Bɛ̈n 13:3 - JAM DE NHIALIC 2011

³ Go Mothe lɛ̈k kɔc an, “Dɔ̈tkï kööl ë jäl wek Rip, piny wään cieŋ ë week thïn. Yekï, yen kööl wään bïï ë Bɛ̈nydït we bei piny ë Rip në riɛl dïïtde. Duökï kuïn cï pam mäth cam.

Bɛ̈n 13:3 Iomraidhean Croise

Cäk 15:16

Ku abïk kenïïm dɔ̈k eenë, në rem ye rɛm ŋuan. Në luɔi cän kɔc ke Amor bï cuɔp wei, agut të bï kek awäny dïït rɔ̈ŋ ke këtuc thok kɔn looi.”

1 Lëk 16:12

Wek kuat de Jakop, lïïm ke Nhialic, wek kuat de Yithriɛl, kɔc cïï Nhialic ke lɔc,

Neɣe 1:10

“Bɛ̈nydït kakë ayek lïïmku, kɔc ke nɔmdu, ɣɔn luäk në riɛldïïtdu.

Neɣe 9:10

Yïn cï kagɛ̈iyë luöi melik, ku bänykɛn ke luɔi ku kɔc ceŋ pinyde në biäk ŋic Yïn en yen yaaŋ ɣɔn cïï kek kɔcku yɔŋ. Yïn cï tiam në tïc de rin ŋoot ke tɔ̈u ke Yïn aɣet cï ënɔɔnë.

Diɛt 105:5

Yak kagɛ̈iyë cï ke looi tak, göök, ku löŋ cï lueel,

Diɛt 114:1

Wään bïï kɔc ke Yithriɛl jäl ë Rip, ɣɔn bïï kuat de Jakop piny de alɛi nyääŋ piny.

Diɛt 136:11

Acï kɔc ke Yithriɛl bɛ̈ɛ̈i bei ë Rip, nhiëërdɛn agɔk atɔ̈u athɛɛr,

Diɛt 136:12

në ciin ril ku köŋ ril aläl, nhiëërdɛn agɔk atɔ̈u athɛɛr.

Diɛt 89:14

Piathëpiɔ̈u ku yic kek aye këërkëër de thöönydu, nhiëër agɔk ku piɔ̈n adöt ayek röt nyuɔɔth në ka ye looi yiic kedhie.

Bɛ̈n 12:15

Wek bï kuïïn cï pam cïnic luɔu aa cam në nïn kadhorou. Kööl tueŋ, ke we kɔn kë ye kuïïn cï pam tɔ mäth nyaai në bɛ̈ikuniic. Na lɔ raan kuïn cï pam mäth cam në ee nïnkë yiic kadhorou, ka bï tɛɛm wei në kɔc ke Yithriɛliic.

Bɛ̈n 12:17

Dɔ̈tkï Dhuëëŋ de Kuïn Cïnic Luɔu, në biäk yen kööl ë bɛ̈ɛ̈i Yɛn dhiëënkun bei paan ë Rip. Dɔ̈tkï ke we bï yɛn aa dhuëëŋ thïn në ruöön thok ëbɛ̈n.

Bɛ̈n 12:19

Ë cïn kë ye kuïn cï pam tɔ mäth bï nu në bɛ̈ikuniic në ee nïnkë yiic kadhorou, ke cïn raan bï kuïn mäth cam. Na lɔ raan kuïn cï pam cï mäth cam në ee nïnkë yiic, nɔn yen raan lei, ku nɔn ee yen raan ë Yithriɛl, abï tɛɛm wei në akutnɔm de Yithriɛl yiic.

Bɛ̈n 12:2

“Pɛɛiyë, yen abï ya pɛɛiduön tueŋ në ruöönic.

Bɛ̈n 12:41

Ku në kööl ë thöök ë bot kaŋuan ku thiërdiäk thook, yen aa jël ë kɔc ke Bɛ̈nydït ë Rip kedhie.

Bɛ̈n 12:42

Yen ee wɛ̈ɛ̈rë, abï dɔ̈t Bɛ̈nydït, në bïï cï Yen ke bɛ̈ɛ̈i bei piny ë Rip. Yen ee wɛ̈ɛ̈rë ee wɛ̈ɛ̈r de Bɛ̈nydït, abï aa döt në kɔc ke Yithriɛl ë caaŋden.

Bɛ̈n 12:8

Ku ë ke nyop rïŋ në ee wɛ̈ɛ̈rë yic, ku cuetkï keek në wɛ̈ɛ̈l kec, ku kuïn cï pam nyuäŋ.

Bɛ̈n 13:14

Na lɔ mïthkun we luɔp wadäŋ, an kë yak looiyë ee nɔm ŋö? Ke tɛ̈tkï keek an, ‘Bɛ̈nydït abïï wo bei Rip ɣɔn në riɛl dïïtde, piny ɣɔn cieŋ ë wo thïn.

Bɛ̈n 13:9

Yen abï week jɔ aa täk nïïm. Ka bï ciët kë duööt ë wecin, ku cït kë cï tääu në wenyïïn tueŋ. Abï week aa täk nïïm ë cieŋ, në baŋ bä wek lööŋ ke Bɛ̈nydït aa luɛɛl aköölnyïïn, në luɔi cï Bɛ̈nydït we bɛ̈ɛ̈i bei Rip në riɛl dïïtde.

Bɛ̈n 20:2

“Ee Yɛn Bɛ̈nydït Nhialicdun, Nhialic ɣɔn bïï we bei Paan ë Rip, të ɣɔn lïïmë week thïn.

Bɛ̈n 20:8

“Ye kööl ë Thabath döt ke ye kööl ɣeric.

Bɛ̈n 23:15

Ku yak Dhuëëŋ de kuïn cïnic luɔu looi cït man cän e thɔ̈n week. Yak Dhuëëŋ de Kuïn Cïnic Luɔu looi cït man cän e thɔ̈n week në pɛɛi de Abib, pɛɛi wään jäl wek Rip. Yak kuïn cï pam cïnic luɔu cam në nïn ke dhuëëŋiic kadhorou. Ku raan ëbɛ̈n ë weyiic ë lam Ɛn në miɔ̈c.

Bɛ̈n 3:20

Ku riɛldï abä nyuɔɔth. Yɛn bï kake gäi tuc thook looi ë Rip. Ku në ee kakë cök kedhie, melik de Rip abï week jɔ puɔ̈l ajäl.

Bɛ̈n 34:18

“Dɔ̈tkï Dhuëëŋ de Kuïn Cïnic Luɔu. Ku yak kuïn cï pam cïnic luɔu cam në nïniic kadhorou në pɛɛi de Abib, cït man cän e lɛ̈k week ɣɔn, në luɔi yen pɛɛi ë jäl wek Rip.

Bɛ̈n 6:1

Go Bɛ̈nydït lɛ̈k Mothe an, “Kë bä luöi melik, abä jɔ tïŋ ënɔɔnë. Abä tɔ päl kɔckï ajäl në riɛl. Abä tɔ kuëëth kɔckï bei pinyde në riɛl.”

Bɛ̈n 6:6

Ka yïn lɛ̈kë kɔc ke Yithriɛl an, ‘Yɛn aye Bɛ̈nydït, wek bä luäk bei në kɔc ke Rip cin. Wek bä kony wëi. Yɛn bï ciin riildï yaak nhial, ku luöi kɔc ke Rip këtuc.

Bɛ̈n 6:7

Të lan week luäk bei në kɔc ke Rip cin, ku gäm week nɔmlääu, abäk jɔ ŋic ëgɔk nɔn ee Yɛn Bɛ̈nydït Nhialicdun ë yic. Wek bä tɔ ye kɔc ke naamdï, ku Yɛn bï ya Nhialicdun.

Jeremia 34:13

Nhialic de Yithriɛl, ya yɔ̈ɔ̈k bä lɔ lɛ̈k kɔc an: “Yɛn cï löŋ mac wo kuarkun wään bän ke luäk bei ë Rip, ku ta ke lääu nïïm ë lïïmic. Acä lɛ̈k keek an,

Danyel 9:15

“Ku yïn Bɛ̈nydït, Nhialic, yïn cï riɛldu nyuɔɔth, në bïï cï yïn kɔcku bɛ̈ɛ̈i bei ë Rip, ku riɛldu aŋoot ke ye tak. Wok cï wäc, wok cï kërac looi.

Math 10:12

Ku të la wek ɣöt, ke thiëckï.

Luk 22:19

Na wën, ke nöm kuïn cï pam, ku leec Nhialic, ku wɛ̈ɛ̈kic, ku yïn keek, lueel an, “Guöpdï kï, guöpdiën cï gam në baŋdun week, yak kënë looi në täŋ bä wek wenïïm aa tak në yɛn.

1 Kor 11:24

ku të cï en thieithieei lueel, ke wɛ̈kic, lueel an, “Ŋäkï, camkï, kënë ee guöpdiën cï dhuööŋ në baŋdun: yak kënë looi në täŋ bä wek ɛn aa tak.”

1 Kor 5:8

Yen ciɛm wok kuïn ë dhuëëŋ, kuïn cïnic luɔu thɛɛr, ku cïnic luɔu de anyääk, ku rɛ̈ɛ̈cdepiɔ̈u, yok cam ë kuïn cïnic luɔu ë piɔ̈n yic a gɔk.

Epethiei 1:19

ku lak riɛldɛn dït ŋic, dït dïït en aläl awär këriëëc, riɛldɛn dïït cï nyuöth wook wok kɔc cï gam, acït man ë luɔi de riɛldɛn dïït agök,

Nyöŋ 13:10

Biääkkï keek abïk thou! Acïk them bïk week thɛl wei në Bɛ̈nydït Nhialicdun lɔ̈ɔ̈m, raan ë kony week ë Rip, të wään ya wek lïïm thïn.

Nyöŋ 13:11

Ku ëtɛ̈ɛ̈n, abïï kɔc ke Yithriɛl jɔ piŋ ëbɛ̈n yen kë cï rɔt looi, ku abïk riɔ̈ɔ̈c, ku acïn raan bï kërɛɛc cït ee kënë bɛ looi.

Nyöŋ 13:5

Ku näkkï raan ëbɛ̈n raan ee nyuöth waaric ayï tiët ee we yöök, an, bäk Bɛ̈nydït Raan ë kony week ë Rip rɛɛc, të wään ya wek lïïm thïn. Kɔc cït ee kakë ayek karɛc looi, ku akɔɔrkï bïk week thɛl wei në pïïric, pïïr cï Bɛ̈nydït lɛ̈k week an bä wek pïïr. Abï keek dhil nɔ̈k aguɔkï kërɛɛcë jɔ bɛ̈ɛ̈i bei ë weyiic.

Nyöŋ 13:6

“Ayï wënkui, ku nɔn ee wëndu, ku nɔn ee nyandu, ku nɔn ee tiiŋduön nhiaar, ku nɔn ee raan määth wek arëët, aduëër yïn riit piɔ̈u ë määth, ke yï bï yiëth lam, yiëth kënë ke kɔn lam wekë kuarkun.

Nyöŋ 15:15

Takkï wenïïm, we cï kɔn aa lïïm në Rip, go Bɛ̈nydït Nhialicdun we gäm nɔm lääu, yen kë gäm ɛn week ee löŋë ka.

Nyöŋ 16:1

Go Mothe lueel an, “Riëëukï Bɛ̈nydït Nhialicdun, në luɔi bä wek dhuëëŋ de Winythok aa looi në pɛɛi de Abib, në biäk yen wakɔ̈uwë yic, në ee pɛɛiyë yic, yen aa luɛ̈k Yen week ë Rip.

Nyöŋ 16:12

Thɛmkï bäk ee lööŋkë riëëu, duökï nïïm mär nɔn cä wek kɔn aa lïïm ë Rip.

Nyöŋ 16:3

Të la wek ee këcamë cam, duökï kuïn cï pam cï looi në luɔu cam. Në nïn kadhorou yiic wek bï kuïn cï pam cïn yic luɔu aa cam, cït man wään luɔi wek en ɣɔn jäl wek në Rip ë aruööthic. Camkï ee kuïn cï pamë abï aa cɔɔl an, kuïn cï pam de nuan, aguɔkï ee köölë tak në pïïrdunic ëbɛ̈n, kööl ë bä wek bei në Rip, të de nuan.

Nyöŋ 24:18

Takkï wenïïm wek ye lïïm në Rip go Bɛ̈nydït Nhialicdun we gäm nɔm lääu, yeka gäm Ɛn week ee löŋë.

Nyöŋ 24:22

Duökï nïïm kɔn määr, wek aake ye lïïm ɣɔn ë Rip, yeka gäm Ɛn week ee löŋë.

Nyöŋ 26:8

Ku në riɛldɛn dït ku riɛldït acï wook kony buk bɛ̈n bei në Rip. Acï göök looi ku kake gäi, ku tɔ ka ee kɔc tɔ riɔ̈c loi röt.

Nyöŋ 4:34

De yanh cïï jur kɔn bɛ̈ɛ̈i bei në jurdäŋ yic, ku tɔ keek ee kɔcke, cït man cï Bɛ̈nydït Nhialicdun ye luöi week ë Rip? Ke woikï ë wenyïïn, acï riɛldɛndït kekë riɛl luɔɔi, acï kuöm ku tɔɔŋ bɛ̈ɛ̈i, ku looi göök ku kak ke gäi, ku kadït ee riɔ̈ɔ̈c tɔ loi rɔt.

Nyöŋ 5:15

Takï wenïïm wään, wek aaye lïïm ë Rip. Aguɔ week luäk bei në riɛldiëndït, Yɛn Bɛ̈nydït Nhialicdun. Yen aa jan week yɔ̈ɔ̈k an riëëukï kööl de Thabath.

Nyöŋ 5:6

‘Yɛn ee Bɛ̈nydït Nhialicdun, Nhialic ɣɔn bïï week bei paan ë Rip, të wään ya wek lïïm thïn.

Nyöŋ 6:12

Dɔ̈tkï apiɛth ke we cïï nïïm bï määr ë Bɛ̈nydït Raan e bïï we bei ë Rip. Të wään ye wek lïïm thïn.

Nyöŋ 6:21

Ku ëtɛ̈ɛ̈n yöök keek, an, ‘Wok aaye lïïm ke bɛ̈ny de Rip. Go Bɛ̈nydït wook luäk bei në riɛldɛn dït.

Nyöŋ 7:8

Bɛ̈nydït anhiaar week, ku akɔɔr bï gutguut cï yen kuëëŋ ke kuarkun aa döt. Yeka, cï yen week kony, në riɛldɛndït ku wëër week bei në lïïmic, lïïm de melik ë Rip.

Nyöŋ 8:14

takkï apiɛth luöi cä wek röt bï leec ku märkï nïïm ë Bɛ̈nydït Nhialicdun, Raan ë kony week ë Rip, të wään ya wek lïïm thïn.

Nyöŋ 9:12

“Na wën, ke Bɛ̈nydït ë yɔ̈ɔ̈k en, an, ‘lɔɔr piny raan tök ë kuur nɔm, kɔckuön wään bɛ̈ɛ̈iyë bei ë Rip, acïk riääk ku aloikï kërac. Acïk röt yal wei në këdiën cä lɛ̈k keek an bïk looi, ku acïk röt luöi yanh däŋ.’

Jocua 24:17

Ee Bɛ̈nydït Nhialicda yen ë bïï wo bei ɣɔn paan ë Rip në wärkuɔ ëtök. Ku wok ë kake gäi ɣɔn looi Rip tïŋ në ee nyïïnkuɔn bïï dhiëi bootë. Ku gël wook në cäthda yic ëbɛ̈n, të ɣɔn tëëk wok në juööriic ëbɛ̈n.

Bäny 2:12

Ku pälkï Bɛ̈nydït Nhialic de kuarken, Nhialic wään bïï keek bei piny de Rip, ku yek yiëth kɔ̈k lam, yiëth ke kɔc rɛ̈ɛ̈r ë keek, ku yek kenïïm guöt piny ë kenïïm, ku jɔkï Bɛ̈nydït tɔ göth.

Bäny 6:8

Ago Bɛ̈nydït keek tuöc tiët, wään lueel en an, “Kën ë lueel Bɛ̈nydït Nhialic de Yithriɛl kï, lueel an, ‘We cä bɛ̈ɛ̈i bei në Rip bɛ̈ɛ̈i we bei ë lïïm yic,