Amoth 8:9 - JAM DE NHIALIC 2011

⁹ Ade kööl bɔ̈, kööl bän akɔ̈l tɔ lɔ piny ke ŋoot cil, ku ta piny col aköl. Ee Yɛn Bɛ̈nydït Nhialic Yɛn aa jam.

Amoth 8:9 Iomraidhean Croise

Jop 5:14

Ayek kɔ̈th ë mɔ̈ɔ̈thic aköl, ku jɔkï lɔ päthpäth të kɛ̈ɛ̈c akɔ̈l cil cït wakɔ̈u.

Yith 13:10

Kuel ke paannhial ëbɛ̈n ku kuut ke kuɛl acïkï bï riau, ku akɔ̈l abï cuɔl të bïï yen thok, ku pɛɛi acï bï ruɛl.

Jeremia 13:16

Riëëukï Bɛ̈nydït Nhialicdun, të kën En cuɔlëpiny guɔ bɛ̈ɛ̈i, ku wek ee guɔ kɔ̈th në kur, ke ŋoot ke kën cuɔlëpiny dït bɛ̈ɛ̈i tëde ɣɛɛrduön yak ŋɔ̈ɔ̈th.

Jeremia 15:9

Tiiŋ cï mïthke kadhorou thou acï thɔ̈ɔ̈k, ke ee wëi dääkiic. Kööldɛn ɣer acï guɔ aa cuɔlëpiny, acï yäär ku tɔ̈k piɔ̈u. Yɛn bï kɔc ke aterdun tɔ näk week, wek kɔc ŋoot ke we pïïr. Acä lueel, Yɛn Bɛ̈nydït.”

Edhekiɛl 32:7

Të lan yïn lɔ riɔ̈ɔ̈k, Yɛn bï tënhial kum ku cuɔth kuɛl. Akɔ̈l abï thiaan në luäät kɔ̈ɔ̈th, ku pɛɛi acïï piny bï meer.

Amoth 4:13

Nhialic Ee Yen Raan ë cak kur ku ciɛk yom. Acï täŋde tɔ ŋic ë kɔc, ee wakɔ̈u puk ke ye aköl. Ee cath në ɣään thöny ke pinynɔm ëbɛ̈n. Ku rinke acɔl ke Bɛ̈nydït, Nhialic Awärjäŋ!

Amoth 5:8

Nhialic yen aa cak kuɛl kedhie, kuɛl lɔyok, ku ciëër ë run ë piny. Ee wakɔ̈u puk tɔ ye aköl, ku puk aköl ke ye wakɔ̈u. Ee pïïu ke wɛ̈ɛ̈r cɔɔl, ku piɛɛk keek biic në tiɔp nɔm. Rinke acɔl ke Bɛ̈nydït.

Maika 3:6

Në biäk de ee kënë, akööl abïkï, akööl bï yiic ciën nyuuth, ku mɔ̈ɔ̈th cïnic cäär. Aköl de tït abï lɔ piny, ku akölden abï rɔt puk aye mɔ̈ɔ̈th.

Dhek 14:7

ayï mɔ̈ɔ̈th. Abï dɛ ɣɛɛr aköölnyïïn, ayï wakɔ̈u. Kööl bïï ee kënë rɔt looi ee Bɛ̈nydït Yen ŋic yen Yetök.

Math 24:29

Na ëlë ënɔnthiinë, të cï këtuc ë aköölkë thök, ke akɔ̈l abï cuɔl, ku pɛɛi acïï bï ruɛl, ku kuɛl abïk löny nhial, ku riɛl dït ke tënhial abï ke niɛŋ.

Math 27:45

Na wën, ë thaar kadhetem, ke piny jɔ guɔ cuɔl ëbɛ̈n, aɣët thaar kadhoŋuan.

Mak 15:33

Na wën, aa cï thaar aa dhetem, ke piny ë jɔ guɔ cuɔl ëcut ë piny nɔm ëbɛ̈n aɣët thaar kadhoŋuan.

Luk 23:44

Na wën, të cït thaar kadhetem, ke mɔ̈ɔ̈th bɔ̈ ë piny nɔm ëbɛ̈n aɣet thaar ë dhoŋuan, akɔ̈l ë määr: ku jɔ lupɔ dïït de Luaŋdït yic rɛɛt ë ciɛɛlic.

Nyuuth 6:12

Na wën, ke ya jɔt anyin, të wën kuek en adöŋ ee kek dhetem bei, go piny rɔt niɛŋ arëët, go akɔ̈l cuɔl ëcut, cït cuaal cï cuëëc ë nhïm col, ku jɔ pɛɛi ciët riɛm liŋliŋ.

Nyuuth 8:12

Na wën, ke tunynhial ee kek ŋuan koth kaaŋde, ku jɔ baŋ töŋ de akɔ̈l yup, baŋ wën ee kek diäk, ku yup baŋ töŋ de pɛɛi, ku baŋ töŋ de kuɛl, baŋ wën ee kek diäk, ago baŋ töŋ ë keek ago cuɔl, baŋ wën ee kek diäk, go piny cuö ɣer aköl ë baŋ töŋ de baŋ wën ee kek diäk, ayï wakɔ̈u ayadäŋ.