔi kuc yïn kööl ë nɛ̈mduön cï yï neem!”

Luɔi 11:30

Agokï looi aya, ku tɔkï käŋ luëthë röördït në Baranaba ku Thaulo.

Luɔi 15:14

Thimon acï week guiëër në nɛ̈m tueŋ cï Nhialic Juöör kɔn neem, bï kɔc bɛ̈n bɛ̈ɛ̈i bei ë keyiic, në baŋ de rinke.

Luɔi 20:17

Go kɔc tooc ë Mileto lek Epetho, lek röördït ke ɣön ë Nhialic cɔɔl.

1 Pet 2:12

Yak ŋiëc rëër apiɛth ë juööriic, ku na cakaa kek ë ye we tum gup, acäk ciët kɔc ee kërac looi, ka bïk Nhialic dhil lɛc nɔm ë kööl bï en kɔc bɛ̈n neem, në luɔiduön piɛth ye tïŋ.

1 Pet 5:1

Röördït nu ë weyiic kek yɔ̈ɔ̈k, ku yɛn ee monydït aya, ku ya cäätɔ de ka cïï Kërtho guum, ku ya raan bï dɛ këdï aya në dhuëëŋ bï rɔt nyuɔɔth rial an:

Ruuth 1:6

Na ɣɔn, aa ŋoot Nawomi ke rɛ̈ɛ̈r piny de Mowap, ke piŋ luɔi cïï Bɛ̈nydït kɔcke lɔ̈ɔ̈k loor, ka acïk nïïm dɛ këcam. Go Nawomi guik kekë diäär ke wɛ̈ɛ̈tke.