Amoth 9:1 - JAM DE NHIALIC 2011

¹ Yɛn ë Bɛ̈nydït tïŋ ke kääc në yïk lɔ̈ɔ̈m, ku lueel an, “Yup gɔ̈ɔ̈l nu ë mën ke Luaŋdït nïïm aläl ke yiɛɛu bï lath ku thiɔ̈i ke. Dhuɔŋë ke wei, ke ke bï wïïk në kɔc nïïm kedhie. Kɔc cï döŋ ë keyiic, abä keek nɔ̈k në abätäu. Acïn raan töŋ bï kɔt wei në ke yiic, ku cïn raan töŋ bän.

Amoth 9:1 Iomraidhean Croise

2 Lëk 18:18

Go Mikaya ŋoot ke jam an, “Ënɔɔnë piɛŋkï jam lueel ë Bɛ̈nydït! Yɛn cï Bɛ̈nydït tïŋ ke rɛ̈ɛ̈r ë thöönyde nɔm paannhial, ku kääc tuuckɛnnhial ë yelɔ̈ɔ̈m kedhie biäk cuëc ku biäk cam.

Diɛt 68:21

Nhialic ë yic abï kɔc de ater në Yen, dhuööŋ nïïm, kɔc ee rɛ̈ɛ̈r në ciɛɛŋ rɛɛcden yic.

Diɛt 68:22

Acï Bɛ̈nydït lueel an, “Yɛn bï kɔc ke aterdu bɛ̈ɛ̈i ciëën në Bacan, abä ke bɛ̈ɛ̈i bei në Abäpdit thar piny të thuth,

Yith 30:16

Ku acäk tak an bäk ban ë jöŋgöör ŋic riŋ të cop ë kɔc ke aterdun week. Ee yicdun, kat ee yen ee kë bäk looi! Ayak tak an ŋic jöŋgöörkun riŋ aläl, ku kɔc cop week aŋickï riŋ aläldïïtë!

Yith 6:1

Në ruöön ɣɔn thouwë melik Yudhia, yɛn cï Bɛ̈nydït tïŋ. Aa rɛ̈ɛ̈r në thööc nɔm nhial, ku lupɔde ë luaŋdït thiɔ̈ɔ̈ŋic ëbɛ̈n.

Jeremia 11:11

Ka ënɔɔnë, Yɛn Bɛ̈nydït, Ayɔ̈ɔ̈k keek nɔn bän riääk yiɛ̈n keek, ku acïkï bï ban. Ku të le kek lɔ dhiau, ke ke kɔɔr kuɔɔny tëde Yɛn, Yɛn cïï dhiënden bï piŋ.

Jeremia 42:16

ka tɔŋ ya wek riɔ̈ɔ̈cë abï we gïth, cɔŋ ya wek diɛɛr ë ye abï we kuany cök, ku we bï thou ëtɛ̈ɛ̈n ë Rip.

Jeremia 48:44

Raan bï kat ë riɔ̈ɔ̈cdït abï lɔ lööny ë pulic, ku raan bï bɛ̈n bei ë pulic, abïï ë wïn ë dɛ̈p dɔm, në biäk cïï Bɛ̈nydït kööl de riääk ë Mowap guiir.

Edhekiɛl 1:28

ku ade yic kïït ke mïït kedhie. Kënë aaye many riau nyooth täu de Bɛ̈nydït.

Edhekiɛl 10:4

Biöl ë many ë täu de Bɛ̈nydït lɔ nhial, tëde cerubiim ku jɔkï lɔ në kal thoŋ de Luaŋdït. Ëtɛ̈ɛ̈n go luät Luaŋdït thiɔ̈ɔ̈ŋ yic, ku jɔ kal yic riau në mac.

Edhekiɛl 15:7

abä keek luöi këtuc. Acïk poth në many tök thok, ku ënɔɔnë abï mac ke nyuɔp piny. Të lan ke lɔ luöi këtuc abäk ŋic nɔn ee yɛn Bɛ̈nydït.

Edhekiɛl 9:2

Ënɔɔnë thiinë, go kɔc kadhetem bɛ̈n të lɔ rut në kal thoŋ biic de Luaŋdït, ŋɛk amuk tɔɔŋke. Ku raan tök ë keyiic aceŋ lupɔ de linɔn ku amuk këde gäär në yeciin. Gokï bɛ̈n kedhie ku kɛ̈ɛ̈ckï në yïïŋ de maläŋ kɔ̈u.

Amoth 3:14

Kööl bän kɔc ke Yithriɛl luöi këtuc, në biäk de awänydɛn cïk looi. Yɛn bï yïk ke Bethel riɔ̈ɔ̈k, ku dhuɔŋ tuŋ ke yïk kaŋuan bei në yenɔm kedhie.

Amoth 7:17

Ku ënɔɔnë, aye Bɛ̈nydït lueel an, ‘Tiiŋdu abï aa akɔɔrröör wutic, ku wɛ̈ɛ̈tku ku duet ku mïthku abïk wïïk në abätäu, ku Pinydu abï tek në awiɛi. Ku yïn bï lɔ thou piny ë kɔc kuc Nhialic. Ku kɔc ke Yithriɛl abïï keek peec pinyden leerë keek piny lei.’ ”

Amoth 7:9

Ɣään thöny ɣɔn ye kuat de Yithaak lam thïn abïï ke nyääŋ piny. Ku ɣään ke läm ke Yithriɛl, abï ke dhuɔŋ piny. Ku riääk bääny de baai de melik Jerobowam në abätäu.

Ɣabakuk 3:13

Yïn ë lɔ biic lɔ kɔcku kony, lɔ melikduön cï lɔc kony. Yïn ë bäny ke kɔc ee karɛc looi dhiac nïïm ayï kɔckɛn ee keek kuany cök.

Dhep 1:12

“Në aköölkë ee manyalath yen abä nööm ku kaar Jeruthalem yic. Ku luöi këtuc kɔc cï piɔ̈ɔ̈th kuɛth ee röt ŋɔ̈ɔ̈th, ee ye lueel an, ‘Acïn kë bïï ë Bɛ̈nydït luöi wook, nɔn yen këpiɛth ku nɔn ee kërac.’

Dhep 2:14

Luuny ke këriëëc roor ëbɛ̈n abïk aa tɔ̈c thïn. Cuɔɔr ayï anyigon abïk cieŋ në pänydït yic, ku agumut abï aa kïïu awëërnyïïn. Ku gaak abï ya dhiau në nïn nɔm. Kɔc abïk tiim ke thidar ke ɣööt wɛ̈ɛ̈th bei në kekɔ̈ɔ̈th

Jɔn 1:18

Acïn raan cï Nhialic kɔn tïŋ ëkööl tök, ee Wën töŋdɛn cï dhiëëth etök, Wën nu ë Wun yɔu, yen aa nyuuth en.

Jɔn 1:32

Go Jɔn këde lueel an, “Yɛn aa tïŋ Wëidït ke ke bɔ̈ nhial ke cït guöp guuk, bï ku rëër ë yenɔm.

Luɔi 26:13

na wën, akääc akɔ̈l cil, yïn melik, ke ya tïŋ këɣer kueer, këɣeer bɔ̈ nhial, ke wär akɔ̈l ë riau, ku jɔ piny riaau ë yalɔ̈ɔ̈m, ayï kɔc lɔ̈m kɔc ciɛth wok.

Jocua 10:18

Go lueel an, “Thiɔ̈kkï kök thok në gök dïït ë kuur, ku tiɛtkï.

Nyuuth 1:17

Na wën, aa cä ye tïŋ, ke ya jɔ wïïk ë yecök cït man ë kë cï thou. Go ciin cuënyde tääu ë yaguöp, yöök ɛn, an, “Du riɔ̈ɔ̈c: yɛn ee tueŋ, ku ya ciëën.

Nyuuth 8:3

Ku bɔ̈ tunynhial däŋ bïï ku kɛ̈ɛ̈c ë yïïŋ de läm nɔm, ku muk thaŋ ë adhääp ee wɛ̈ɛ̈l tum nyop thïn, ago gäm wɛl juëc tum, bïï ke mat në lɔ̈ŋ ëtök lɔ̈ŋ ee kɔc ɣerpiɔ̈ɔ̈th lɔ̈ŋ kedhie, ku nyop ke ë yïïŋ de läm nɔm yïïŋ nu ë thöönydït nɔm tueŋ.