Amoth 8:11 - JAM DE NHIALIC 2011

¹¹ Ku lueel Bɛ̈nydït Nhialic an, “Akööl abïkï, akööl bän cɔk tɔ bɔ̈ pinydun, acï bï aa cɔŋ ë këcam, ku cie ron ë pïïu, abï aa cɔŋ kɔɔr ë kɔc pïŋ në wëlke.

Amoth 8:11 Iomraidhean Croise

2 Lëk 15:3

Kɔc ke Yithriɛl acïk rëër ë run juëc ke ke cïn nïïm Nhialic yic, ku cïnkï nïïm bäny ke kake Nhialic ee keek wɛ̈ɛ̈t, ku cïnkï lööŋ.

Diɛt 74:9

Kït ke kakuɔn ɣeriic kedhie acïk liu, Acïn tït cï döŋ, ku acïn raan ŋic yen bïï kaam cït ŋö lɛɛr yen ee kënë.

Kɛ̈ŋ 29:18

Wun cïnic nyuuth aye kɔc juëc määr, ku raan ee löŋë muk abï thieei.

Yith 5:6

Yɛn bï wal tɔ cil thïn. Yɛn cïï tiim bï guaar kɔ̈ɔ̈th, ku cä ke puur thäär, ku yɛn bï wal kekë kuɔɔth pɔ̈l ke ke cil thïn ku kumkï keek piny. Ayï luäät abä pɛ̈n luɔi tuëny en dom.”

Edhekiɛl 7:26

Riäŋë abï bɛ̈n ë riäŋë cök, ku thook luel karɛc abïk aa bɛ̈n. Wek bï nyuuth kɔɔr tëde tiët bï we lɛ̈k ka cï tïŋ. Bäny ke kake Nhialic abïk nïïm ciën kë bï kek kɔc wɛ̈ɛ̈t, ku röördït abïk nïïm ciën ka jiëëm kek kɔc.

Ɣodh 2:3

Na le ye cuök päl, abä yɔ̈ɔ̈t kɔ̈u bei në lupɔɔ, ka abï cath në yekɔ̈u cït man ɣɔn dhiëëthë yen. Abä tɔ cït jɔ̈ɔ̈r cïn yic pïïu, ku ta nɛ̈k ë rou.

Maika 3:6

Në biäk de ee kënë, akööl abïkï, akööl bï yiic ciën nyuuth, ku mɔ̈ɔ̈th cïnic cäär. Aköl de tït abï lɔ piny, ku akölden abï rɔt puk aye mɔ̈ɔ̈th.

Math 9:36

Na wën, acï kuut ke kɔc tïŋ, ke jɔ piɔ̈u kok kekë keek, luɔi cï kek dak, ku luɔi cï kek thiäi cït man ë thök cïn raan ee ke tiit.

1 Tham 28:15

Ago Thamwɛl lɛ̈k Thaulo an, “Eeŋö jut yïn ɛn guöp? Eeŋö tɔ yïn ɛn tɔ puk yanɔm?” Ago Thaulo pɔ̈k nɔm en an, “Yɛn tɔ̈u ë nuan dït yic! Kɔc ke Pilithiin aluikï yɛn tɔŋ ku Nhialic acï ya nyääŋ piny. Akën bɛ jam kekë yɛn, në kueer de tït ku në nyuöth aya. Yen ka caal ɛn yïn, ke yï bï yɛn bɛ̈n lɛ̈k kë bä looi.”

1 Tham 28:6

ago Thaulo Bɛ̈nydït luɔp në kë bï looi. Ku Bɛ̈nydït akën jamde bɛ̈n bɛ̈ɛ̈r taitai, akën nyuöth në cuɛt de Yurim ku Thumim ku nɔn ee tiët.

1 Tham 3:1

Ku Thamwɛl aa luui Bɛ̈nydït ke rɛ̈ɛ̈r kekë Eli, ku në aa köölkë yiic jam ë Bɛ̈nydït aa dak të de kɔc.