Amoth 9:9 - JAM DE NHIALIC 2011

⁹ “Yɛn bï löŋ tääu piny, bä baai de Yithriɛl kïïc në juööriic ëbɛ̈n, cït man ye rap kïïc në atɛ̈ny. Ke ya bï kɔc cïn naamden nyaai.

Amoth 9:9 Iomraidhean Croise

Yith 27:12

Në ë köölë, gɔl në wɛ̈ɛ̈r ë Yuparat ɣeet në aken ë Rip, Bɛ̈nydït abï kɔcke määtiic ëtök ëtök, cït man ye raan rap pɔ̈c bei në ayiɛlic.

Yith 28:28

Acïï agamɔ bï riɔ̈ɔ̈k në käm cïn pëk, aŋic kämden në luɔi yen abël de jöŋgöör käm tɛ̈ɛ̈k në kekɔ̈ɔ̈th nhial ëmääth ke cïï rap bï ɣääriic.

Yith 30:28

Ee yom tuɔɔc ë Yenɔm tueŋ cï amool ee këriëëc ëbɛ̈n gap wei. Ee juöör nap wei ë riääkic ku tɔ kiɛɛrdɛn rac ëbɛ̈n kääc abï liu.

Jeremia 31:36

Acï gutguut lueel an na ŋoot lööŋ cï mac ke ke tɔ̈u ë täuden, ke Yithriɛl abï ŋoot ke ee jur.

Jeremia 46:28

Yɛn bï bɛ̈n tëde week ku kuɔny week. Yɛn bï juöör riɔ̈ɔ̈k ëbɛ̈n, të cän week thiäi piny, ku wek cä ke bï riɔ̈ɔ̈k. Ku we cä bï pɔ̈l ke we kën luöi këtuc, ku të lan week luöi këtuc, abä looi arɔ̈ŋ. Acä lueel, Yɛn Bɛ̈nydït.”

Jeremia 49:36

Yɛn bï yom tɔ put ke lɔ të lɔ Eelam në aguuk kedhie, Yɛn bï kɔcke thiäi ë piny nɔm ëbɛ̈n, abï ciën jur töŋ bï döŋ ke cïn yic kɔckɛn lɔ thïn.

Edhekiɛl 20:38

Yɛn bï kɔc ee löŋ rɛɛc ku kɔc ee karɛc looi nyaai në we yiic. Abä ke bɛ̈ɛ̈i bei pinydɛn ciɛŋkï ënɔɔnë, ku acä ke bï bɛ tɔ puk kenïïm piny de Yithriɛl. Ëtɛ̈ɛ̈n abäk jɔ ŋic nɔn ee yɛn Bɛ̈nydït.”

Edhekiɛl 36:19

Acä ke bɛ̈n jɔ̈ɔ̈ny në kueerdɛn ye kek pïïr ku të ye ke kaken luɔɔi thïn, guɔ ke thiäi piny në juöör ke piiny lei yiic.

Edhekiɛl 39:28

Ëtɛ̈ɛ̈n abïï kɔckï jɔ ŋic nɔn ee Yɛn Bɛ̈nydït Nhialicden. Abïk ee kënë ŋic, në biäk cïï Yɛn ke tuɔɔc ë juöör yiic, ku ënɔɔnë acä ke määt yiic, ku bɛ̈ɛ̈i ke ciëën pinyden, ke cïn raan töŋdɛn nyiëëŋë piny.

Edhekiɛl 5:10

Kë bï tïc, wärken ke mïth ku märken ke mïth abïk mïthken cuet, ku mïth abïk wärken ku märken cuet në Jeruthalem. Wek bä luöi këtuc ku thiäi kɔc bï pïïr në piny nɔm ëbɛ̈n.

Edhekiɛl 5:12

Biäk töŋ de diäk ë kɔckun abï thou në jɔk ku cɔk ë pänydïtic, ku thou biäk däŋ de diäk në abätäu biic në pänydït thok, ku biäk töŋ de diäk ciëën abä thiäi piny në ɣään ke yom kedhie, ku cuɔp keek në abätäu.

Lebai 26:33

Yɛn bï tɔŋ yiɛ̈n week ku thiäi we piny ë juööriic. Pinydun abï yic ciën kɔc ku pɛ̈ɛ̈nydïtkun tɔ̈u ke ke cï riääk.

Luk 22:31

“Na wën, ke lueel Bɛ̈nydït an, “Thimon, tïŋ, Catan acï we kɔɔr arëët luɔi bï en we nööm, bï we kïïc cït man ë agamɔ:

Nyöŋ 28:64

“Bɛ̈nydït abï week thiäi piny në juööriic ëbɛ̈n, gɔl në piny thar biäkë leer ë biäkë, ku ëtɛ̈ɛ̈n we bï yiëth ë loi në tiim ku kur aa luööi, yiëth kɛ̈nkï keek kɔn lam ayï kuarkun.