Amoth 9:14 - JAM DE NHIALIC 2011

¹⁴ Yɛn bï kɔckiën ke Yithriɛl cï lɔ në pɛ̈cic bɛ pɔ̈k nïïm ciëën pinyden. Ku bïk pɛ̈ɛ̈nydïtkɛn cï riääk bɛ nyɔk në yïk, ku ɣapkï keek, abïk duum ke enap com, ku dëkkï në mɔ̈nde, abïk duum ke tiim aa com, ku camkï mïth ke tiim.

Amoth 9:14 Iomraidhean Croise

Diɛt 107:37

Acïk duum com ku comkï enap ku tetkï mïth ke tiim juëc cï luɔk.

Diɛt 53:6

Yɛn ee lɔ̈ŋ aläl bï tiëm de Yithriɛl bɛ̈n në Dhiɔn. Ee miɛtëpiɔ̈u cït ŋö bïï ë kɔc ke Yithriɛl piɔ̈ɔ̈th miɛt, të le ë Nhialic ke bɛ tɔ kueth!

Yith 60:4

Tïŋ yïlɔ̈ɔ̈m ku ja daai në kë loi röt: Kɔckun amɛ̈ɛ̈tkï keyiic ke ke dök röt baai! Wɛ̈ɛ̈tkun abïk bɛ̈n në ɣään mec yiic, duetkun abïï ke ɣääc cï mïth.

Yith 61:4

Abïk pɛ̈ɛ̈nydït ɣɔn thɛɛr cï riɔ̈ɔ̈k nyɔk në yïk.

Yith 65:21

Kɔc abïk ɣööt yïk ku rëërkï thïn në gupken, abïk duumkɛn ke tiim ke enap com ku ciɛmkï kakɛn cï luɔk.

Jeremia 12:15

Ku të cän keek jat wei, Yɛn bï piɔ̈u kok wo keek, Yɛn bï jur bɛ aa bɛ̈ɛ̈i ciëën pinyde, ku paande.

Jeremia 16:15

Abïk aa kuëëŋ në Yɛn, ke ya ye Nhialic pïïr, Raan ë bïï kɔc ke Yithriɛl bei piny de rut, ku në wuöt kɔ̈k yiic, wuöt cän keek thiäi piny. Abä keek bɛ̈ɛ̈i ciëën pinyden, piny cä gäm kuarken. Acä lueel, Yɛn Bɛ̈nydït.”

Jeremia 23:8

Abïk aa kuëëŋ ë Yɛn, Yɛn Nhialic Pïïr raan ë bïï baai de Yithriɛl bei piny nu të lɔ rut, ku raan ë bïï ke bei wuöt wään cän ke thiäi thïn kedhie. Ku abïk jɔ rëër pinyden.”

Jeremia 24:6

Abä keek tiit, ku abä keek bɛ̈ɛ̈i ciëën ee pinyë. Abä keek yïk acä keek bï thuöör piny, abä keek com acä keek bï wuöth thäär bei.

Jeremia 29:14

Ee yic, aya lueel an yïn bï ya yök, ku yïn bä pɔ̈k nɔm pinydun. Wek bä määtiic në juööriic ëbɛ̈n ku në ɣään yiic ëbɛ̈n, ɣään cän we thiäi thïn, ku wek bä bɛ̈ɛ̈i ciëën piny wään bän week kɔn cuɔp wei le we peec thïn. Acä lueel, Yɛn Bɛ̈nydït.’

Jeremia 30:18

Aye Bɛ̈nydït lueel an, “Yɛn bï kɔckï pɔ̈k nïïm pinyden, ku ta yepiɔ̈u kok wokë ɣööt kedhie, Jeruthalem abï bɛ yïk, ku ɣön de bääny abï bɛ yïk.

Jeremia 30:3

Në biäk cï akööl bɛ̈n akööl bän ke kɔckï luök, kɔc ke Yithriɛl ku Juda. Abä ke bɛ̈ɛ̈i ciëën piny wään cä gäm kuarken, ku abïk bɛ nööm. Acä lueel, Yɛn Bɛ̈nydït.”

Jeremia 31:23

Acïï Bɛ̈nydït de rɛm, Nhialic de Yithriɛl lueel an, “Të lan kɔc pɔ̈k nïïm pinyden, abïk bɛ aa lueel piny de Juda ku në wuötken yiic an, ‘Në Bɛ̈nydït thiei tëde piathëpiɔ̈u, Yïn kuur ɣeric ee Yen rëër thïn.’

Jeremia 31:28

Ku cït man cän e kiëët bä ke nyuän bei, ku wuöth ke bei, ku riääk ke, ku thuöör ke piny, yen abän kïït aya bä ke com, ku yiɛ̈k ke.

Jeremia 31:5

Wek bï duum ke enap bɛ nyɔk ë cum ë kur kor ke Thamaria nïïm, ku kɔc ë com keek abïk mïth ke enap bï luɔk cam.

Jeremia 32:15

Acïï Bɛ̈nydït de rɛm, Nhialic de Yithriɛl lueel an, ɣööt ku duum, ku duum ke tiim abïï keek bɛ nyɔk ë ɣɔ̈ɔ̈c ee pinyë.”

Jeremia 32:37

Yɛn bï kɔc lɔ määt yiic ë juööriic ëbɛ̈n të wään cän ke thiäi thïn në agönhdï kekë diu de piɔ̈u, ku abä keek lɔ bɛ̈ɛ̈i ciëën ee tënë ku abä keek tɔ rɛ̈ɛ̈r eenë ë läŋ.

Jeremia 33:11

awuɔɔu de miɛtëpiɔ̈u ku dhuëëŋ de monythiëk ku nyan thiak bɛ piŋ. Yïn bï kɔc bɛ piŋ akït ke ke bïï miɔ̈c de miɛtëpiɔ̈u ɣöndiën ë Bɛ̈nydït, abïk aa lueel an, ‘Gämkï Bɛ̈nydït de rɛm alɛɛc, në biäk piɛth En, ku nhiëërdɛn agɔk atɔ̈u athɛɛr.’ Yɛn bï ee pinyë bɛ tɔ kueth cït man wään kɔn en tɔ̈u. Acä lueel, Yɛn Bɛ̈nydït.”

Jeremia 33:7

Yɛn bï Juda kekë Yithriɛl tɔ kueth, ku abä ke bɛ yïk cït man wään tueŋ.

Edhekiɛl 16:53

Go Bɛ̈nydït lɛ̈k kɔc ke Jeruthalem an, “Yɛn bï Thɔdom kekë wuötkɛn tɔ̈u në yelɔ̈ɔ̈m ku Thamaria kekë wuötkɛn tɔ̈u në yelɔ̈ɔ̈m bɛ tɔ kueth. Ɣɛɛ, yïn bä bɛ tɔ kueth aya.

Edhekiɛl 28:26

Abïk rëër ëtɛ̈ɛ̈n ke cïn kë yök keek. Abïk ɣööt yïk ku comkï tiimkɛn ke enap. Yɛn bï kɔc thiääk në keek luöi këtuc, kɔc ee keek luööi arac, ku Yithriɛl abï rëër ë dïu. Ëtɛ̈ɛ̈n abïk jɔ ŋic nɔn ee yɛn Bɛ̈nydït Nhialicden.”

Edhekiɛl 37:21

Ku lɛ̈kë keek an, Yɛn Bɛ̈nydït Awärjäŋ, Yɛn bï kɔckï lɔ bɛ̈ɛ̈i bei kedhie në juöör wään cïï kek lɔ thïn, ku määt ke yiic tëtök, ku pɔ̈k kenïïm ciëën pinyden.

Edhekiɛl 39:25

Acïï Bɛ̈nydït Awärjäŋ lueel an, “Ku ënɔɔnë yɛn bï piɔ̈u kok në kuat de Jakop, baai de Yithriɛl, ku abä ke bɛ tɔ kueth. Yɛn bï rinkiën ɣer yiic gël.

Amoth 5:11

Ku wek ee kɔc kuanynyïïn yɔŋ, ku ruömkï agamɔden. Ku ënɔɔnë, na cakaa nɔn cä wek ɣöötdït ajämjäm yïk në kuur, wek cï bï rëër thïn. Ku na cakaa nɔn cä wek duum lɛ̈k ke tiim ke enap com, wek cïï mɔ̈nden bï dek.

Dhep 1:13

Kaken abïï keek peec, ku riäk ɣöötken, acïkï ɣööt yïkkï bï cieŋ, ku nɔn dekï mɔ̈n de mïthkɛn ke tiim ë comkï.

Dhep 2:7

Kɔc ke Juda cï döŋ apïr abïk pinydun dɔm. Yen bï kek ɣɔ̈k aa nyuääth thïn, ëlë thëën ke ke lɔ tɔ̈c në ɣööt ke Acekelon yiic. Bɛ̈nydït Nhialicden abï bɛ tɔ̈u ke keek, ku puk kenïïm athiɛɛiden.