Amoth 9:10 - JAM DE NHIALIC 2011

¹⁰ Kɔc ee karɛc looi kedhie në kɔckï yiic abïk dhil thou në abätäu, kɔc ee ye lueel an, ‘Acïn kërɛɛc bïï Bɛ̈nydït bɛ̈ɛ̈i në wogup.’

Amoth 9:10 Iomraidhean Croise

Diɛt 10:11

Ago kɔc rac röt aa yöök an, “Nhialic ë nɔm määr! Ë yenyin kum ka acïï wo bï bɛ tïŋ ë caaŋde!”

Wɛ̈ɛ̈t 8:11

Eeŋö ye kɔc karɛc dap looi? Ee biäk cïï kɔc ë karɛc looi ee dap luöi këtuc aruööthic.

Yith 33:14

Kɔc ke Dhiɔn ee karɛc looi alɛth ë riɔ̈ɔ̈c keek. Ayek lueel an, “Guiëër de löŋ de Nhialic acït many dɛ̈p aɣet athɛɛr. Duëër dɛ raan bï poth në many cït ee kënë?”

Yith 5:19

Ayak lueel an, “Adï jɔ Bɛ̈nydït dap bɛ̈n, ku looi kë cï lueel an bï lëu ke buk tïŋ, Nhialic Ɣeric de Yithriɛl aduëër wo dap nyuöth kiɛɛu de kë buk ŋic.”

Yith 56:12

Aye kɔc ye mɔ̈u wit lueel an, “Takï wo yïn ë mɔ̈n tuc, ku deku kë buk lëu! Ku miäk abï ee köölë wuöör aläl!”

Jeremia 18:18

Go kɔc jɔ lueel an, “Loiku këdäŋ në biäk de Jeremia! Wok bï nïïm aa dɛ bäny de kake Nhialic bï wook aa wɛ̈ɛ̈t, kɔc pel nïïm bï wook aa wɛ̈ɛ̈t, ku tït bï wook aa lɛ̈k jam de Nhialic. Lok ciëku thok, ke wo bï kɔ̈ɔ̈c në pïŋ piŋ wok ka ye lueel.”

Jeremia 23:17

Ayek lɛ̈k kɔc cï kë luɛɛl rɛɛc gam, ayek lueel an, käŋ abïk piath ëbɛ̈n tëde keek. Ku ayek lɛ̈k raan ril nɔm ëbɛ̈n an, riääk acïï bï bɛ̈n taitai.”

Jeremia 29:32

Acä lueel Yɛn Bɛ̈nydït an, “Yɛn bï Cemaya de Neɣelam kekë mïth ke mïthke luöi këtuc, abï nɔm ciën raan pïïr ee kɔckë yiic, raan bï këpiɛth bä luöi kɔckï tïŋ, ë biäk cï jam ke reec Bɛ̈nydït.’ ”

Edhekiɛl 20:38

Yɛn bï kɔc ee löŋ rɛɛc ku kɔc ee karɛc looi nyaai në we yiic. Abä ke bɛ̈ɛ̈i bei pinydɛn ciɛŋkï ënɔɔnë, ku acä ke bï bɛ tɔ puk kenïïm piny de Yithriɛl. Ëtɛ̈ɛ̈n abäk jɔ ŋic nɔn ee yɛn Bɛ̈nydït.”

Amoth 6:1

Amawoou në week, wek kɔc cï rëër lɔ läŋ yök në Dhiɔn, ku kɔc cï gup a päl piny në kuur ë Thamaria nɔm. Wek bänydït ke baai de Yithriɛl ee röt yök cït ka wär bäny ke juöör ëbɛ̈n. Wek kɔc ye kɔc ke kuɔɔny kɔɔr tëde keek!

Amoth 6:3

Wek ee bɛ̈n de akööl ke riääk tɔ mec, ku yak thöny de akuöörkuöör jɔ cuöt tëthiɔ̈k.

Amoth 9:8

Ku ënɔɔnë nyïïn ke Bɛ̈nydït Nhialic awoikï ciɛɛŋ rɛɛc de Yithriɛl, ku abä riɔ̈ɔ̈k taitai në pinynɔm. Ku Yɛn cïï käu de Jakop bï riɔ̈ɔ̈k ëbɛ̈n. Kënë ë lueel Bɛ̈nydït ka.

Maika 3:11

Bäny ke pänydït ayek wut mac në kumthok, ku wëët bänykɛn ke kake Nhialic kɔc në ariöp. Ku tïtken ayek cɔ̈ɔ̈r në wëu. Ku ŋootkï ke ke ye röt kan në Bɛ̈nydït, ku luelkï an, “Bɛ̈nydït atɔ̈u në woyiic, ka acïn kërɛɛc bï wo yök.

Dhek 1:6

Yɛn aacï awuutkï tït tɔ jäny kuarkun, ku yöökkï keek. Agokï jamden dhɔ̈lic, gokï këtuc yök. Gokï kërɛɛcden puɔ̈l ku gamkï yɛn luelkï an, ‘Bɛ̈nydït de rɛm ë wo luöi këtuc, kë rɔ̈ŋ ke keek, cït man ë kë kɔɔr në yapiɔ̈u.’

Malakai 3:15

Cït man ye wok en tïŋ ënɔɔnë, luɔi yen kɔc ɣɛ̈ɛ̈c kenïïm kek ee röt yök cït ka cï thieei. Ku kɔc ee karɛc looi kek akueth, ku ayek Nhialic them aya në karɛckɛn yek looi, ku cïn kë yök keek.’

Malakai 4:1

Piɛŋkï kë lueel ë Bɛ̈nydït de rɛm an, “Kööl abɔ̈ ë yic, kööl bï tuöc arëët cït many ë tim cï riɔu. Ee kööl bän kɔc ee kenïïm ɣääc nyuɔp piny kedhie abïk dëp cït man aɣɔ̈l, ayï kɔc ee karɛc looi. Abïk dëp kedhie taitai abï ciën raan tök në keyiic.