Amoth 8:5 - JAM DE NHIALIC 2011

⁵ Ku yak lueel an, “Pɛɛi bï dap wil nɛn ke wo ɣɛɛc rap? Ku bï kööl ë Thabath dap tëëk nɛn ke wo ɣɛɛc agamɔ? Ke wo bï kɔc cam. Wok bï kë ye them tɔ koor, ku tɔku kuën ë wëu juëc.

Amoth 8:5 Iomraidhean Croise

2 Mel 4:23

Ago lueel an, “Eeŋö lɔ kɔɔr tëde yen ee köölë? Acie Thabath, ku cie Dhuëëŋ de wil ë Pɛɛi.” Go pɔ̈k nɔm en an, “Ee këpiɛth.”

Bɛ̈n 31:13

“lɛ̈kë kɔc ke Yithriɛl an, ‘Dɔ̈tkï Thabath, kööldiën de lɔ̈ŋ. Në baŋ yen kïn de mät në kaamdï wo week aɣet athɛɛr, kïn bï ye aa nyuɔɔth nɔn cän week tɔ ye kɔc ke nɔmdï Yɛn Bɛ̈nydït.

Kɛ̈ŋ 11:1

Kuöc thëm de yic cuëër ee gök de kërɛɛc mɛɛn Bɛ̈nydït, ee thëm piɛth yen anhiɛɛr.

Kɛ̈ŋ 16:11

Ŋiëc thëm piɛth abɔ̈ tëde Bɛ̈nydït.

Kɛ̈ŋ 20:23

Kuöc thëm de yic cuëër ee gök de kërɛɛc mɛɛn Bɛ̈nydït.

Yith 1:13

Acïn naamde të bɛ̈ɛ̈i wek miɔ̈ckun, ee gök de kërɛɛc maan yen miɔ̈c de wal ŋïr cäk nyop, ku yɛn cïï dhuëŋkuön ke yï pɛɛi ë piac wil duëër gam, ayï kööl ë Thabath ku lɔ kööl de lɔ̈ŋ de amatnɔm, acïï awɛ̈ɛ̈ckun ke riɔ̈ɔ̈k ëbɛ̈n.

Yith 58:13

Aye Bɛ̈nydït lueel an, “Na yak kööl ë Thabath tɔ ye kööl ɣeric, ku cäkï ka kɔɔr ë piɔ̈ɔ̈thkun ee looi në ye köölë, na gämë kööldiën ɣeric naamde, ku riëëukï, ke we cïï kɛny, ku cäkï lui thïn, ku cäkï jam ɣäär yiic ee lueel në ye köölë,

Ɣodh 12:7

Aye Bɛ̈nydït lueel an, “Ku kɔc ee ɣɔɔc, ayek kɔc thɛ̈m në kake thëm dak thook, anhiaarkï ka lei.

Ɣodh 12:8

Aye kɔc ke Eparaim lueel an, “Wok kueth, wok cï dɛk kajuëc. Ku në kuɛth kueth wokë ëbɛ̈n, acïn raan lëu en bï wook gɔ̈k, ku cïn raan duëër en lueel nɔn cïï wok wäc.

Lebai 19:36

Yak athëm piɛth looi, ee Yɛn Bɛ̈nydït Nhialicdun.

Dhek 5:6

Guɔ luɔp an, “Ee kän ŋö? Go puk nɔm an, ‘Ee diöny nyooth awɛ̈ɛ̈c ke ee pinyë ëbɛ̈n.’

Dhek 5:8

Go tunynhial lueel an, “Kënë ee karɛcken. Na wën, ke thɛny tik piny në diöny yic ku kum nɔm në akum.

Malakai 1:13

Ku ayak lueel an, ‘Wok ë jɔ bäp në ee kakë kedhie!’ Ku wɛ̈lkï wekɔ̈ɔ̈th Ɛn. Kaarkï bä ɣɔ̈kkun gam, ɣɔ̈k ë rum, ku thök ŋöl, ku thök de gup jɔɔk yak yiɛ̈n Ɛn ke ke ye miɔ̈c, yak tak bä ke gam tëde week? Kë lueel ë Bɛ̈nydït de rɛm ka.

Kuɛ̈n 10:10

Ku në kööl ë dhuëëŋ ayadäŋ ke we koth kɛŋ, dhuëëŋ cak mäc akööl, ayï dhuëŋkuön ke wil ë pɛ̈i. Yak ke kooth të gam wek miɔ̈c ye nyop ëbɛ̈n, ayï miɔ̈c de mät. Ku ëtɛ̈ɛ̈n, abïk Bɛ̈nydït Nhialicdun ee täk nɔm në week.

Kolothai 2:16

Yen duö wek röt ee tɔ jiëëny raan në këde këcam ku në këde ka dek ayï kööl ke dhuëëŋ, ayï pɛɛi cï wil ayï kööl ë Thabath:

1 Tham 20:5

Go Debid lɛ̈k Jɔnathan an, “Miäk ruu piny, ee dhuëëŋ de wil ë pɛɛi, ka rɔ̈ŋ bä lɔ cam wokë Melik. Ku ënɔɔnë, na piɛth ë yïpiɔ̈u, ke yɛn duëër jäl la thiaan roor, agut cï rutui thëën.”