Bɛ̈n 10:9 - JAM DE NHIALIC 2011

⁹ Go Mothe bɛ̈ɛ̈r an, “Ee wook wodhie wok lɔ, kɔcdït ku mïth. Mïthwät ku duet, ku ɣɔ̈k, ku thök. Në baŋ bï wok dhuëëŋ lɔ looi ëtɛ̈ɛ̈n, door wok Bɛ̈nydït.”

Bɛ̈n 10:9 Iomraidhean Croise

Cäk 50:8

Ku lɔ baai de Jothep, ku mïthëkɔcken, ku kɔc ke baai de wun kedhie, acïk bɛ̈n lɔ në yen. Ale döŋ ke ye mïth kor, ku thökken, ku ɣɔ̈k kek aa dɔ̈ŋ piny ë Gocen.

Bɛ̈n 10:10

Go melik lueel an, “Yɛn ë kuëëŋ në Bɛ̈nydït, diäärkun, ayï mïth acïkï bï lɔ në week! Adhil dɛ kërɛɛc cäk tak në wepiɔ̈ɔ̈th.

Bɛ̈n 10:26

Ei, ɣɔ̈kka abuk keek kuaath kedhie, acïn töŋ bï döŋ. Ku wook gupkuɔ, ee wok abï ka bïï lɔ näk Bɛ̈nydït Nhialicda lɔc. Ku të kën wok kɔn ɣet ëtɛ̈ɛ̈n, acïn luɔi duëër wok kë bï lɔ näk Bɛ̈nydït ŋic.”

Bɛ̈n 12:32

Kuathkï ɣɔ̈kkun ku thökkun, ku jälkï. Ku lak läŋkï në biäk bï ya thieei ayadäŋ.”

Bɛ̈n 12:37

Na wën, ke kɔc ke Yithriɛl ë ke jël në kecök Ramethith lekï Thukoth. Ku röör aake ye bot kadhetem ka aguum të cïn diäär, ku mïth.

Bɛ̈n 12:38

Go kut dïït ë kɔc lɔ ke keek, ku lɔ thök ku ɣɔ̈k.

Bɛ̈n 13:6

Yak kuïn cï pam nyuäŋ cam në ee nïnkë yiic kadhorou. Ku kööl ye nïn dhorou, ke we loi dhuëëŋ de Bɛ̈nydït.

Bɛ̈n 3:18

Ku kɔckï abïk yïn piŋ thok. Ku ëtɛ̈ɛ̈n, yïn bï jɔ lɔ tëde melik ë Rip wekë röördït ke Yithriɛl, lak lɛ̈k en an, ‘Bɛ̈nydït Nhialic de Ɣeberuu acï rɔt nyuöth wook. Ka yïn gam nɔn bï wok nïn kadiäk nööm ke wo cath ë jɔ̈ɔ̈ric, lok Bɛ̈nydït Nhialic näk.’

Bɛ̈n 5:1

Go Mothe kekë Aron lɔ tëde melik ë Rip, lek lɛ̈k en an, “Acïï Bɛ̈nydït lueel, Nhialic de Yithriɛl an, ‘Tɔ kɔckï jäl, lek dhuëëŋ bïï kek Ɛn näk looi ë jɔ̈ɔ̈ric, dhuëëŋ bï Ɛn miët piɔ̈u.’ ”

Bɛ̈n 5:3

Go Mothe puɔ̈k nɔm en kekë Aron an, “Nhialic de Ɣeberuu acï rɔt nyuöth wook, ka yïn pälë wo nïn kadiäk bïï wok cath ë jɔ̈ɔ̈ric, ke wo bï Bɛ̈nydït Nhialicda lɔ näk. Të kën wok E lɔ näk, abï wo nɔ̈k në jɔɔk ku nɔn yen tɔŋ.”

Kɛ̈ŋ 3:9

Dhuëŋ Bɛ̈nydït në miɔ̈c miɔɔc yïn En në këriëëc piɛth cï kɔn luɔk domdu ëbɛ̈n.

Wɛ̈ɛ̈t 12:1

Yak Aciëŋdun tak në akööl ke dhuöökdunic, të ŋoot akööl rac ke ke kën bɛ̈n. Akööl bä wek e lueel an, “Yɛn cïï piɔ̈u mit wo pïïr.”

Kuɛ̈n 29:12

Matkï we nïïm në lɔ̈ŋ ɣeric yic në kööl ye pɛɛi de dhorou thok thiëër ku dhïc. Luöikï Bɛ̈nydït dhuëëŋ në nïn kadhorouwiic kë cïn raan lui.

Epethiei 6:4

Ku week, wek wärken ë mïth, duökï mïthkun ë cool ë juöt wek ke gup, abïk gɔ̈th, ku yak ke muk ë muŋ de Bɛ̈nydït ayï wëëtde.

Jocua 24:15

Na cäkkï Bɛ̈nydït bï luööi, ke we lɔc raan bäk luööi ee köölë. Tɛk däŋ, bäk yiëth ɣɔn ye kuarkun lam piny de Yuparat lɔŋ tui kek bäk luööi, ku nɔn ee kek yiëth ke kɔc ke Amor, kɔc rɛ̈ɛ̈r wek pinyden. Na yɛn wokë baaidï, ee Bɛ̈nydït Yen abuk luööi.”