Amoth 7:4 - JAM DE NHIALIC 2011

⁴ Go Bɛ̈nydït Nhialic yɛn nyuöth nyuuth däŋ, në nyuuthic, Bɛ̈nydït acï kïït nɔn bï En kɔcke luöi këtuc në mac. Go mac Abäpdit dït cam, ku ciɛm piny ëbɛ̈n.

Amoth 7:4 Iomraidhean Croise

Yith 27:4

Yɛn cïï be gɔ̈th wökë dom de tiim. Na de kuɔɔth ku thil göth ë yen, aduëër keek nyuɔp piny në mac.

Jeremia 4:4

Mɔ̈kkï mändun në Yɛn Bɛ̈nydïtdun, ku gämkï röt Ɛn, wek kɔc ke Juda ku Jeruthalem. Na cäk ye lɔ looi ke agönhdï abï dëp cït mac në biäk de awɛ̈ɛ̈c cäk looi, abï dëp ku abï ciën raan liiu en.”

Edhekiɛl 21:3

an yɛn Bɛ̈nydït aluɛɛl an: yɛn ee raan aterdun. Yɛn bï abätäudï bɛ̈ɛ̈i bei ku näk week wedhie, raan rac ke raan piɛth athöŋ.

Jowɛl 1:19

Yïn läŋ, Bɛ̈nydït, në biäk cïï ë ɣään ke nyuäth nu ë jɔ̈ɔ̈ric dëp, ku tiim ke duum acïï lɔ̈k ë mac ke nyop kedhie.

Jowɛl 2:30

“Yɛn bï kagɛ̈iyë ke looi ee köölë paannhial ku piny, abï dɛ riɛm ku mac, ku piööl ë tol.

Lebai 10:2

Ago mac bɛ̈n nhial ë Bɛ̈nydït lɔ̈ɔ̈m, ku nɛ̈k Nadap kekë Abiɣu. Agokï thou ë Bɛ̈nydït nɔm.

Amoth 1:4

Në biäk de ee kënë, yɛn bï mac tuɔɔc baai de Ɣadhiɛl. Ku nyuɔp ɣään ril ke Benɣadad piny.

Amoth 1:7

Në biäk de ee kënë, yɛn bï mac tuɔɔc pänydïït de Gadha, ku nyuɔp ɣään riilke piny.

Amoth 2:5

Yɛn bï mac tuɔɔc Juda bï lɔ nyuɔp piny, ku nyuɔp ɣään riil ke Jeruthalem piny.

Amoth 4:11

“Yɛn ë kɔckuön kɔ̈k riɔ̈ɔ̈k cït man wään riääk Ɛn Thɔdom kekë Gomoora. Kɔc cï pïïr ë we yiic, wek cït luny ë tim ë göpë bei mɛɛc. Ku wek ŋoot ke we kën röt pɔ̈k Ɛn.” Kë cïï Bɛ̈nydït lueel ka.

Amoth 5:6

Bä tëde Bɛ̈nydït, ku yïn bï pïïr. Na cïï bɔ̈, Yɛn bï paan ë Jothep dap nap wei ëbɛ̈n cït man ë mac. Ku Bethel abï ciët kë cï ɣɔ̈k many cïn raan lëu en në liiu.

Amoth 7:1

Kë ë nyuth ë Bɛ̈nydït Nhialic yɛn kï: Në nyuuthic yɛn cï Bɛ̈nydït tïŋ acak lunydïït de kɔyɔm. Në akööl ɣɔn cïï ë wal ke melik kɔn ŋeer. Ku jɔ wal piɛɛr bɛ nyɔk.

Amoth 7:7

Go Bɛ̈nydït ya bɛ tɔ nyuöth ë nyuöth däŋ. Në nyuöthic yɛn cï Bɛ̈nydït tïŋ akääc në päny lɔ̈ɔ̈m, päny cï yïk, ku amuk awin ye yïk käŋ them në Yeciin.

Maika 1:4

Ka kur abïk lɛ̈ɛ̈ŋ në yecök, cït man ë kɔl cï tääu mɛɛc. Ku abïk dhuöör ë ke lɔ piny në wakic cït pïïu bɔ̈ piny nhial ë kuur nɔm.

Naɣum 1:6

Eeŋa duëër agönhde guum? Eeŋa duëër abiɔ̈r de ŋeenyde lëu në guöm? Ee agönhde luööŋ piny cït man ë mac, ku kur ayek röt mot në Yenɔm.

Kuɛ̈n 16:35

Go mac bɛ̈n nhial tëde Bɛ̈nydït ku nyop bot kaarou ku thiërdhïny ë raan wën muk abɔ̈c ke wal ŋïr.

Nyöŋ 32:22

“Agönhdï abï biöl cït mac, ku nyop këriëëc ëbɛ̈n ë pinynɔm. Ku abï lɔ ë piny thar ku nyop mei ë kur thäär.

Ɣeberuu 1:7

Ku lueel në biäk de tuucnhial an, “Yɛn cï tuucnhialkï tɔ piɔl cït yom, ku ta ke piɔl cït liem de mac.”

Nyuuth 4:1

Na wën, aacï kakë thök, ke ya jɔt a nyin, guɔ paannhial tïŋ acï liep thok. Ku röl cä kɔn piŋ acït röl ë kaaŋ ke jam ke yɛn, lueel, an, Bä nhial tënë, ku yïn bä nyuöth ka bï dhil lɔ̈ɔ̈k tïc ë kakë cök.