Amoth 9:11 - JAM DE NHIALIC 2011

¹¹ Aye Bɛ̈nydït lueel an, “Ade kööl bɔ̈, kööl bän Debid pɔ̈k nɔm ciɛɛŋdɛn cï poot wei, ciɛɛŋdɛn cï ciët ɣön cï riääk. Yɛn bï pänyde bɛ guiɛɛr piny abï lɔ kim piny. Abä bɛ nyɔk në yïk abï ciët man wään kɔn en tɔ̈u.

Amoth 9:11 Iomraidhean Croise

Jop 1:10

Kɛ̈në Jop gɛ̈l cil kekë baaide ku këriëëcde ëbɛ̈n në tuŋ kedhie? Yïn ë luɔi de yen ciin thieei, ka kake acïk kenyïïn ŋuak, acïk wut thiɔ̈ɔ̈ŋic ëbɛ̈n.

Diɛt 143:5

Yɛn cï nïn cï wan tak, yɛn ee ka wään cï looi tak, kajuëc wään cï looi anukï ë yanɔm.

Diɛt 80:12

Eeŋö dhoŋ Yïn kal cï yïk në yekëc, Tïŋ ënɔɔnë kɔc ee tëëk ayek enapde kual,

Diɛt 89:40

Yïn cï kal de pänydɛndït thuöör piny, ku nyääŋë ɣööt piny ke ke cï riääk.

Yith 16:5

Na ë le ke raan töŋ de käu de Debid abï aa melik, ku abï kɔc mac në piathëpiɔ̈u ku nhiëër agɔk. Abï yic dap looi, ku abï löŋ ŋiëc aguiir.)

Yith 5:5

“Kë bä luöi domdiën enap kï, yɛn bï thɔc cän e geeu nyaai, ku thuöör kal wään cän e gël piny, ku ta ciɛm ë läi roor ku dumkï.

Yith 58:12

Kɔcku abïk kë ɣɔn cï riɔ̈ɔ̈k nyɔk në yïk, nyɔkkï yïk në këërkëër thɛɛric. Wek bï ŋic ke we ye kɔc ee pɛ̈ɛ̈ny nyɔk në yïk, kɔc ee ɣööt cï riɔ̈ɔ̈k bɛ tɔ kääc.”

Yith 63:11

Ku ëtɛ̈ɛ̈n acïk kenïïm bɛ̈n tak në kathɛɛr, në akööl ɣɔn ke Mothe, awun de Bɛ̈nydït, gokï aa thiëëc an, “Tɔ̈u Bɛ̈nydït ë nou ënɔɔnë, raan ɣɔn kony bäny ke kɔc ke në wɛ̈ɛ̈r yic? Tɔ̈u Bɛ̈nydït ë nou, raan ɣɔn cï wëidït ɣerke gäm Mothe?

Yith 65:9

Yɛn bï athiɛɛidï gäm kɔc ke Yithriɛl, kɔc ke dhiën ë Juda ku kuatden abïk dɛk pinydiën de kur. Kɔckiën cä lɔc ee ya luööi abïk rëër ëtɛ̈ɛ̈n.

Jeremia 18:9

Ku na cä lueel, nɔn kaar Yɛn bä jur ku nɔn ee ciɛɛŋ com ku yiëk,

Jeremia 30:9

Ku abïk Yɛn aa luööi, Yɛn Bɛ̈nydït Nhialicden, ku luuikï kuat de Debid, raan bä tɔ ee melik.

Jeremia 46:26

ku abä ke gäm kɔc kɔɔr bïk keek nɔ̈k, abä ke gäm Nebukadnedhar melik de Babilonia kekë remdɛn ë tɔŋ. Ku ë kakë cök kɔc abïk bɛ lɔ rëër ë Rip, cït man wään tueŋ. Acä lueel, Yɛn Bɛ̈nydït.”

Dhiëëu 5:21

Bɛ̈ɛ̈iyë wok tënu Yïn, Bɛ̈nydït! Bɛ̈ɛ̈iyë wo ciëën! Puɔ̈kë wonïïm dhuëëŋdan thɛɛr.

Edhekiɛl 17:24

Tiim tɔ̈u ee pinyë kedhie abïk ŋic nɔn ee yɛn Bɛ̈nydït, yɛn ee tim bär yiɛp piny, ku ta tiim cek dït abïk bɛ̈ɛ̈r. Yɛn ee tiim tɔ̈c tɔ biɔɔr, ku ta tiim cï riɔu tɔ tɔ̈c. Yɛn Bɛ̈nydït Awärjäŋ, yɛn aa jam. Yɛn bï kë cä lueel dhil looi.”

Edhekiɛl 36:11

Yɛn bï kɔc ku ɣɔ̈k tɔ kuet abïk juëc. Wek bï juëc ka wek bï täuduön thɛɛr wuöör, ku wek bï dɛk mïth juëc. Wek bä ke tɔ rɛ̈ɛ̈r ëtɛ̈ɛ̈n cït man wään rɛ̈ɛ̈r wek, ku wek bä ke tɔ kueth në kajuëc awär täuduön wään thɛɛr. Ëtɛ̈ɛ̈n abäk jɔ ŋic nɔn ee Yɛn Bɛ̈nydït.

Ɣodh 3:5

Ku ëtɛ̈ɛ̈n, mïth ke Yithriɛl abïk kenïïm puk, ku kɔɔrkï Bɛ̈nydït Nhialicden, ku kɔɔrkï meliŋ cït Debid. Wadäŋ në akööl ciëën, abïk aa bɛ̈n në Bɛ̈nydït lɔ̈ɔ̈m në riëëu, bïï ë keek bɛ̈n thieei.

Obadaya 1:17

“Ku kɔc kɔ̈k abïk ban në Kuur ë Dhiɔn nɔm ku abï aa tëɣeric. Kɔc ke Jakop, abïk ee pinyë lɔ̈ɔ̈k lak ke ye këden.

Maika 5:2

Aye Bɛ̈nydït lueel an, “Ku yïn Bethleɣem Eparatha. Na cakaa nɔn yïn wun koor ë dhiën ë Juda, Yɛn bï bɛ̈nydï bɛ̈ɛ̈i bei në yïyic, raandiën bï Yithriɛl mac, raan cïï kuatden rɔt gɔl ɣɔn thɛɛr.

Maika 7:11

Akööl abïkï, akööl bïï kaldu bɛ yïk ëbɛ̈n, ku be ë pinydu ŋuak thok.

Maika 7:14

Tit kɔcku apiɛth Bɛ̈nydït, kɔckuön cï lɔc. Arëërkï roor ënɔɔnë kapäc. Ee Yïn abï ke lɛɛr piny piɛth de Bacan ku Giliyad, cït man ɣɔn ye kek kɔn tɔ̈u ɣɔn thɛɛr.

Maika 7:8

Du yïnɔm lec në yɛn raan de ater, na cakaa nɔn cän wïïkë, yɛn bï rɔt bɛ jɔt. Na ya cakaa rëër në mɔ̈ɔ̈th yic ënɔɔnë, Bɛ̈nydït ee yɛn gäm ɣɛɛr.

Dhek 12:7

“Ku yɛn Bɛ̈nydït, yɛn bï Juda kɔn tɔ tiam tueŋ, ke dhuëëŋ bï käu de Debid yök kekë kɔc ke Jeruthalem, ke cïï bï dït awär dhuëëŋ bïï ë kɔc ke Juda yök.

Dhek 14:10

Yen ee pinyë ëbɛ̈n, abïï raai nɔm piny, gɔl ë Geba të lɔ rut aɣët cï Rimon të le wöuwic. Jeruthalem abï woi nhial në wuöt thiääk ë yen, pänydït abï ɣet gɔl ë kal ë Benjamin thok leer ë kal aguk thok, të wään kɔn ë kal tueŋë thok tɔ̈u. Ku gɔl në aloocdïït bäär de Ɣananel leer të ye mɔ̈n ë melik dhiim.

Dhek 6:12

Ku lɛ̈kë yen an aye Bɛ̈nydït de rɛm lueel an, ‘Raan cɔl Këër abï bäny të tɔ̈u en thïn, ku abï Luaŋdït bɛ yïk.

Kuɛ̈n 24:18

Abï kɔckɛn ka ater peec Edom kedhie, ku tɔ pinyden ee këde, ku ŋoot Yithriɛl ke tiam kɔc.