Bɛ̈n 2:3 - JAM DE NHIALIC 2011

³ Na ɣɔn, aa cïï be lëu ë thiën, ke nöm diöny cï cuëëc ë aguöt, ku boot kɔ̈u në wɛ̈ɛ̈r col nyin cɔl tar, gël en pïïu ë ke cï bï lɔ thïn. Ku tɛ̈ɛ̈c meth thïn, ku jɔt le tääu aguötic ë kiir yɔu.

Bɛ̈n 2:3 Iomraidhean Croise

Cäk 11:3

Na wën, ke jɔkï lɛ̈k röt kapäc an, “Loiku thoop ku nyopku keek.” Agokï dɛ thom ë yïk, ku kë col nyin lɔ duäkduäk bï thoop muk.

Cäk 14:10

Ku wɛ̈ɛ̈r aa thiäŋ yɔu ke kë lɔ duäkduäk cɔl tar. Na wën, aa kɔt meliŋ de Thɔdom, kekë meliŋ de Gomoora në tɔŋ, acïk bɛ̈n wïïk thïn. Ku meliik kɔ̈kë kadiäk acïk bɛ̈n kat ke ke lɔ ë kur nïïm.

Cäk 6:14

Ku yïn, cuɛ̈cë rɔt abël wïïr në tim piɛth, tim cɔl gɔper. Ku luöiyë yic ɣööt juëc. Ku bot kɔ̈u biic, ku yeyic thïn në kë cool ye käŋ boot nyïïn cɔl tar.

Bɛ̈n 1:22

Na ɣɔn, ke lëk ë Melik de Rip kɔcke kedhie an, “Cuatkï mïthwät Kiir kedhie abïï ciën tök, mïthwät thiik ke Ɣeberuu, ku pälkï duet apïïr.”

Yith 18:2

Në ye pinyë yic tuuc ayek bɛ̈n ke ke cath Kiir në abël ë cuëc aguöt. Pɔ̈kkï röt wutic, tuuc ŋic riŋ! Pɔ̈kkï jam nɔm pinyduön cï tekic në kiɛɛr, yiɛ̈nkï juöörkuön ril aläl, kɔc bär ku tɛ̈ckï gup, kɔc ye kɔc riɔ̈ɔ̈c në keek ë piny nɔm ëbɛ̈n.

Yith 19:6

Nyïïn ke Kiir abïk dëu, wëk ke Rip abïk yiic ŋuäc në luɔi bï aguöt ku wal tɔ̈c ee luɔk ë Kiir yɔu ëbɛ̈n biɔɔr,

Yith 35:7

liɛɛt tuc dɛ̈p abï aa baar ë pïïu, ku piny ril abï thiäŋ kekë nyïïn ke pïïu. Të ɣɔn ye kɔ̈ɔ̈rgɔl cieŋ, wal juëc ku aguöt abïk cil thïn.

Math 2:13

Na wën, aa cïk jäl dï, ke tunynhial ë Bɛ̈nydït tul tëde Jothep ke ye nyuöth, lueel an, “Jɔt rɔt, nöm mɛnhthiinë kekë man, kɔt lɔ paan ë Rip, ku tɔ̈uwë ëtɛ̈ɛ̈n aɣet të bän yï yiɛ̈n thok, Ɣerod abï mɛnhthiinë kɔɔr luɔi bï en e nɔ̈k.”

Math 2:16

Na wën, acï Ɣerod ë tïŋ nɔn cï ë geet në röör pelnïïm, go gɔ̈th agönh rac, go kɔc tooc, ku tɔ mïthwät nu Betheleɣem näk kedhie, ayï mïth nu bɛ̈i ruup kedhie, cak në mïth cï runken aa rou ayï mïth lɔ ë kecök, cït man cï en ë cök ë lop en en tëde röör pelnïïm.

Luɔi 7:19

Go jurda luöi ruëëny, yen ee melikë ku jɔ kuarkuɔ cieŋ ë ciɛɛŋ rac an, bï mïthkɛn thii ateteet cuat wïïr, ke ke bï thou.