Bɛ̈n 24:3 - JAM DE NHIALIC 2011

³ Na wën, ke Mothe ë lɔ kɔc guiëër jam kedhie, jam cï Bɛ̈nydït lueel ëbɛ̈n ayï lööŋke. Go kɔc puk nɔm kedhie an, “Këriëëc cï Bɛ̈nydït lueel ëbɛ̈n abuk looi.”

Bɛ̈n 24:3 Iomraidhean Croise

2 Lëk 15:14

Acïk gutguut bɛ̈n looi në röl dït në rin ke Bɛ̈nydït, nɔn bï kek löŋ cïk mac döt, ku jɔkï wou ku kothkï kɛŋ.

2 Lëk 15:15

Kɔc ke Juda acïk piɔ̈ɔ̈th bɛ̈n miɛt arëët në biäk cï kek ee gutguutë looi ë piɔ̈ɔ̈thken ëbɛ̈n. Acïk piɔ̈ɔ̈th lɔyum ë läm de Bɛ̈nydït, ago keek gam ku gëm keek mät në ɣään kedhie.

Diɛt 50:5

Aye lueel an, “Mätkï röt kɔckiën adööt, kɔc wään mac löŋ në Yɛn, në miɔ̈c näk!

Bɛ̈n 19:8

Agokï puk nɔm an, “Këriëëc cïï Bɛ̈nydït lueel ëbɛ̈n abuk looi.” Go Mothe ee jamë guiëër Bɛ̈nydït?

Bɛ̈n 24:2

Ku ee yïn abï ɣëët ë yalɔ̈ɔ̈m yïtök, ë cïn raan däŋ ɣëët ë yalɔ̈ɔ̈m ke yïn. Ku ë ke cïï bɔ̈ nhial ë kuur nɔm në yïn.”

Bɛ̈n 24:7

Ku nööm awerek de löŋ cï mac, awerek cïï lööŋ ke Bɛ̈nydït gäär thïn, ku kuën kɔc në röl dït. Gokï puk nɔm an “Bɛ̈nydït abuk piŋ thok, ku loiku këriëëc cï lueel ëbɛ̈n.”

Jeremia 11:4

Ee löŋ wään bä mac wo kuarken, wään bɛ̈ɛ̈i Yɛn keek bei ë Rip, piny wään cït many ë wëëth dɛ̈p tëde keek. Acä lɛ̈k keek bïk Yɛn riëëu ku loikï këriëëc cä lëk keek ëbɛ̈n. Acä lëk keek, na lek Yɛn riëëu, abïk aa kɔckï, ku Yɛn bï aa Nhialicden.

Jeremia 34:13

Nhialic de Yithriɛl, ya yɔ̈ɔ̈k bä lɔ lɛ̈k kɔc an: “Yɛn cï löŋ mac wo kuarkun wään bän ke luäk bei ë Rip, ku ta ke lääu nïïm ë lïïmic. Acä lɛ̈k keek an,

Ɣagai 2:5

cït man cän week lɛ̈k gutguut ɣɔn bä wek bei Rip an, “Yɛn bï tɔ̈u wo week anandï, Yɛn ŋoot ke Ya tɔ̈u we week, ka duökï riɔ̈c.

Malakai 2:10

Go Malakai lɛ̈k kɔc ke Yithriɛl an, “Wääda cie tök wodhie? Cie Yen ë Nhialic töŋë, Yen ë cak wook wodhie? Ka eeŋö tɔ we dhoŋ löŋ cïï Nhialic gäm wärkuɔ kɔ̈u, wek kën kapiɛth ŋiɛckï an duɛ̈ɛ̈rkï ke luöi röt në kɛmkun wapäc looi?

Nyöŋ 11:1

Go lueel an, “Nhiaarkï Bɛ̈nydït Nhialicdun ku yak lööŋke riëëu kedhie ë ceŋ.

Nyöŋ 4:1

Na wën ke Mothe ë yöök kɔc, an, “Riëëukï lööŋ nyuöth ke weekë kedhie, ku wek bï pïïr, ku ruömkï piny, bïï Bɛ̈nydït Nhialic de kuarkun gäm week.

Nyöŋ 4:45

Kakë ayek wëët ku lööŋ ku cök ke piööc, ë gëmë Mothe keek mïth ke Yithriɛl, wään bï kek bɛ̈n bei ë Rip.

Nyöŋ 4:5

“Wek cä keek wɛ̈ɛ̈t ë lööŋ kedhie, cït man cïï Bɛ̈nydït Nhialicdï ya yɔ̈ɔ̈k an luɔi. Riëëukï keek në ee piny bäk lɔ rumë ku cieŋkï.

Nyöŋ 5:1

Go Mothe kɔc ke Yithriɛl cɔɔl tëtök kedhie ku yöök keek, an, Wek kɔc ke Yithriɛl piɛŋkï lööŋ gäm ke week ee köölë, ŋiɛckï keek ëgɔk, ku dhiɛlkï keek riëëu.

Nyöŋ 5:31

Ku yïn Mothe, yïn bï rɛ̈ɛ̈r wekë yɛn eenë, ku yïn bä gäm lööŋkï kedhie kekë piööcdï. Wɛ̈ɛ̈t ë kɔc ë keek, agokï keek dhil aa riëëu në piny bä lɔ gäm keek.’

Nyöŋ 6:1

Go Mothe ŋoot ke jam an, “Kakë ayek lööŋ kedhie, lööŋ ë gëmë Bɛ̈nydït Nhialicdun yɛn, bä week bɛ̈n wɛ̈ɛ̈t. Riëëukï keek piny bä wek lɔ thïn ku ɣapkï.

Jocua 24:21

Agokï jaai lɛ̈kkï Jocua an, “Ei, ee Bɛ̈nydït Yen abuk luööi.”

Jocua 24:22

Go Jocua lɛ̈k keek an, “Ee wek aye cäätɔɔ ë röt wapäc, në gäm cä wek luɔi de Bɛ̈nydït gam.” Gokï gam an, “Ɣɛɛ, wok ee cäätɔɔ në röt wapäc.”

Jocua 24:24

Gokï lɛ̈k Jocua an, “Wok bï Bɛ̈nydït Nhialicda luööi, ku dötku lööŋke.”