Amoth 8:12 - JAM DE NHIALIC 2011

¹² Ku kɔc abïk piny wiëël në cäth në kaam ë wɛ̈ɛ̈rë ke wɛ̈ɛ̈rë. Ku bïk aa ɣet të lɔ rut ku të lɔ aköl amiäk. Ku abïk aa kat ke ke lɔ tɛ̈n ku lek tɛ̈n, ke ke kɔɔr jam de Bɛ̈nydït, ku acïkï bï kɔn yök ëtɔt.

Amoth 8:12 Iomraidhean Croise

Kɛ̈ŋ 1:28

Ëtɛ̈ɛ̈n, wek bï ya jɔ aa cɔɔl an pɛlënɔm, ku acä bï bɛ piŋ. Wek bï ya kɔɔr në ɣääniic ëbɛ̈n, ku cäkï ya yök.

Kɛ̈ŋ 14:6

Pɛlënɔm kɔɔr raan ee kɔc dɔl gup acie yök, ku ŋïny de käŋ apiɔlic tëde raan ee käŋ yökic.

Kɛ̈ŋ 29:18

Wun cïnic nyuuth aye kɔc juëc määr, ku raan ee löŋë muk abï thieei.

Edhekiɛl 20:3

“Mɛnh ë raan, jamë wek ee röördït ku lɛ̈kë keek an acïï Bɛ̈nydït Awärjäŋ lueel an: ‘Wek cï bɛ̈n bäk këde piɔ̈ndï kɔɔr, cie tɔ̈u de ka? Në yic, ke ya ye Nhialic pïïr. Acä lueel, Yɛn Bɛ̈nydït Awärjäŋ.

Edhekiɛl 20:31

Agut cï ee köölë, wek ee miɔ̈c töŋë gam, ku jakï röt riɔ̈ɔ̈k në ee yiëth mankë, në gɛm ya wek mïthkun gam, tɔ ke ye miɔ̈c ye nyop ëbɛ̈n në mac yic. Ku ayadäŋ baai de Yithriɛl wek ee ŋoot ke we thiëc ɛn, eeŋö ye ee këde piɔ̈ndï! Ee yic, ke ya ye Bɛ̈nydït Awärjäŋ, yɛn ee Nhialic pïïr, wek cä bï bɛ pɔ̈l athiëc këdäŋ tëde yɛn.

Danyel 12:4

Go ë tunynhial lɛ̈k ɛn an, “Ku ënɔɔnë, Danyel, thiɔ̈k awerek ku bot thok aɣët cï thök de piny nɔm. Ku kɔc juëc abïk kaamdït thöl ke ke kɔɔr luöi bï kek kë loi rɔt yökic.

Ɣodh 5:6

Ayek thökken lɛɛr, ku leerkï ɣɔ̈kkɛn lek keek näk Bɛ̈nydït, ku acïkï Bɛ̈nydït ee yök. Bɛ̈nydït ë rɔt miɛɛt wei në kelɔ̈m.

Math 12:30

Raan reec mät ke yɛn, ka de ater ke yɛn, ku raan reec kuëny kekë yɛn ëtök, ka thiëi käŋ wei.

1 Tham 3:1

Ku Thamwɛl aa luui Bɛ̈nydït ke rɛ̈ɛ̈r kekë Eli, ku në aa köölkë yiic jam ë Bɛ̈nydït aa dak të de kɔc.